Have You Ever Really Loved a Woman?

Vikipediya, açıq ensiklopediya
Keçid et: naviqasiya, axtar
Brayan Adams mahnını 1996 Oskar seremoniyasında ifa edərkən

"Have You Ever Really Loved a Woman?" 1995-ci ildə başrollarda Conni Depp, Marlon Brando və Fey Duneveyin çəkildiyi məşhur romantik komediya Don Xuan DeMarko filmi üçün Brayan Adams, Maykl Kamen and Robert Con Lunc tərəfindən yazılmış məşhur mahnı. Mahnının melodiyası filmin musiqi motifi kimi istifadə olunub, mahnı özü filmdə üç defə keçir, iki dəfə başqa müğənnilər tərəfindən ispan dilində və ən axırda film bitdikdə Brayan Adams tərəfindən ifa olunur. Brayan Adamsın versiyası mahnının saundtrek albomunda və Brayanın 18 Til I Die albounda yer aldı. ABŞda 5 həftə nömrə birdə qalan mahnı, bütün dünya üzərində böyük bir hitə çevrilərək əksər çartlarda Top 3-ə daxil olabildi. Kamen, Adams ve Lunc tərəfindən yazılmış üçüncü nömrə bir hiti olan bu mahnı 2 Gremmi və 1 Oskar mükafatına namizəd göstərildi.

Bir çox qadın qrupları mahnı populyar olduqdan sonra Adams ilə əlaqə qurdular, bu Brayanı döş xərçəngi ilə bağlı araşdırma haqqında bir foto kitab çap elətdirməyə qədər apardı.

Brayanın əsas stili rok musiqisi olsa da mahnı daha çox İspan pop mahnılarına oxşayır. Mahnı bir qadını sevmənin necə bir hiss olduğundan bəhs edir. Klipi Anton Korbijn tərəfindən İspaniyada çəkilmişdir. Korbijn və Adams daha əvvəl Türkiyədə çekilən "Do I Have to Say the Words?" mahnısının klipində birgə işləmişdilər. Brayandan sonra bir çox müğənni mahnıdan istifadə etdi. Mahnının ispanca halı başrollarda Şon Penn ve Cennifer Lopezin çekildiyi U-Turn filmindədə istifadə olunub.