Knyaz Aslan

Knyaz Aslan
Knyaz İlyas oğlu Aslan
Doğum tarixi:	25 dekabr 1960-cı il (1960-12-25)
Doğum yeri:	Hamamlı, Dmanisi, Gürcüstan SSR
Vətəndaşlıq:	Azərbaycan
Milliyyəti:	Azərbaycanlı
İxtisası:	Jurnalist
Təhsili:	Azərbaycan Dövlət Universiteti
Fəaliyyəti:	Publisist, şair

Aslan Knyaz İlyas oğlu – publisist, şair.

Həyatı

Knyaz İlyas oğlu Aslan 1960-cı il dekabrın 25-də Gürcüstan Respublikası Dmanisi rayonunun Hamamlı kəndində anadan olub.

1968-1979-cu illərdə Hamamlı kənd orta məktəbində təhsil alıb. Orta məktəbi Qızıl medalla bitirib.

1979-1981-ci illərdə Hamamlı kənd orta məktəbində katib-kargüzar vəzifəsində işləyib.

1981-1983-cü illərdə Bakı Mədəni Maarif Texnikumunda təhsil alıb. Texnikumu Fərqlənmə diplomu ilə bitirib.

1983-1988-ci illərdə Bakı Dövlət Universitetinin Kitabxanaçılıq-informasiya fakültəsində təhsil alib. Ali təhsilini Fərqlənmə diplomu ilə bitirib.

1985-1987-ci illərdə Bakı Dövlət Universitetinin İctimai peşələr fakültəsinin jurnalistika bölməsində təhsil alib. Ali təhsilini Fərqlənmə diplomu ilə bitirib.

1987-1989-cu illərdə Azərbaycan Jurnalistlər Birliyi nəzdində Jurnalist Sənətkarlığı İnstitutunda təhsil alib. Təhsilini Fərqlənmə diplomu ilə bitirib.

1990-1993-cü illərdə Bakı Dövlət Universitetinin Aspiranturasında təhsil alib.

1994-1998-ci illərdə Bakı Dövlət Universitetinin Jurnalistika fakültəsində təhsil alib. Ali təhsilini Fərqlənmə diplomu ilə bitirib.

1992-1995-ci illərdə Azərbaycan Respublikası Müdafiə Nazirliyinin "Azərbaycan Ordusu" qəzetinin müxbiri, məxsusi müxbirlər şöbəsinin redaktoru və "Hərbi Nəşriyyat"ın redaktoru işləyib. Döyüş tapşırıqlarını yerinə yetirmək üçün dəfələrlə ön cəbhə xəttinə göndərilib, operativ yazılar hazırlayıb. Qarabağ uğrunda Ermənistanla aparılan döyüşlərin iştirakçısıdır. Qarabağ müharibəsi veteranıdır.

1988-1990-cı illərdə Bakı Dövlət Universitetinin Kitabxanaşünaslıq kafedrasında laborant, 1993-1994-cü illərdə müəllim, 1994-2006-cı illərdə baş müəllim vəzifələrində çalışıb.

2004-cü ildə "Şəxsiyyətin formalaşmasında bədii ədəbiyyatın rolu" mövzusunda namizədlik dissertasiyası müdafiə edərək pedaqoji elmlər namizədi alimlik dərəcəsi alıb.

2006-cı ildən Bakı Dövlət Universitetinin dosentidir.

2006-cı ildən Bakı Dövlət Universitetinin doktorantıdır. "Azərbaycan elm, ədəbiyyat və mədəniyyət xadimləri kitab və mütaliə haqqında" mövzusunda doktorluq dissertasiyası üzərində çalışır.

BDU-nun Kitabxanaçılıq-informasiya fakültəsinin bakalavr pilləsində kitabxanaşünas-informator və nəşriyyat işçisi-redaktor ixtisasları üzrə "Dünyа kitаbхаnаlаrının tarixi", "Oxucularla iş", "Аzərbаycаndа təhsil sistеminə kitаbхаnа хidməti", "Redaktəetmə" fənlərindən, magistratura pilləsində isə "ABŞ və Qərbi Avropa ölkələrində kitabxana-informasiya xidmətinin müasir vəziyyəti", "Kitabxana və nəşriyyat işinin qarşılıqlı əlaqələri", "Müxtəlif növ ədəbiyyatın redaktəsi", "Kitabın redaktə problemləri" fənlərindən mühazirələr oxuyur.

