Georgi Marqvelaşvili

Vikipediya, açıq ensiklopediya
Keçid et: naviqasiya, axtar
Georgi Marqvelaşvili
gürc. გიორგი მარგველაშვილი
Georgi Marqvelaşvili
Bayraq
Gürcüstan Respublikasının 4-cü prezidenti
Bayraq
28 oktyabr 2013 — indiyə qədər
Baş nazir: Bidzina İvanişvili
Sələfi: Mixael Saakaşvili
Bayraq
Gürcüstanın təhsil və elm naziri
Bayraq
22 oktyabr 2012 — 18 iyul 2013
Baş nazir: Bidzina İvanişvili
Sələfi: Xatiya Dekanoidze
Xələfi: Tamar Sanikidze
 
Milliyəti: gürcü
Təvəllüdü: 4 sentyabr 1969 (1969-09-04) (44 yaş)
Tbilisi, Gürcüstan SSR, SSRİ
 
İmzası: İmzası

Georgi Marqvelaşvili (gürc. გიორგი მარგველაშვილი; d. 4 sentyabr 1969(1969-09-04), Tbilisi, Gürcüstan SSR, SSRİ) — Gürcüstanın 4-cü prezidenti. 2012-ci ildən Bidzina İvanişvili hökumətində təmsil olunub.

Həyatı[redaktə]

4 sentyabr 1969-cu ildə Tbilisi şəhərində anadan olub. O, 1992-ci ildə İvane Cavaxaşvili adına Tbilisi Dövlət Universitetinin Fəlsəfə fakültəsini bitirib[1]. Fəlsəfə elmləri doktorudur. 1993-1994-cü illərdə Mərkəzi Avropa Universitetində Sosiologiya üzrə təhsilini davam etdirib. Marqvelaşvili 1995-2000-ci illərdə ABŞ Milli Demokratiya İnstitutunun (NDİ) Gürcüstan nümayəndəliyində işləyib.[2]

Fəaliyyəti[redaktə]

1992-1995-ci illərdə Marqvelaşvili dağlıq turizm üzlə ixtisaslaşan turistik firmada qid (bələdçi) çalışıb, sonra iş yerini dəyişərək nəşriyyatda menecerin assisteni olub.[3] 1994-1995-ci ildə Biznes gündəliklər kompaniyasında marketinq üzrə departament müdiri çalışıb. 1996-1997-ci illərdə Georgi Marqvelaşvili Azad Tbilisi Universitetində fəlsəfə müəllimi kimi dərs deyib. 2000-2012-ci illərdə Gürcüstan İctimai İşlər İnstitutunda işləyib ki, o cümlədən 2000-2006-cı illər və 2010-2012-ci illər arasında institutun rektoru olub.[3]

Siyasi fəaliyyəti[redaktə]

2013-cü il fevralın 7-də Georgi Marqvelaşvili Gürcüstan Baş nazirinin müavini vəzifəsinə təyin olunub. 2012-ci ilin oktyabrında Marqvelaşvili seçkilərdə qalib gələn Gürcü Arzusu koalisiyasının rəhbəri Bidzina İvanişvilinin yeni formalaşdırdığı hökümətdə təhsil naziri vəzifəsinə təyin olunur.[3] Marqvelaşvili heç bir siyasi partiyanın üzvü deyil. 2013-cü il mayın 11-də hakim Gürcü Arzusu Partiyası qarşıdan gələn prezident seçkilərində Marqvelaşvilini öz namizədi görüdüyünü açıqladı.[3] 16 iyul 2013-cü ildə o, könüllü olaraq təhsil naziri vəzifəsindən istefa verərək seçki kampaniyasına başladı. Bununla belə, baş nazirin müavini vəzifəsini icra etməkdə davam edir. 9 sentyabr 2013-cü ildə Marqvelaşvili rəsmən Gürcüstan prezidentliyinə namizəd kimi qeydə alındı. Georgi Marqvelaşvili 2013-cü ilin oktyabrın 27-də keçirilən seçkilərdə qalib gəlib.[3]

Şəxsi həyatı[redaktə]

Rəsmən evli deyil, bir qız övladı var. İngilis və rus dillərini bilir.[3] Hobbisi hörgüdür.[4]

İstinadlar[redaktə]

  1. “Marqvelaşvili verdiyi vədləri yerinə yetirəcək”
  2. Gürcüstanın yeni prezidenti kimdir?
  3. 3,0 3,1 3,2 3,3 3,4 3,5 Gürcüstanın yeni prezidenti-TƏRCÜMEYİ-HAL
  4. Metreveli, Irakli (25 October 2013). Georgia's presidential favourite a knitting academic. AFP.