Hakaton
Hakaton (ing. Hackathon) — haker neologizmi, proqramistlərin birləşərək müxtəlif problemləri həll etdikləri, layihələr hazırladıqları və yarışdıqları tədbirlər silsiləsidir. Hakatonun əsas məqsədi keçirildiyi müddət ərzində müxtəlif proqramların və alətlərin yaradılması, bununla da proqramist və hakerlərin öz aralarında rəqabət şəraitində biliklərini yoxlama və yeni biliklər qazanmalarına şərait yaratmaqdır.[1]
[redaktə] Hakaton Azərbaycanda
Hakaton hərəkatı Azərbaycanda "Baku Google Technology User Group" tərəfindən həyata keçirilən "Hackathon Azerbaijan" adlı layihə ilə təmsil olunur. Layihənin əsas məqsədi yerli proqramistlərin və texnologiya həvəskarlarının öz biliklərini yoxlama, bir-birləri ilə yarışma, yeni və praktiki biliklər qazanmasını təmin etməkdir.
Bu layihə çərçivəsində aşağıdakı istiqamətlərdə yarışma və olimpiadaların təşkili nəzərdə tutulur:
- Android proqramlaşdırma;
- Veb proqramlaşdırma;
- Chrome üçün proqram əlavələrinin yazılması;
- Google API.
Təşkil olunan yarışma və olimpiadalarda qaliblərə qiymətli hədiyyələrin verilməsi nəzərdə tutulur.[2]
