Gecə canavarı (Mortal Kombat)

Vikipediya, açıq ensiklopediya
Keçid et: naviqasiya, axtar
Gecə canavarı
Ümumi məlumatlar
Adı: Gecə canavarı
Orijinal adı: ing. Nightwolf
Yaradıcı: Con Tobias və Ed Bun
İlk görünüş: Mortal Kombat 3
Səsləndirən: Seyl Divit və Tod Touli
Xüsusiyyətləri
Ailə: yoxdur
Cins: Kişi
Dostları: Yer döyüşçüləri
Düşmənləri: Yeraltı dünya döyüşçüləri
Silah: Tomaqavk, Boqen (Oxatan)
Ləqəbləri: yoxdur
Görünüş: İnsan
Döyüş növü: Val Tudo, Taekvando
Dünya: Yaxşı
Doğum yeri: Yer
Məşğuliyyəti: Apaçi döyüşçüsü, Şaman
Qabiliyyəti: Ruhlarla insanlar arasında əlaqə yaradır

Gecə canavarı (ing. Nightwolf) - Mortal Kombat oyun seriyasının personajlarından biridir.[1] Gecə canavarı tarixçidir və xalqının mədəniyyətini qoruyur. Yeraltı dünyanın imperatoru Şao Kannın portalı bütün Şimali Amerikaya açılan zaman xalqının müqəddəs yerlərini qorumaq üçün xüsusi Şaman magiyasından istifadə edir.[2][3][4] Lakin hal-hazırda Şimali Amerika böyük təhlükə altındadır. Gecə canavarı başqa döyüşçülərə xalqının müqəddəs yerlərinə qaçmağa kömək edir. Döyüşçülər müqəddəs yerlərdə olan zaman Şao Kannı məğlub etmək üçün plan hazırlayırlar. Gecə canavarı Şao Kann ilə baş verəcək döyüşü səbirsizliklə gözləyir. Nəhayət, döyüşçülərin Şao Kann ilə döyüşü baş verir. Gecə canavarı Şao Kanna qalib gələrək bütün Şimali Amerikanı xilas edir. Yer normal vəziyyətə döndükdən sonra Gecə canavarı Şimali Amerikanın doğma xalqının itirdiyi keçmiş torpaqları geri qaytarır. Bir müddət keçdikdən sonra Gecə canavarı böyük liderə çevrilir.[5][6][7]

Gecə canavarı böyük şamandır. Görücülüyü ilə Gecə canavarı Reydenlə təmas qurur. Gecə canavarı digər Yerin döyüşçüləri ilə birlikdə yalnız yaxşılığın tərəfindədir. Gecə canavarı personajı Mortal Kombat oyun seriyasının bəzi seriyalarında vardır. İlk dəfə bu personaj 1995-ci ildə yaradılan Mortal Kombat oyun seriyasına daxil olan Mortal Kombat 3 döyüş oyunu üçün hazırlanmışdır. Ardınca Gecə canavarıı personajı Mortal Kombat oyun seriyaları olan Ultimate Mortal Kombat 3, Mortal Kombat Trilogy, Mortal Kombat: DeceptionMortal Kombat: Armageddon döyüş oyunlarında vardır.[8][9][10]

Həyatı[redaktə]

Orijinal[redaktə]

Yeraltı dünyanın portalları Şimali Amerikaya açılan zaman Gecə canavarı dəstəsini qorumaq üçün magiyadan istifadə etməyə başlayır. Bu müqəddəs torpaq hətta Şao Kannın qara qüvvələrinin daxil ola bilmədiyi torpaqdır. Bu səbəbdən Gecə canavarı Yerdə yaşayan döyüşçülərə hindu dəstəsinə məxsus torpaqlara qaçmağa kömək edir ki, Yeraltı dünyanın qara qüvvələri onları məğub edə bilməsin. Məhz həmin torpaqlardan Yer döyüşçüləri Şao Kanna qarşı plan qura bilərlər. Yer döyüşçülərin Şao Kann üzərində qələbə çaldıqdan sonra Gecə canavarı dəstəsinə çoxdan itirilmiş torpaqları geri qaytarır. Bu hindu dəstələri burada böyük xalq dəstəsi quraraq Yerin ən böyük liderlərindən birinə çevrilirlər.

