Fredrik Duqlas
| Fredrik Duqlas | |
| ing. Frederick Douglass | |
 |
|
| Doğum tarixi: | 1 fevral 1818-ci il |
|---|---|
| Doğum yeri: | Talbot, Merilend |
| Vəfatı: | 20 fevral 1895-ci il (77 yaşında) |
| Vəfat yeri: | Vaşinqton |
| Milliyyəti: | Amerkalı |
 |
|
Fredrik Duqlas – Amerikalı Abolisionist.
[redaktə] Fəaliyyəti
Fredrik Duqlas mülkadar ailəsində dünyaya gəlmişdi. Duqlasın anası zənci qul, atası isə ağdərili mülkadar idi. Duqlas nigahdan kənar dünyaya gəlmişdi, bu səbəbdən o, geniş hüququlara malik deyildi. Duqlas 1838-ci ildə yaşadığı evi tərk edir və quldarlığa qarşı mübarizəyə başlayır. 1845-ci ildə həyatı haqqında kitab yazmışdır. Fredrik Duqlas sonrakı fəaliyyətini Nyu-York ştatında davam etdirmişdir. O, burada Şimal ulduzu adlı qazetin çap edilməsinə rəhbərlik etmişdir. Qazet quldarlıq quruluşunu sərt şəkildə tənqid edirdi. Duqlas dəfələrlə xarici ölkələrə səfər etmiş və burada təşkil olunan tədbirlərdə çıxış etmişdir. Fredrik Duqlasın mübarizəsində Ku Kluks Klana qarşı olan dövr mühüm yer tutur. Ku Kluks Klanın əsas fəaliyyəti zənciləri qorxutmaqdan ibarət idi.
Müxtəlif növ qeyimlərdən istifadə edərək geçə yarısı zəncilərin yaşadığı ərazilərdə görünən klan üzvülərinin hərəkətləri Duqlas tərəfindən sərt formada tənqid edilmişdir. ABŞ Vətəndaş müharibəsi zamanı Fredrik Duqlas Şimal ordusuna qatılmışdır. Duqlas müharibə dövründə öz çıxışları zamanı daim zənciləri Amerika Konfederativ Ştatlarına qarşı mübarizə aparmağa səsləmişdir. 1865-ci ildən Fredrik Duqlas müxtəlif dövlət idarələrində fəaliyyət göstərmişdir. 1889 – 1891-ci illərdə Duqlas Amerika Birləşmiş Ştatlarının Haitidə baş konsulu olmuşdur. Fredrik Duqlas ABŞ tarixiə ilk zənci vitse prezident namizədi olaraq düşmüşdür. Müharibədən sonra keçirilən prezident seçkiləri zamanı ABŞ-da fəaliyyət göstərən Bərabər Hüquq Partiyası tərəfindən prezidentin köməkçisi (vitse prezident) olaraq namizdəliyi irəli sürülmüşdür.
