Ləj
| LƏJ | |
|---|---|
| Xəritə | |
 |
|
| Məlumatlar | |
| Əhali | 1.600 () |
| Koordinatlar | |
| Poçt kodu | 373746 |
| İnzibati İdarə | |
| Ölkə | Azərbaycan |
| Rayon | Lənkəran rayonu |
| Qəsəbə | Haftoni |
Ləj — Azərbaycan Respublikasının Lənkəran rayonunun inzibati ərazi vahidində kənd.
Mündəricat |
[redaktə] Tarixi
Ləj kəndi və həmçinin XX əsrin ortalarından yaşayış məntəqələrinə çevrilmiş digər qonşu ərazilər (Haftoni, Talışlı (Karpoviç), Hacıkənd), İstisu (Qamo)) Karpoviç adlı, millətcə polyak və yaxud yəhudi olan şəxsə məxsus imiş. Rusiya İmperiyasında baş verən 1905-1907-ci il inqilabından sonra ölkədə olan gərginliyi nəzərə alaraq, Karpoviç 1910-cu ildə ona məxsus əraziləri Hacı İsaya satır. Ləj kəndinin şimal-qərbindəki, ərazi "Hacı İsa poyn (vırə)" (talış dilindən tərcüməsi Hacı İsa yeri), kəndin şimal-şərqindəki ərazi isə "Bızəyjobə" adlanır. [1] [2]
[redaktə] Mədəniyyəti
[redaktə] Coğrafiyası və iqlimi
Ətraf kəndlərə nisbətən dərin çökəklikdə yerləşir. Su yerin səthindən 1.5-2.0 m dərinlikdən çıxır. Kənddə 2 bulaq var. Ləjin cənub-qərb və şimal-qərb hissəsi meşə zolaqları ilə əhatə olunub. Kənddən avtomobil çıxış yolu qərb tərəfində axan Ləkər çayının üstündə yerləşən körpü vasitəsi ilə Haftoni qəsəbəsi ilə birləşir. Cənub tərəfdən Şağlaküçə kəndinin ərazisi ilə sərhəddir.
[redaktə] Əhalisi
Əhalinin əksəriyyətini Lerik rayonunun Bıləband, Bızeyir, Hoveri, Mistan, Mondigah, Nısli, Pirasar, Rəzqo və Lənkəran rayonunun Tüədo kəndlərindən köç etmiş talış tayfaları təşkil edir. [Mənbə göstərin]
[redaktə] İqtisadiyyatı
1990-cu ilə qədər Haftoni qəsəbəsi ilə birlikdə "Lənkəran" çay sovxozunu təşkil etmişdir. 1990-cı ildə "Ləj" çayçılıq sovxozu təşkil olunmuş və bir-neçə ildən sonra fəaliyyətini dayandırmışdır. Azərbaycanda keçirilən torpaq islahatından sonra "Ləj" çay sovxozunun ərazisi çay plantasiyaları ilə bir yerdə yerli əhali arasında bölünmüşdür. Həmin dövrdə, çay bitkisinə qulluq etmək üçün fərdi təsərrüfatçıların lazımi maddi-texniki bazası olmadığı və həmçinin ölkəyə xaricdən (əsasən İran) gələn ucuz çay məhsullarının mədaxili, habelə ölkədə çörək qıtlığı ucbatından, əhali çoxillik çay kollarını kökündən çıxararaq yerində əsasən taxıl məhsulları əkməyə məcbur olmuşlar.
Hazırda kənddə 300-dən çox təsərrüfat vardır. Əhali əsasən maldarlıq, tərəvəzçilik və meyvəçiliklə məşğul olur. Kənd əsas kommunikasiya xətlərindən kənarda qaldığı üçün daha çox qapalı vəziyyətə düşmüşdür.
[redaktə] Tanınmış şəxsiyyətlər
- Əsgər Əliyev — Azərbaycanın Milli Qəhrəmanı.
- Natiq Aslanov — Qarabağ müharibəsi şəhidi. Ləj kənd orta məktəbi onun adını daşıyır. [3]