Bir neçə il keçdikdən sonra Gecə canavarı qara qüvvələrinin Yerə yaxınlaşacağını hiss edir. Onun görücülüyü əjdahalar imperatoru Onaqanın dirilməsi ilə kəsilir. Yeni qara qüvvələrin döyüşçüləri ilə döyüşmək üçün Gecə canavarı "Günah yeyən" roluna girir ki, planını müntəzəm surətdə həyata keçirə bilsin və Onaqaya son qoysun. Amma bu çox qorxulu plan idi. Bu rola girdikdən sonra xarakteri nisbətən dəyişir və dəstəsinə zərər yetirə biləcək oqrxulu adama çevrilir. Gecə canavarı xüsusi sözlər oxuyaraq Onaqanın ruhunu bu qorxulu yerə çəkir. Bundan sonra Gecə canavarı dəstəsinin bütün günahlarını Onaqanın üzərinə çəkir. Günahlar Onaqanın üzərinə çəkilməmişdən bir neçə sanyə əvvəl Sucinko keçmiş imperatora sonuncu zərbəsini vurur. Beləliklə, Gecə canavarı Onaqa üzərində qələbə çalır. Bu hadisələrdən sonra Gecə canavarı Yerə qayıdır.

Gecə canavarı məhz inanılmaz quh gücünə görə qələbə qazanmışdır. Amma onun Onaqanın üzərində qələbə çalması qara qüvvələrin yox edilməsi demək deyildir. Keçmiş hindular Gecə canavarı ilə ruh əlaqəsi yaradaraq ona yeni döyüşün başlanmasını ona xəbər verirlər. Bu yuxugörmədən sonra Gecə canavarının yuxuda gördüyü hadisələr real olur. Bu səbəbdən Yerdəki döyüşçülər xüsusi toplantı keçirirlər. Toplantıda Conni Keyc keçmiş allah Şinnokun yeni qara qüvvələri yığacağını söyləyir. Gecə canavarı Conni Keycə onun döyüşməsində kömək edəcəyini bildirir. Toplantıda Gecə canavarı Kitana ilə rastlaşır. Gecə canavarı bilir ki, Kitana ilə Liu Kenqin ruhu birləşsə qara qüvvələrin qarşısında böyük güc olacaqdır. Amma hal-hazırda Gecə canavarı bunu edə bilmir. Bu səbəbdən şaman magiyalarından istifadə edərək onların ruhlarını üzərinə çəkir ki, qara qüvvələr üzərində böyük qələbəni əldə etsin.

Yeni[redaktə]

Gecə canavarı Yerdə yaşan döyüşçülərdən biridir. Bu döyüşçü ruhla insan arasında əlaqə yarada bilir. Gecə canavarı Şərqdə Reyden kimi bilinən Haok ilə görüşməyə gedir. Gecə canavarının qara qüvvələrlə vuruşması üçün ruhlar onun içinə girərk ona güc verir. Gecə canavarı artıq uzun ömürlü olacaqdır. Artıq onun əlində döyüşmək üçün efirdən hazırlannmış silah vardır.

Süjetdə ilk dəfə Gecə canavarı "Ölümücül döyüş" yarışının 10-cu turnirində peyda olur. Burada Gecə canavarı Yer döyüşçüləri tərəfindən döyüşür. Turnirdə peyda olan Skorpion onu görən kimi əsas ikinci rəqibi hesab edir. Skorpion onun keçmiş nəslinin qatillərindən intiqam almamasını düşünüb, onu turnirdə məğlub edir. Bir müddət keçdikdən sonra Gecə canavarı Liu Kenqin Şanq Tsunq üzərində qələbə çalmasında peyda olur. Lakin Gecə canavarı Bu Şinin Akademiya mükafatlandırma mərasimində iştirak etmir.

