HTML
Vikipediya, açıq ensiklopediya - ویکیپدیا ، آچیق انسایکلوپدیا
HTML (en. Hypertext Markup Language, ru. Гиппертекстовой язык меток) – brouzerin oxuya biləcəyi hər hansı sənədi və ya səhifəni yaratmaq üçün xüsusi hipermətn dilidir. HTML Internetin fundamental baza texnologiyasıdır.
HTML veb-səhifənin növünü və funksiyasını təyin edən diskriptorlar əsasında yaradılmış dildir.
Deskriptor (teq) – kodlaşdırılmanın əsas elementi kimi HTML standartında qəbul olunmuş işarələrdir.
Bütün Web qovşaqlarda toplanmış və Internetə qoşulmuş kompüterlərin ekranlarında göstərilən sənədlər HTML proqram kodunda yazılırlar. HTML – səhifələrdə mətn bloklarının, təsvirlərin yerləşdirilməsinə, cədvəllərin qurulmasına, sənədin və sənəddəki mətnin rənglərinin seçilməsinə, multimediya elementlərinin əlavə edilməsinə, hiperistinadların və bütün bu elementlər arasında əlaqələrin yaradılmasına imkan verir.
Hipermətn koduna malik olan fayllar (.htm) və (.html) genişləndirməsi ilə göstərilir.
- Veb-sayt – bir-biri ilə əlaqəli, mənaca yaxın olan veb-səhifələrin və faylların yığıldığı qovluqdur.
- Veb-səhifə – xüsusi format olunmuş və özündə mətn (text), qrafika (grafik), hiperistinadları (hyperlink) və animasiyaları (animation) göstərən sənəddir.
Mündəricat |
[redaktə / تحریر] HTML dilinin inkişaf tarixi
HTML dilinin inkişaf tarixi 1989-cu ildə Oksford universitetinin tələbəsi Tim Berners – Li tərəfindən hipermətnli sənəd sisteminin çıxarılması təklifi ilə başladı. 1990-cı ildə isə o bunu World Wide Web (Ümumdünya hörümçək toru) adlandırdı. Sistemin təşkil edən hissələrdən biri hipermətnli nişan qoymaq idi. Onun əsası 1990-cı ildə Berners – Linin hipermətnli sənədlərə baxmağa icazə verən brauzeri yaratması ilə qoyuldu. Nəhayət 1995-ci ildə dilin birinci versiyası – HTML 1.0 çıxdı. Yalnız 1995-ci ildə HTML 2.0 versiyasının işlənməsi başa çatdıqdan sonra, HTML dili standartlaşdı. O vaxta HTML dilinin yeni versiyasını çox brauzerlər dəstəkləyirdi.
1996-cı ildə artıq dilin HTML 3.2 (HTML 3.0 versiyasında cədvəllər əmələ gəlmişdi) versiyasını bütün brauzerlər dəstəkləyirdi. Bunun nəticəsində web-dizayn yüksək səviyyəsinə yüksəldi. Web-dizayn erasına başlanğıc verən yeniimkanlar ortaya çıxdı.
Dilin axırıncı versiyası HTML 4.01 1999-cu ildə standart oldu. Bundan sonra dilin təkmilləşməsi dayandırıldı. Çünki, faktiki olaraq bundan başqa heçnə etmək olmurdu. Müasir internet istifadəçilərini daha da razı salan yeni texnologiyalar əmələ gəldi. Dinamik səhifələr yaratmağa və məlumat bazasına sorğu göndərməyə imkan verən müxtəlif proqramlaşdırma dilləri yarandı. Hal-hazırda HTML dilinin davamçısı XHTML (eXtensible HyperText Markup Language – Hipermətn nişan qoyma genişlənməsi) sayılır. Hələ də o yetəri qədər yayılmamışdır, lakin tez inkişaf edir.
[redaktə / تحریر] Həmçinin bax
[redaktə / تحریر] Mənbə
- Osman Gündüz, Qorxmaz Əfəndiyev, Nazim Rüstəmov "Kompüter", "Multimediya" mərkəzi, Bakı, 2006.
- Jennifer Ackerman Kettell, Guy Hart-Davis, Curt Simmons "Microsoft Office 2003, The Complete Reference" McGraw-Hill Companies, 2005/
[redaktə / تحریر] Xarici keçidlər
