Göyəzən dağı
| Göyəzən dağı | |
 |
|
| Hündürlüyü | 250 m |
|---|---|
| Yerləşməsi | Azərbaycan, Qazax |
Göyəzən dağı — Kiçik Qafqazın dağətəyi sahəsində ekstruziv günbəz-dağ. Təbaşir dövründə püskürmüş vulkanın yerində əmələ gəlmişdir. Yer səthindən hündürlüyü 250 m, diametri 130 metrdən çoxdur. Düzənliyə basdırılmış möhtəşəm sütuna bənzəyir. Azərbaycanın Qazax rayonunun ərazisindədir.
Ümumi məlumat [redaktə]
Göyəzən dağı Qazaxın rəmzi sayılır. O, mərkəzdən 20 km aralıda, Coğaz çayından 2 km solda, Alpoud və Abbasbəyli kəndləri ərazisində yerləşir. Nadir geoloji təbiət abidəsi vulkan püskürməsi nəticəsində yaranıb. Təkdir və heç bir dağa bitişik deyil. Hündürlüyü 250 metr olsa da, qazaxlılar buranı "dünyanın mərkəzi" hesab edirlər.[1]
Dibində və ətəyində iri və qədim yaşayış yerin, yeddibürclü qalanın qalıqları görünür. Gövdəsində ilkin insanın məskəni sayılan mağara-otaqlar var. Zirvəsi nisbətən yastıdır. Deyilənə görə qədimdə bayramlarda və düşmən təhlükəsi olanda dağın zirvəsində tonqal qalanarmış. Göyəzən toponimi ilə bağlı müxtəlif rəvayətlər və yozmalar var. Lakin ən inandırıcı izahat "göylərə baş vuran", "göy əzən" yozmasıdır.
Mənbə [redaktə]
- Azərbaycan Milli Ensiklopediyası Bakı 2007 səh.23