Gecə canavarı orijinal süjetin finalında Şao Kannın Yerdə məğlubiyyətində peyda olur. Körtis Straykerin Ermak üzərində qləbə çalmasından sonra Gecə canavarı Straykerə Yer döyüşçüləri tərəfindən vuruşmağı təklif edir. Gecə canavarı Kiber Sab-Zironun proqramlaşdırılması zamanı yenidən peyda olur. Reyden Solnado haqqında yuxugörməsindən sonra Gecə canavarı ondan yuxusunda hansı hadisəni gördüyünü soruşur. Reyden ona hindu tayfasının Kuan Çi ilə vuruşacaq Kiber Sab-Ziroya köməyə gedəcəyini bildirir. Bu yuxugörmədən sonra Gecə canavarı Kuan Çi ilə vuruşur və onun üzərində qələbə çalır. Döyüşdən sonra Gecə canavarının üzərinə Nub Saybot hücum edir. Bu zaman Gecə canavarı onu Solnadonun (ruhların pəriləri) içinə salır və nindza yoxa çıxır. Bu hadisələrdən sonra Gecə canavarı Raydenin yanına xoş xəbərlərlə qayıdır. Lakin Reyden hələ də amuletinin dağılacağını görür.

Lin Kuey Yer döyüşçüləri üzərinə hücum edən zaman Gecə canavarı əvvəlcə Sayreks, sonra Sektorla vuruşur və kiborqlara qalib gəlir. Kiborqlar üzərində qələbədən sonra Yer döyüşçülərinə Şanq Tsunqun idarəsi altında olan Sindel hücum edir. Sindel demək olar ki, bütün Yer döyüşçülərini öldürür və Gecə canavarını ağır yaralayır. Yaranın ağır olmasına baxmayaraq Gecə canavarı onunla qəhrəmancasına vuruşur və həyatını itirərək ona qalib gəlir. Bir müddətdən sonra Gecə canavarının ruhu Kuan Çinin idarəsi altında olur. Reyden keçmiş müttəfiqi Gecə canavarının üzərində qələbə çalır.

Arkad rejiminin finalına görə Gecə canavarı Şao Kann üzərində qələbə çalmasından ötrü bütün gücünü sərf edir. Onun canavar ruhu onahəmişə güc qazandırır. Bütün bu hadisələrdən sonra daha Gecə canavarı döyüşlərdə peyda olmur. Gecə canavarı evinə qayıdaraq ruhlarla təmasda olur. Ritual zamanı onun canavarı dəyişilmiş formada geri dönür. Şao Kann ruhunu canavara birləşdirmişdir ki, Gecə canavarını aldadaraq onun bədəninə girsin. Artıq Gecə canavarı canavar halına dönərək Şao Kannın idarəsi altındadır. Onun bircə dişləməsi insanı bədheybət halına döndərməyə kifayət edir. Şao Kann onun sayəsində bütün dünyanı ələ keçirir.

Mənası[redaktə]

"Naytvolf" sözünün mənası ingiliscədən (ing. Nightwolf) "Gecə canavarı" mənasını verir. Gecə canavarı ruhlarla insan arasında əlaqə yaradan Şamandır. Ölkəsini Şao Kanndan qorumaq üçün müxtəlif tədbirlər görür. Məhz Gecə canavarı Liu Kenqin ruhunu onun bədəninə birləşdirməyə köməkçi olmuşdur.[11] Buna nail ola bilməməsi onun gücünün yetərincə olmamasıdır. Buna baxmayaraq Yer döyüşçülərinə Şao Kannın dəstələri ilə vuruşmağa böyük köməklik göstərmişdir.[12][13]

Döyüş növü[redaktə]

"Gecə canavarı" gələcəkdə şaman olmamışdan əvvəl təbiətlə harmoniya münasibəti qurur və ruhlar aləmi ilə əlaqə yaradır.[14][15] Gələcəyin Şamanı ruh enerjisindən oxatan düzəldərək rəqiblərini dəf etməyi bacarır.[16] "Gecə canavarı" çox vaxtı rəqibin yaxınlığında olan zaman onun hücumunu cəld dəf etmək üçün qədim hinduların istifadə etdiyi soyuq silah olan "Tomaqavk" adlı baltaya bənzər silahdan istifadə edir. Gələcəyin Şamanı döyüş zamanı ətrafına ruhları çağıra bilir. "Gecə canavarı" canavarlar ilə əlaqə yaratmağı bacarır və canavarlar da ona öz növbəsində köməklik göstərirlər.[17][18][19][20]

