IV David

Vikipediya, açıq ensiklopediya
Keçid et: naviqasiya, axtar

David IV, Qurucu David (təqribən 1073 - 25.01.1125) — Baqrationilər sülaləsindən gürcü kralı (1089-1125). Gürcüstanı vahid dövlətdə birləşdirmişdi. Böyük Səlcuq İmperiyası parçalandıqdan sonra xərac verməmiş (1097) və ölkənin müstəqilliyini bərpa etmiş, Ermənistan torpaqları hesabına dövlətin ərazisini genişləndirmişdi. 1118-1120-ci illərdə hərbi islahat keçirərək, əsas qüvvəsi qıpçaq süvariləri olan ordu yaratmışdı. Didqori vuruşmasından (1121) sonra azad olunmuş Tiflisi krallığın paytaxtı etmişdi. Şirvanşahlar dövləti ilə müttəfiqlik və qohumluq əlaqələri var idi. Ümumiyyətlə, IV David müsəlman dövlətləri ilə sıx əlaqə saxlamışdır. Şəhərlər, yollar, körpülər salınmasına, karvansaralar və s. tikilməsinə (buna görə də Qurucu deyilirdi) böyük fikir verir, maarifin inkişafına kömək edirdi. Gelati akademiyasının əsasını qoymuşdu.