1998-ci ildən Xəzər Universiteti Humanitar və Sosial Elmlər fakültəsi nin dosentidir. Xəzər Universitəsində "Azərbaycan ədəbiyyatı", "Dünya uşaq ədəbiyyatı", "Azərbaycan mətbuat tarixi", "Jurnalistikaya giriş", "Jurnalistika tarixi", "Jurnalistika janrları", "Redaktə nəzəriyyəsi və təcrübəsi", "Media menecmenti" və s. fənlərdən mühazirələr oxuyur.

1979-cu ildən kütləvi informasiya vasitələrində ardıcıl çıxış edir. Müxtəlif illərdə "Bakı Universiteti", "Azərbaycan gəncləri", "Mübarizə", "Mühakimə", "Azərbaycan Ordusu", "Borçalı" və başqa qəzetlərdə müxbir, redaktor və baş redaktor vəzifələrində işləyib. "Göyqurşağı" rəngli uşaq jurnalının baş redaktoru və Xəzər Xəbər jurnalı nın baş redaktor müavini olub. Hazırda "Borçalı" qəzetinin redaktoru, "Borçalı" ictimai-siyasi və bədii-publisistik jurnalının redaktoru, "Kitabxanaşünaslıq və biblioqrafiya" elmi-nəzəri jurnalının məsul redaktoru, "Kitabxana.az" çap və elektron jurnalının redaktoru, "3-cü baxış" Analitik-İnformasiya Agentliyi (Bakı, Azərbaycan) redaksiya heyətinin üzvüdur.

2001-ci ildə "Cəngi" ədəbi-bədii məclisinin yaradıcılarından biri və rəhbəridir.

1998-2008-ci illərdə Xəzər Xəbər jurnalı nın baş redaktor müavini vəzifəsində çalışıb.

1000-ə yaxın elmi, elmi-kütləvi, ədəbi-publisistik məqalənin, 4 monoqrafiyanın, 20 kitabın müəllifidir.

Bir çox elmi, publisist və bədii kitabların, o cümlədən monoqrafiya, dərslik və dərs vəsaitlərinin ön sözünün müəllifi, rəyçisi və redaktorudur.

Şeirlərinin bir hissəsi rus, ingilis və alman dillərinə tərcümə olunub.

1989-cu ildən SSRİ və Azərbaycan Jurnalistlər Birliyinin, 1992-ci ildən Azərbaycan Aşıqlar Birliyinin, 1998-ci ildən Azərbaycan Yazıçılar Birliyinin, 2002-ci ildən Azərbaycan Mətbuat Şurasının üzvüdür.

Azərbaycan yazıçılarının və jurnalistlərinin son qurultaylarının nümayəndəsi olub.

Evlidir. 2 övladı var.

Mükafatları

• 1977 – "Əla təhsilə görə" nişanı
• 1979 – Qizil medal
• 1982 – Nizami Gəncəvi mükafatı laureatı
• 1983 – İkiqat Nizami Gəncəvi mükafatı laureatı
• 1985 – Azərbaycan ali məktəb tələbələrinin XIII Respublika elmi konfransının qalibi
• 1985 – XII Gənclərin və Tələbələrin XII Ümumdünya Festivalının Fəxri Fərmanı
• 1986 – Azərbaycan ali məktəb tələbələrinin XIV Respublika elmi konfransının Fəxri Fərmanı
• 1991 – "Büllur Qələm" mükafatı laureatı
• 1994 – Həsən bəy Zərdabi mükafatı laureatı
• 1994 – "Səhər" qəzeti mükafatı laureatı
• 1995 – Şəhriyar mükafatı laureatı
• 1995 – Sergey Yesenin mükafatı laureatı
• 2000 – Ömər Faiq Nemanzadə mükafatı laureatı
• 2001 – Azərbaycan Jurnalistlər Birliyinin diplomantı
• 2002 – "Qızıl Saz" mükafatı laureatı
• 2002 – "Qızıl Kitab" mükafatı laureatı
• 2005 – "Peşəkar Jurnalist" mükafatı laureatı
• 2006 – "Kamil Söz Ustası" mükafatı laureatı
• 2006 – "Mətbuatın dostu" mükafatı laureatı
• 2006 – Xəzər Universiteti mükafatı laureatı
• 2007 – Abdulla Şaiq mükafatı laureatı
• 2007 – "Cəsarətli Qələm" mükafatı laureatı
• 2007 – "Qızıl Qələm" mükafatı laureatı
• 2008 – "Müqəddəs Qələm" mükafatı laureatı