Xüsusi hərəkətlər[redaktə]

Gecə canavarının bir çox xüsusi hərəkətləri vardır. Məhz bu hərəkətlər sayəsinə Gecə canavarı rəqiblərini daha tez məğlub edə bilir. Həmin hərəkətlər aşağıdakı cədvəldə verilmişdir:

Xüsusi hərəkətlər Seriya
Balta ilə vurmaq MK3, UMK3, MKT, МК (2011
İşıqlanmaq MK3, UMK3, MKT, MKD, MKA, MK (2011)
Ox ilə vurmaq MK3, UMK3, MKT, MKD, MKA, MK (2011)
Çiyin ilə zərbə MK3, UMK3, MKT, MKD, MKA, MK (2011)
Turşulu balta ilə vurmaq MK3, UMK3

Əlavə hərəkətlər[redaktə]

"Öülmcül döyüş" turnirində qalib gələn rəqib üzərində müxtəlif hərəkətlər edir. Gecə canavarının da hərəkətləri vardır. Bunlar aşağıdakılardır:

  • Fatality 1: Rəqibi ildırım ilə vurur. (MK3, UMK3, MKT, MKD, MKA, MK (2011))[21][22]
  • Fatality 2: Allahların işığı. (MK3, UMK3, MKT)
  • Animality: Gecə canavarı canavara dönür və rəqibini çeynəyir. (MK3, UMK3, MKT)[23]
  • Friendship: Gecə canavarı Reydenə dönür. (MK3)[24]
  • Hara-Kiri: Gecə canavarı baltanı göyə atır və rəqibin ürəyinə dəyir. (MKD)
  • Babality: Gecə canavarı uşağa dönür və baltanı atır. Bu zaman onun çiyinlərinin üzərinə ay və canavar peyda olur. Canavarın səsini eşidən Gecə canavarı ağlamağa başlayır. (MK (2011))[25][26][27]

Mediada görünmə[redaktə]

Televiziya[redaktə]

Gecə canavarı personajı "Ölümcül döyüş: Yerin qoruyucular" teleserialında peyda olur. Gecə canavarı Yer döyüşçülərini həm spirtual (ruh), həm də texniki baxımdan kömək edir. Şaman kompyuterdən yaxşı qavrayır. Serial boyu Gecə canavarı bir neçə dəfə döyüş edir. Çox vaxtını isə Yer döyüşçülərini müşahidə edərək bazada qalır. Gecə canavarının Kiva adında bir canavarı var idi. Bu canavarla birləşən zaman Gecə canavarının gücü daha da artırdı.

Film[redaktə]

Gecə canavarı personajı Ölümcül döyüş 2: Məhv etmək filmində peyda olur. Əvvəlcə Gecə canavarı filmdə canavar kimi yaranır. Bu canavar Liu Kenqin üzərinə yeriyir. Həmin müddətdə canavar öz halından insan halına dönür və Gecə canavarı personajı olur. Bu müddətdə Gecə canavarı Liu Kenqə animalitini, yəni bir insanın heyvana dönməsini izah edir və onun Şao Kanna qalib gəlmək üçün əsas üç vəziyyəti başa salır. Filmdə isə üç vəziyyətdən yalnız biri cəsarətliyi göstərilmişdir. Filmdə "Ölümcül döyüş: Yerin qoruyucular" teleserialından fərqli olaraq Gecə canavarı bircə dəfə olsun döyüşmür. Amma Liu Kenqin başına tomaqavk aləti ilə zərbə endirir. Bu zaman Liu Kenqin huşu itir. Gecə canavarı bu hadisədən sonra onun yalnız yuxusunda ocağın yanındakı şaman kimi peyda olur. Film boyu isə Gecə canavarı personajı daha peyda olmur.

