Harun Yəhya
 |
Bu məqalənin neytrallığı şübhə doğurur. Məqalədə tərəf tutmaq və ya pisləmək məqsədi daşıyan və doğruluğu sübut edilməyən hissələr olduğu iddia edilməktədir. Xahiş olunur bu məsələ ilə əlaqədar müzakirələrdə iştirak edəsiniz. |
| Harun Yəhya | |
| türk. Adnan Oktar | |
 |
|
| Doğum tarixi: | 2 fevral 1956-cı il |
|---|---|
| Doğum yeri: | Ankara,  Türkiyə |
| Sayt: | http://www.harunyahya.com |
Harun Yəhya — dini icma rəhbəri, müstəqil araşdırmaçı, elmi araşdırma vəqfi qurucusu.
Mündəricat |
Həyatı [redaktə]
Adnan Oktar 1956-cı ildə Türkiyənin paytaxtı Ankara şəhərində anadan olub. Orta təhsilini gözlərini dünyaya açdığı şəhərdə bitirib. Orta məktəb illərində tanınan İslam alimlərinin əsərlərini oxuyaraq İslam dini haqqında biliklərini gücləndirdi.
1979-cu ildə minlərlə insanın arasından üçüncü olaraq qəbul olduğu Mimar Sinan Universitetində təhsilini davam etdirmək üçün İstanbula köçdü. 1956-cı ildə Ankarada anadan olan Adnan Oktar (təxəllüsü Harun Yahya) Türkiyənin tanınmış simalarından biridir.Həvəskar rəssamlıqla məşğuldur. Adnan Oktar mübarizəsinə 1979-cu ildə Memar Sinan Universitetinin gözəl sənətlər fakültəsində təhsil aldığı dövrlərdə başlamışdır. Tələbəlik illəri boyunca ətrafında hökm sürən materialist fəlsəfə və ideologiyalar haqqında ətraflı tədqiqatlar aparmışdır. Bu məlumatlara dayanaraq,darvinizmin və təkamül nəzəriyyəsini inkar edən kitablar yazmışdır.
Kitabları [redaktə]
Müəllif sionizm və masonluq haqqında da kitablar yazıb. Bu əsərlərlə, həmçinin Quran əxlaqı və imanla bağlı mövzulardan bəhs edən əsərləri ilə yanaşı 100-dən artıq kitabın müəllifidir.
Cavid Yalçın təxəllüsündən də istifadə edən Adnan Oktar əsərlərinin əksəriyyətini Harun Yəhya təxəllüsü ilə çap etdirmişdir. Onun bu təxəllüsü iki peyğəmbərin xatirəsinə hörmət olaraq adlarını yad etmək üçün Harun və Yəhya adlarından götürülüb.
Müəllif tərəfindən kitablarının üz qabığında Rəsulullahın (s) möhüründən istifadə edilməsinin simvolik mənası isə kitabların içindəkilərlə bağlıdır. Bu möhür Qurani-Kərimin Allahın son kitabı və axırıncı sözü, Peyğəmbərimizin (s) də peyğəmbərlərin sonuncusu olmasının rəmzidir.
Müəllifin bütün əsərlərindəki müştərək məqsəd insanlara Quranın təbliğini çatdırmaq, beləliklə, onları Allahın varlığı, birliyi və axirət kimi əsas imani məsələlər üzərində düşünməyə sövq etmək və bəzi mühüm mövzuları xatırlatmaqdır.
Harun Yəhyanın əsərlərini bir çox dildə tərcümə etdirmiş və bir sıra öndə gedən universitetlərə paylamışdır.Bu kitablar yığcam, dolğun, asan başa düşülən üslubda yazılıb.
Tənqidlər [redaktə]
H.Yəhyanın 2006-cı ildə ilk dəfə çap edilmiş "Məxluqların xəritəsi" kitabı dünyada bioloqlar arasında geniş tənqid hədəfinə çevrilmişdir.