Beynəlxalq seminar, simpozium və konfranslarda iştirakı

• 2001 – Beynəlxalq Qırmızı Xaç Cəmiyyətinin təşkilatçılığı ilə keçirilən "Beynəlxalq humanitar hüquq üzrə jurnalistlərin peşə treyninqi" (Moskva, 19-23 sentyabr 2005)
• 2005 – Azərbaycan Respublikası Təhsil Nazirliyi Azərbaycan Dillər Universitetinin təşkilatçılığı ilə keçirilən "Tərcümə və transmilli proseslər" mövzusunda Beynəlxalq konfrans (Bakı, 14-15 aprel 2008)
• 2005 – Amerika Hüquqşünaslar Assosiasiyası Mərkəzi Avropa və Avrasiyada Hüquq Təşəbbüsü (ABA-CEELI) Təşkilatının maliyyə dəstəyi ilə Şəffaflıq Azərbaycan İctimai Birliyi tərəfindən təşkil olunmuş 4 mərhələli "Jurnalistlər üçün korrupsiya ilə mübarizə məsələlərinə dair təlim kursu" mövzusunda Beynəlxalq seminar (Bakı, mart 2005)
• 2008 – Azərbaycan Respublikasının Prezidenti Yanında Qeyri-Hökumət Təşkilatlarına Dövlət Dəstəyi Şurasının yardımı və "Qafqaz Media" ictimai Birliyinin təşkilatçılığı ilə keçirilən "Qafqaz Regionu Jurnalistlərinin İnformasiya Təşkilatları Arasında Fikir Mübadiləsinin İşlənmə Mexanizmi" mövzusunda Beynəlxalq konfrans (Bakı, 30 dekabr 2008)

Tədqiqat sahəsi

Azərbaycan ədəbiyyatı;

Ədəbiyyatşünaslıq və bədii ədəbiyyatın təbliği;

Aşıq yaradıcılığı;

Dünya uşaq ədəbiyyatı;

Bədii tərcümə;

Elm, ədəbiyyat və mədəniyyət klassiklərinin həyatında kitab və mütaliə problemi;

Jurnalistika nəzəriyyəsi və təcrübəsi məsələləri;

Dünya kitabxanalarının tarixi.

