Hafiz Hacıyev

Vikipediya, açıq ensiklopediya
Keçid et: naviqasiya, axtar
Hafiz Hacıyev
Hafiz Hacıyev
azərb. Hacıyev Hafiz Ələmdar oğlu
Bayraq
Müasir Müsavat Partiyasının sədri
2001-ci ildən
Sələfi: vəzifə təsis olunub
 
Partiya: Müasir Müsavat Partiyası
Təhsili: Azərbaycan Dövlət Aqrar Universiteti
Dini: İslam
Təvəllüdü: 6 mart 1956 (1956-03-06) (58 yaş)
Flag of the Soviet Union.svg SSRİ
Flag of Armenian SSR.svg Ermənistan SSR, Basarkeçər, Zod
Atası: Ələmdar Hacıyev

Hacıyev Hafiz Ələmdar oğlu (d.6 mart, 1956; Zod, Basarkeçər, Ermənistan SSR, SSRİ) — siyasətçi; Müasir Müsavat Partiyasının sədri.

Həyatı[redaktə]

Hafiz Hacıyev 1956-cı ilin mart ayının 6-da Ermənistan SSR Basarkeçər rayonunun Zod kəndində anadan olmuşdur. 1962-63-cü dərs ilində Zod kənd orta məktəbinə daxil olub, 1973-cü ildə həmin məktəbi bitirmiş və Azərbaycan Kənd Təsərrüfatı Akademiyasının Zoomühəndis fakültəsinə daxil olmuş, 1979-cu ildə həmin ali məktəbi bitirmişdir. 1988-ci ildən biologiya elmləri namizədidir. 1979-cu ildən 1982-ci ilədək Azərbaycan LKGİ Kəlbəcər rayon komitəsində təşkilat şöbə müdiri və rayon komitəsinin II katibi işləmiş və I katibi əvəz etmişdir.

1982-1989-cu illərdə Azərbaycan Kənd Təsərrüfatı Nazirliyində balıqçılıq şöbəsinin ixtioloqu və şöbə müdiri əvəzi, şöbə müdiri, Azərbaycan Dövlət Aqrar-Sənaye Komitəsində balıqçılıq idarəsinin rəisi, 1989-90-cı illərdə Respublika Embrionköçürmə Mərkəzinin direktoru, Respublika Süni Mayalanma Mərkəzinin direktoru vəzifələrində, 1991-1992-ci illərdə "Azərbalıq" İstehsalat Kommersiya Assosiasiyasının sədr müavini və sədri vəzifələrində, 1992[1]-1993-cü[2] illərdə Azərbaycan Respublikasının “Azərbalıq” Dövlət Balıqçılıq Təsərrüfatı Konserninin sədri vəzifəsində çalışmışdır.

1993-cü ildə qiyamçı Surət Hüseynovun göstərişinə əsasən Cinayət Məcəlləsinin 167-ci maddəsinin 1-ci və 2-ci hissələri ilə məhkum olunmuş, 1996-cı ildə isə Cinayət Məcəlləsinin 220-ci maddəsi ilə 3 il müddətinə həbs edilmişdir. 1999-cu ildə həbsdən azad olunduqdan sonra Elçibəy Xalq Hərəkatının yaradılmasının təşkilatçısı və hərəkatın rəhbəri olmuşdur.

Seçkilərdə iştirakı[redaktə]

2001-ci ildə Müasir Müsavat Partiyasının I (təsis) Qurultayında və 2003-cü ildə həmin partiyanın II Qurultayında partiyanın sədri seçilmişdir. 2001-ci ilin noyabrında "Müasir Müsavat" qəzetini təsis etmiş, hazırda həmin qəzetin təsisçisi və baş redaktorudur. 2003-cü il 15 oktyabrında keçirilən Azərbaycan Respublikası Prezidenti seçkilərində namizədliyi irəli sürmüşdü. Bu seçkilərdə Hafiz Hacıyev 8 namizəd arasında 0.3% (9.990 səs) toplamaqla sonuncu yeri tutdu. 2008-ci il Azərbaycan Respublikası prezidenti seçkilərində yenidən iştirak edib və 7 namizəd arasında yenidən sonuncu yeri tutub. Bu seçkilərdə Hafiz Hacıyev səslərin 0.64% -ni (23.771 səs) toplayıb. Hazırda Hafiz Hacıyev Müasir Müsavat Partiyasının lideridir.

Şəxsi həyatı[redaktə]

Ailəlidir, 3 övladı var.

  • İmişli Rayon İcra Hakimiyyətinin başçısı Vilyam Hacıyevin əmisi oğludur.

Mənbə[redaktə]

İstinadlar[redaktə]

  1. "Azərbaycan Respublikasının “Azərbalıq” Dövlət Balıqçılıq Təsərrüfatı Konserninin yaradılması haqqında" Azərbaycan Respublikası Prezidentinin 4 iyul 1992-ci il tarixli, 40 nömrəli Fərmanı (azərb.)
  2. "H. Ə. Hacıyevin Azərbaycan Respublikası “Azərbalıq” Dövlət Balıqçılıq Təsərrüfatı Konserninin sədri vəzifəsindən azad edilməsi haqqında" Azərbaycan Respublikası Prezidentinin 10 avqust 1993-cü il tarixli, 711 nömrəli Fərmanı (azərb.)