Helen Fildinq

Vikipediya, azad ensiklopediya
Naviqasiyaya keçin Axtarışa keçin
Helen Fildinq
Helen Fielding
Doğum tarixi (66 yaş)
Doğum yeri Morli, İngiltərə İngiltərə, Böyük Britaniya Birləşmiş Krallıq
Vətəndaşlığı Böyük Britaniya Birləşmiş Krallıq
Milliyyəti ingilis
Həyat yoldaşı Kevin Kurran
Fəaliyyəti yazıçı, jurnalist, roman yazıçısı, ssenarist
Əsərlərinin dili ingilis
İlk əsəri "Cələb prosesi" (1994)

Helen Fildinq (19 fevral 1958, Morli) - İngiltərə yazıçısı və senaristi. Ən məşhur əsəri 1988-ci ildə yaratdığı Londonda tək yaşayan qadın obraz Bridcit Cons və onun haqqında çəkilən filmlərdir.

Onun romanları olan "Bridcit Consun gündəliyi" və "Bridcit Cons: Məntiqin sərhədi" romanları 40-dan çox ölkədə nəşr olundu və 15 milyon nüsxəsi satıldı. Eyniadlı filmlər də böyük uğur qazandı. "The Guardian" qəzetinin apardığı anketdə "Bridcit Consun gündəliyi" XX əsrdə həyat tərzini ən yaxşı əks etdirən 10 romandan biri seçildi.[1]

Hazırda Helen Fildinq Bridcit Cons seriyasının 3-cü romanını yazmağa davam edir (2012-ci ildən).[2][3]

Həyatı[redaktə | mənbəni redaktə et]

Helen Fildinq 19 fevral 1958-ci ildə İngiltərənin şimalında, Lids çəhərinin yaxınlığındakı Morli şəhərində anadan oldu. Mədən işçilərinin jaketləri üçün xüsusi parça istehsal olunan fabrikdə atası müdir kimi işləyirdi. Atası 1972-ci ildə öldü və anası Nilli hələ də Yorkşirdə yaşamaqdadır. Fildinq təsilinə Veykfild Qız Məktəbində 3 qardaşı ilə başladı. Oksfor Sent-Anna Kollecində ingilis dili təhsili aldı və 1978-ci ildə Edinburq festivalına Oksford şou qrupunun üzvü kimi qatıldı. Bu qrupun içində Riçard Kurtis və Rovan Atkinson kimi yazıçılar da vardı və Helen də onlarla dostluq münasibətləri qurdu.

Fildinq 1979-cu ildə BBC kanalının xəbərlər proqramı olan "Nationwide"da müxbir kimi işləməyə başladı. Daha sonra bəzi uşaq və əyləncə proqramlarında fəaliyyət göstərdi. 1985-ci ildə "Comic Relief" yardımlaşma proqramı üçün Sudanın şərqində bir qaçqın çadırından canlı xəbər verdi. Afrikada daha bir neçə sənədli film hazırladı. 1989-cu ildə Temza TV üçün İkinci Sudan müharibəsində bəhs edən “Where Hunger is a Weapon” adlı sənədli filmlərin hazırlanmasına kömək göstərdi. Qazandığı bu təcrübələr ilk romanı "Cələb prosesi"ni yazmağa kömək edəcəkdi

1990-1999-cu illərdə "The Telegraph", "The Independent", "Sunday Times" və başqa qəzetlərdə yazar kimi işlədi. Ən bilinən işi "Bridcit Consun gündəliyi" romanının ideyasını "The Independent" qəzetində öz həyatından bəhs edən köşəni yazarkən fikirləşmişdi. Bu köşənin uğurundan ilhamlanaraq iki romanını yazdı. Romanlar əsasında çəkilən filmlərin senarisini o yazdı.

Fildinq "Simpsonlar" cizgi filminin senaristi Kevin Kurran ilə evli olmuşdur və iki uşağı var. Amma 2009-cu ildə cütlük ayrılmışdır.[4]

Əsərləri[redaktə | mənbəni redaktə et]

Romanları[redaktə | mənbəni redaktə et]

  • "Cələb prosesi" (1994)
  • "Bridcit Consun gündəliyi" (1996)
  • "Bridcit Cons: Məntiqin sərhədi" (1999)
  • "Olivye Jüle və Çox güclü xəyal" (2003)

Qısa hekayələri[redaktə | mənbəni redaktə et]

İstinadlar[redaktə | mənbəni redaktə et]

  1. "Arxivlənmiş surət". 2022-07-20 tarixində arxivləşdirilib. İstifadə tarixi: 2014-11-17.
  2. "Arxivlənmiş surət". 2017-12-04 tarixində arxivləşdirilib. İstifadə tarixi: 2014-11-17.
  3. "Arxivlənmiş surət". 2012-12-27 tarixində arxivləşdirilib. İstifadə tarixi: 2014-11-17.
  4. "Arxivlənmiş surət". 2022-05-19 tarixində arxivləşdirilib. İstifadə tarixi: 2014-11-17.
  5. http://www.oxfam.org.uk/page-not-found?item=%2fshop%2fbooks%2ftalking-books&user=extranet%5cAnonymous&site=ogb[ölü keçid]