Kabab

Kabab — əsasən şişə çəkilərək manqalda bişirilən ət yeməyi.

Bununla belə tərəvəzlərdən - xüsusilə də pomidor, badmıcan, bibər və kartofdan da kabab hazırlanır. Digər tərəfdən kabab tavada da bişirilir. Buna "tava-kababı" deyilir. Kababı hazırlayan aşpaz adətən kababçı adlandırılır.

Tarixi

Ruslar kababa "şaşlık" deyir. "Şaşlık" sözünün kökü – türk sözündən götürülüb - “şişlik”, yəni “şiş üstündə”. Hələ azəri türklərinin qədim eposunda “Kitabi Dədə Qorqud”da “şişlik” sözünə dəfələrlə rast gəlinir. Əsrlər boyu Qafqazlıların ən sevimli yeməyi kabab olmuşdur.

Azərbaycan mətbəxində kabab növləri

• Tikə kabab
• Lülə kabab
• Toyuq kababı
• Balıq kababı
• Bildirçin kababı
• Qara ciyər kababı
• Böyrək kababı
• Bağırsaq kababı
• Basdırma kabab
• Xan kababı
• Kartof kababı
• Badımcan kababı
• Pomidor kababı
• Bibər kababı
• Tava kababı