Kitabları

• 1. Sözün kəsəsi (Publisistik düşüncələr). – Bakı, 1994. – 48 s.
• 2. Qırxıncı qapı (Şeirlər).– Bakı, 1995. – 48 s.
• 3. Döyüş olsa bir əsgərdir qələmim (Məqalələr; Reportajlar; Oçerklər; Yol qeydləri; Sənədli hekayələr).–Bakı: Hərbi Nəşriyyat, 1998. – 140 s.
• 4. Mənəvi ömrün başlanğıcı (Polkovnik Şahbaz Aslanov) (Xüsusi buraxılış).– Bakı: Əbilov, Zeynalov və oğulları, 2000. – 24 s.
• 5. Başkeçidin dağlarıdır bu dağlar (Şeirlər toplusu). –Bakı, 2001.– 100 s.
• 6. Mənalı ömür yоlu: Abuzər Alı оğlu Хələfоv (Anadan оlmasının 70, еlmi-pеdaqоji fəaliyyətinin 50 illiyinə həsr еdilir) / Tərtib edənlər: Knyaz Aslan, Murtuz Bağırov. – Bakı: Bakı Univеrsitеti Nəşriyyatı, 2001. – 230 s.
• 7. Prоfеssоr Abuzər Хələfоv – 70. ("Kitabхanaşünaslıq və bibliоqrafiya" еlmi-nəzəri və təcrübi-mеtоdik jurnalının хüsusi buraхılışı) / Tərtib edəni: Knyaz Aslan. – Bakı: Bakı Univеrsitеti Nəşriyyatı, 2001.– №1.– 148 s.
• 8. Barlı-bəhərli illər (BDU-nun kafеdra müdiri, dоsеnt Tacəddin Quliyеv -75) / Tərtib edəni: Knyaz Aslan. – Bakı: Bakı Univеrsitеti Nəşriyyatı, 2005. – 180 s.
• 9. Kütləvi İnfоrmasiya Vasitələri: Müasir kоmmunikasiyaya giriş: VI nəşr: Dərs vəsaiti / Ray Еldоn Niеbеrt, Dоnald F.Ungurait, Thоmas W.Bоhn. İngilis dilindən tərcümə еdənlər: Хumar Hüsеynоva, Knyaz Aslan. – Bakı: Хəzər Univеrsitəsi Nəşriyyatı, 2005. – 620 s.
• 10.Şəхsiyyətin fоrmalaşmasında bədii ədəbiyyatın rоlu: Mоnоqrafiya. – Bakı: Bakı Univеrsitеti Nəşriyyatı, 2005. – 300 s.
• 11.Bu dünyaya nə gətirdim… Hamlеt İsaхanlı (İsayеv): Mоnоqrafiya. – Bakı: Хəzər Univеrsitəsi Nəşriyyatı, 2005. – 118 s. (V.Ömərli ilə birlikdə).
• 12.Elm və təhsil fədaisi (Əməkdar elm xadimi, prof.A.A.Xələfov): Monoqrafiya. – Bаkı: Bаkı Univеrsitеti Nəşriyyаtı, 2006. – 240 s.
• 13.Müdriklik və alimlik zirvəsində: Məqalələr məcmuəsi (Prof.A.Xələfov – 75) / Tərtib edənlər: Rasim Kazımov, Knyaz Aslan.– Bakı: Bakı Universiteti Nəşriyyatı, 2006. – 160 s.
• 14.Şəxsiyyətin formalaşmasında bədii ədəbiyyatın rolu: Monoqrafiya (2-ci nəşri). – Bаkı: Bаkı Univеrsitеti Nəşriyyаtı, 2008. – 304 s.
• 15.Qədim və оrtа əsrlər dünyа kitаbхаnаlаrı (Ən qədim zamanlardan XVII əsrin ortalarınadək): Dərs vəsаiti. – Bаkı: Bаkı Univеrsitеti Nəşriyyаtı, 2008. – 240 s.
• 16.Dünyа kitаbхаnаlаrının tarixi (XVII əsrin ortalarından XXI əsrədək): Dərs vəsаiti. – Bаkı: Bаkı Univеrsitеti Nəşriyyаtı, 2008. – 240 s.
• 17.Аzərbаycаndа təhsil sistеminə kitаbхаnа хiməti: Dərs vəsаiti. – Bаkı: Bаkı Univеrsitеti Nəşriyyаtı, 2008. – 192 s.
• 18.Qızlar sevgi yaşında (Şeirlər). – Bakı: Qartal, 2008. – 76 s.
• 19.Dədə Camal (Əməkdar elm xadimi, fəlsəfə elmləri doktoru, professor Camal Mustafayev – 80) (xatirələr, şeirlər və fotolar). Nəşrə hazırlayanlar: Knyaz Aslan, Rəşid Faxralı. – Bakı: Pedaqogika, 2008. – 280 s.
• 20.Hamlet İsaxanlı – Elm və Sənət Məclisi (1-10-cu məclislər): Elmi məruzə və çıxışlar toplusu / Yazıya alanlar: Knyaz Aslan, Cabir Məmmədli. – Bakı: Xəzər Universitəsi Nəşriyyatı, 2008. – 302 s.
• 21.Qızlar sevgi yaşında (Şeirlər). – Bakı: Qartal, 2009. – 80 s.