Leonard Uaytinq

Vikipediya, açıq ensiklopediya
Keçid et: naviqasiya, axtar
Leonard Uaytinq
Leonard John Whiting
Leonard Uaytinq.jpg
Doğum tarixi: 30 iyun 1950 (1950-06-30) (64 yaş)
Doğum yeri: London, Böyük Britaniya
Peşəsi: Aktyor
IMDb: ID 0926013

Leonard Con Uaytinq (ing. Leonard John Whiting) — Böyük Britaniya aktyoru.

Həyatı[redaktə]

Leonard Uaytinq 30 iyun 1950-ci ildə Londonun İslinqton rayonunda anadan olmuşdur. O, Artur Leonard Uaytinq və Marqaret (Peqqi) Coys Uaytinqin (Sallivan) ailəsində doğulmuşdu. Beləcə Leonardın əsli həm ingilis, həm irland və müəyyən qədər də qaraçı sayılırdı [1].

Londonun Kamden rayonunda yerləşən "St.Richard of Chichester" kollecində təhsil almış və "Romeo və Cülyetta" filminə dəvəti ilə bağlı həmin kolleci iki həftəyə bitirmişdir.

Leonard öz karyerasını hələ 11 yaşında müğənni kimi başlamışdı. Leonardın xüsusi səs imkanları onu Londonun şimalında yerləşən katolik kilsəsinin xoruna gətirib çıxarır. O, həmin xorda uşaqlar arasında ilk soprano səsə malik şəxs idi. 13 yaşında isə ona teatrda gedən "Oliver!" müziklində rol almaq nəsib olur [2].

Onun çəkildiyi birinci film "Dik Törpin haqqında əfsanə" (1965) olur. Elə həmin ildə Leonard Milli teatrın truppasına dəvət alır. O, Lourens Olivyenin çəkildiyi "Məhəbbət üçün məhəbbət" filmində mahnı ifa edir.

1967-1968-ci illərdə rejissor Franko Zeffirelli 3 aylıq seçimlərdən sonra Romeo roluna olan 300 namizədin arasından məhz Leonard Uaytinqi seçir. Britaniyalı aktyorun ifasındakı Romeo obrazı dünya tamaşaçılarə tərəfindən yüksək səviyyədə qarşılanır. Bu rola görə aktyor 1969-cu ildə "Qızıl qlobus" nominasiyasında "İlin yeni ulduzu – aktyor" mükafatını alır.

1960-cı illərin sonu, 1970-ci illərin əvvəllərində Leonard daha 7 filmdə çəkilməyə nail olur.

Filmoqrafiya[redaktə]

İl Azərbaycanca adı Orijinal adı Rol
1965 Dik Törpin haqqında əfsanə The Legend of Young Dick Turpin Cimmi
1968 Romeo və Cülyetta Romeo and Juliet Romeo
1969 Cakomo Kazanovanın uşaqlığı və ilk təcrübəsi Childhood and first experiences of Giacomo Casanova Cakomo Cirolamo Kazanova
1970 Dünənki günə "Salam" de Say Hello to Yesterday oğlan
1973 Frankenşteyn: doğru əhvalat Frankenstein: The True Story Frankenşteyn
1974 Reyçelin kişisi Rachel’s Man Ceykob
1990 Xəyal daşı The Dreamstone Urpqor

İstinadlar[redaktə]

  1. Leonard Uaytinq - bioqrafiya, filmoqrafiya, foto və məqalələr
  2. Leonard Uaytinqin müxtəllif illərdə verdiyi müsahibələr

.

Xarici keçidlər[redaktə]