Maraqlı faktlar[redaktə]

  • "Mortal Kombat" seriyaları üçün Gecə canavarı personajını hazırlayan yaradıcılara görə, bu personaj folklordakı hindular haqqında yaxşı bilən personajdır.[28][29]
  • "Mortal Kombat 3" seriyasının yaradıcıları Gecə canavarı personajını nisbətən müasir hindu etmək istəyirdilər. Məhz bu xüsusiyyətinə görə "Street Fighter" oyunundakı T. Hawk və "Killer Instinct" oyunundakı C. Thunder personajlarından fərqlənir.[30][31]

İstinadlar[redaktə]

  1. Personajın həyatı ingiliscə Yoxlanılıb: 18 noyabr 2014
  2. Personajın həyatı rusca Yoxlanılıb: 18 noyabr 2014
  3. Gecə canavarının həyatı ingiliscə Yoxlanılıb: 18 noyabr 2014
  4. Gecə canavarının həyatı rusca və ingiliscə Yoxlanılıb: 18 noyabr 2014
  5. The 17 Best Fatalities from Mortal Kombat 1 & 9 :: Blogs :: List of the Day :: Paste Yoxlanılıb: 18 noyabr 2014
  6. Mortal Kombat Fatality Guide from 1UP.com Yoxlanılıb: 18 noyabr 2014
  7. Chad Hunter, The 15 Most Stereotypical Characters In Video Games, Complex.com saytında, May 9, 2010
  8. Bridgman, Andrew. "The Dorklyst: The 7 Most Stereotypical Native American Characters in Fighting Game History". Dorkly Article. http://www.dorkly.com/article/15651/the-7-most-stereotypical-native-americans-in-fighting-game-history. İstifadə tarixi: 2012-07-30.
  9. The Escapist : Native Resolution Yoxlanılıb: 18 noyabr 2014
  10. The Top 7… Native American stereotypes, GamesRadar.com saytında, Yoxlanılıb 2008-11-24
  11. Mortal Kombat Warehouse: Mortal Kombat: Armageddon: Nightwolf Yoxlanılıb: 18 noyabr 2014
  12. Gecə canavarı Mkheroes.ru Yoxlanılıb: 18 noyabr 2014
  13. Gecə canavarı Critical-bits.com saytında Yoxlanılıb: 18 noyabr 2014
  14. Gecə canavarı Mortalkombatencyclo.wikia.com Yoxlanılıb: 18 noyabr 2014
  15. Gecə canavar Gametipcenter.com Yoxlanılıb: 18 noyabr 2014
  16. Gecə canavar Mkuniverse.at.ua Yoxlanılıb: 18 noyabr 2014
  17. "Top 50 Mortal Kombat Characters". UGO.com. http://www.ugo.com/games/mortal-kombat-characters?page=4. İstifadə tarixi: 2012-04-15.
  18. The 10 Most Underrated "Mortal Kombat" Kombatants, Complex.com saytında, April 12,
  19. 5 Prejudices That Video Games Can't Seem to Get Over Cracked.com Yoxlanılıb: 18 noyabr 2014
  20. Gecə canavarı Game.uz Yoxlanılıb: 18 noyabr 2014
  21. Gecə canavarı Mortalkombat2011.com Yoxlanılıb: 18 noyabr 2014
  22. Gecə canavarı Fanclub-umk3.ucoz.ru Yoxlanılıb: 18 noyabr 2014
  23. Gecə canavarı Mortal-kombat.ru Yoxlanılıb: 18 noyabr 2014
  24. Gecə canavarı Mortalkombatonline.com Yoxlanılıb: 18 noyabr 2014
  25. Gecə canavarı Mycheats.1up.com Yoxlanılıb: 18 noyabr 2014
  26. Gecə canavarı Mortalkombatonline.com Yoxlanılıb: 18 noyabr 2014
  27. Bütün Mortal Kombat personajlarının zərbəsi Yoxlanılıb: 18 noyabr 2014
  28. Nightwolf's Armageddon info at Mortal Kombat Warehouse
  29. Nightwolf's Armageddon bio. Official Mortal Kombat Armageddon website. Yoxlanılıb 2007-01-23.
  30. SoulCalibur V Review - Champ_Frosty Blog - www.GameInformer.com Yoxlanılıb: 18 noyabr 2014
  31. Who Actually Won Mortal Kombat? - Features - www.GameInformer.com Yoxlanılıb: 18 noyabr 2014

Xarici keçidlər[redaktə]