Kəlbəcər-Laçın iqtisadi rayonu

Kəlbəcər-Laçın iqtisadi rayonu

Ümumi məlumat

Ermənistan silahlı qüvvələri tərəfindən işğal olunmuş Azərbaycan ərazisi

Kəlbəcər-Laçın iqtisadi rayonu haqqında ümumi məlumat

Kəlbəcər-Laçın iqtisadi rayonu Kəlbəcər, Laçın, Zəngilan və Qubadlı rayonlarını əhatə edir. Azərbaycan ərazisinin 7,5 %-i, əhalisinin isə 2 %-dən bir qədər çoxu bu rayonun payına düşür.

İqtisadi rayon erməni silahlı qüvvələrinin işğalı altında

Kəlbəcər-Laçın iqtisadi rayonunun ərazisinə daxil olan bütün inzibati rayonlar erməni işğalı altındadır.

• Laçın

İşğal olunmuşdur 1992–ci il 18 may

• Ərazisi - 1875 km²
• Əhalisi - 60 000 nəfər
• Şəhid olmuşdur - 259 nəfər
• Əlil olmuşdur - 225 nəfər

Erməni işğalçıları tərəfindən dağıdılmış və yandırılmış:

• Mədəni–məişət obyektlərinin sayı - 575
• Qəsəbə və kəndlər - 26
• Şəhər, qəsəbə və kəndlər - 10
• Tarixi abidələr - 12

• Kəlbəcər

İşğal olunmuşdur 1993-cü il 2 aprel

• Ərazisi - 1936 km²
• Əhalisi - 55 000 nəfər
• Şəhid olmuşdur - 217 nəfər
• Əlil olmuşdur - 49 nəfər

Erməni işğalçıları tərəfindən dağıdılmış və yandırılmış:

• Sənaye və tikinti obyektlərinin sayı - 29
• Mədəni–məişət obyektlərinin sayı - 134
• Qəsəbə və kəndlər - 132
• Tarixi abidələr - 87

• Qubadlı

İşğal olunmuşdur 1993-cü il 31 avqust

• Ərazisi - 826 km²
• Əhalisi - 33800
• Şəhid olmuşdur - 232 nəfər
• Əlil olmuşdur - 146 nəfər

Erməni işğalçıları tərəfindən dağıdılmış və yandırılmış:

• Mədəni-məişət obyektlərinin sayı - 205
• Qəsəbə və kəndlər - 94
• Tarixi abidələr - 12

• Zəngilan

İşğal olunmuşdur 1993-çü il 29 oktyabr

• Ərazisi - 707 km²
• Əhalisi - 35 500 nəfər
• Şəhid olmuşdur - 191 nəfər
• Əlil olmuşdur - 110 nəfər

Erməni işğalçıları tərəfindən dağıdılmış və yandırılmış:

• Mədəni-məişət obyektlərinin sayı - 138
• Qəsəbə və kəndlər - 81
• Tarixi abidələr - 13

İqtisadiyyatı

Rayonun iqtisadiyyatının əsasını kənd təsərrüfatı, xüsusilə də heyvandarlıq təşkil etmişdir. Qoyunçuluq, maldarlıq, arıçılıq, tütünçülük, üzümçülük, meyvəçilik, taxılçılıq kənd təsərrüfatının inkişaf etmiş sahələrindən olmuşdur. Zənqilan, Qubadlı inzibatı rayonlarında və çayların subasarlarında əkinçilik üçün əlverişli şərait vardır. Sənaye müəssisələri bu xammal növlərinin emalına əsaslanmışdır. İqtisadi rayonda ət-süd məhsulları emal edilirdi, xalça toxunurdu.

Təbii sərvətləri

İqtisadi rayon ərazisində qızıl, civə, xromit, mərmər, üzlük tikinti daşları koral, perlit və s. faydalı qazıntı ehtiyatları vardır. Burada İstisu, Minkənd, Tutqunçay kimi mineral bulaqlar, iqlim-balneoloji şərait, dağ meşələri kurort-rekreasiya məqsədləri üçün istifadə edilə bilər.

Nəqliyyat şəbəkəsi

Nəqliyyat-kommunikasiya sistemi Ermənistanın təcavüzü nəticəsində hazırda dağıdılmışdır.