Ultratəkamül nəzəriyyəsinin banilərindən biri olan Richard Dawkins kitabı nəzərdən keçirərək onun sadə faktlardan irəli gələn yanlışlıqlarla dolu olduğunu, o cümlədən su ilanını ankvil balığı kimi səhv identifikasiya edildiyini (birinci sürünən, ikinci isə balıqdır), bir çox müasir heyvan növlərinin səhv adlandırıldığını bildirmişdir. [1], [2]
Kaliforniya, Berkli Universitetindən bioloq Kevin Padian yazır ki, bu kitabı almış insanlar onun ölçüsünə və tirajı valeh olmuşlar və əlavə edir ki, vaxt keçdikcə növlərin dəyişməsi haqqında bizim bildiklərimizə dair onun [H.Yəhya] hətta təsəvvürü belə yoxdur.[3]
Avropa Şurası Parlament Assambleyasının Mədəniyyət, elm və təhsil komitəsi öz hesabatında qeyd edir ki, "Bu kitabdakı arqumentlər heç bir elmi sübuta söykənmir, kitab təkamül nəzəriyyəsinin elmi təkzibi yox, primitiv teoloji əsərdir.[4]
Bioloq PZ Myers yazır: "Kitabın əsas obrazı təkrarçılıq və tavtologiyadır: kitab daşlaşmış heyvan qalıqları ilə müasir canlı heyvanların şəkillərini müayisə edərək iddia edir ki, heç bir dəyişiklik yoxdur və buna görə də təkamül nəzəriyyəsi səhvdir. Mahiyyətcə səhv olan bu fikir dönə-dönə təkrarlanır. Şəkillərin hamısı isə yumşaq desək oğurluqdur.[5]
Kitabın Fransada yayılması radikal islam haqqında geniş mübahisələrə səbəb olmuşdur. Fransanın təhsil naziri Gilles de Robien "nazirliyin hazırladığı tədris planı ile uyuşmayan" bu kitabın bütün məktəb kitabxanalarından yığışdırılması haqqında göstəriş vermişdir. Milli ümumtəhsil Müfəttişliyi Paris Universitetində Təkamülçü biologiya üzrə professor Hervé LeGuyaderə müraciət edərək kitabın ətraflı təhlilini istəmişdir. H.LeGuyaderin göndərdiyi təhlildə: "bu kitabın Anglosakson kökənli kreatonist yanaşmalardan daha təhlükəli olduğunu, məlumatsız xalq kütlələri üzərində böyük təsirə malik ola biləcəyini" vurğulanmışdır. Bundan başqa kitabın elmi məzmununun "gülünc dərəcədə bəsit" olduğu qeyd edilmişdir. Fransa Milli Kosmik Tədqiqatlar Mərkəzindən Jacques Arnoulta görə H.Yəhya bu kitabında kreatonist arqumentlərini formalaşdırarkən etibarsız mənbələrə istinad etmişdir. Bu mənbələr içərisində təkümülü dəstəkləyən məqalələrin təhrif edilməsindən də qaçılmamışdır. Ona görə də bu kitab zərərli nəticələr doğuran intellektual saxtakarlıqdan başqa bir şey deyildir. [6][7]
Mənbə [redaktə]
- ↑ http://richarddawkins.net/article,2833,Venomous-Snakes-Slippery-Eels-and-Harun-Yahya,Richard-Dawkins Dawkins, Richard (2008-07-07). "Venomous Snakes, Slippery Eels and Harun Yahya". Richard Dawkins Foundation for Reason and Science. 2008-10-17
- ↑ http://forbiddenmusic.wordpress.com/2008/01/09/atlas-of-creation-by-harun-yahya/ Yahya, Harun (2008-01-09). "Atlas of Creation by Harun Yahya". Forbidden Music. 2009-01-01.
- ↑ http://www.nytimes.com/2007/07/17/science/17book.html?_r=1&ref=science&oref=slogin Dean, Cornelia (2007-07-17). "Islamic Creationist and a Book Sent Round the World". New York Times. 2007-07-17.
- ↑ http://assembly.coe.int/Main.asp?link=/Documents/WorkingDocs/Doc07/EDOC11297.htm Lengagne, Guy (June 8, 2007). "The dangers of creationism in education". Council of Europe. November 23, 2011
- ↑ http://scienceblogs.com/pharyngula/2008/01/well_fly_fishing_is_a_science.php?utm_source=mostactive&utm_medium=link PZ Myers, "Well fly fishing is a science"
- ↑ Jacques Arnoult, Dieu Versus Darwin, Albin Michel, fevral 2007 s. 142.
- ↑ The dangers of creationism in education, European Parliamentary Assembly, 8 June 2007
