Leonid Qayday

LEONİD QAYDAY
Doğum tarixi:	30 yanvar 1923-cü il(1923-01-30)
Doğum yeri:	Amur vilayəti
Vəfatı:	19 noyabr 1993-cü il (70 yaşında)
Vəfat yeri:	Moskva, Rusiya
Həyat yoldaşı:	Nina Qrebeşkova
Peşəsi:	Rejissor

Leonid İoviç Qayday (rus.: Леонид Иович Гайдай) — Sovet kinorejissoru, ssenaristi və aktyoru.

Həyatı

Leonid Qayday 1923-cü ildə Amur vilayətində anadan olmuşdur. Onun atası İov İsidoroviç Qayday (1886-1965) dəmiryolunda çalışmışdır. Leonidgil ailədə üç uşaq idilər; ondan başqa qardaşı Aleksandr və bacısı Avqust da var idi. L. Qayday ilk təhsilini İrkutskda yerləşən dəmiryol məktəbində almışdır.

Daha sonra o, Böyük Vətən müharibəsində iştirak edir. Müharibədə yaralanan Leonid orduya yararsız hesab olunur. 1947-ci ildə o, İrkutsk vilayətinin dram teatrının teatr studiyasında təhsil alır, işıqçı və aktyor kimi çalışmağa başlayır.

1949-1955-ci illdərdə rejissorluq fakültəsində təhsilini davam etdirmişdir. Filmlərinin ssenarisini demək olar ki, həmişə Qayday özü yazırdı. Bu filmlərdəki bir çox frazalar xalqın dilində zərb-məsələ çevrilmişdi. Onun "Brilyant əl" kinokomediyası prokatda birinci yer tutmuşdur. 1970-ci illərdə daha çox rus klassiklərinin (İlf, Petrov, Bulqakov, Qoqol) əsərlərini ekranlaşdıran Qayday 1981-1988-ci illərdə "Fitil" kinojurnalı üçün müxtəlif maraqlı süjetlər çəkir.

L.İ. Qayday Nina Qrebeşkova ilə ailə həyatı qurmuşdu.

Leonid İoviç Qayday 19 noyabr 1993-cü ildə Moskvada vəfat etmişdir.

Filmoqrafiya

Rejissor fəaliyyəti

1. Uzun səyahət (1956)
2. Barbos iti və qeyri-adi qaçış (film, 1961)
3. Araq çəkənlər (1961)
4. İş adamları (1963)
5. “I” əməliyyatı və Şurikin başqa macəraları (film, 1965)
6. Qafqaz əsiri və ya Şurikin yeni macəraları (film, 1966)
7. Brilyant əl (film, 1968)
8. 12 stul (film, 1971)
9. İvan Vasilyeviç peşəsini dəyişir (film, 1973)
10. Ola bilməz! (1975)
11. Peterburqdan anonim adam (1977)
12. Kibrit arxasında (1980)
13. İdman lotosu-82 (film, 1982)
14. Həyat üçün təhlükəlidir! (film, 1985)
15. Xüsusi xəfiyyə və ya "Kooperasiya" əməliyyatı (1989)
16. Deribasovskda hava yaxşıdır və ya Brayton-Biçdə yenə yağışlar yağır (film, 1992)

Ssenarist fəaliyyəti

1. Barbos iti və qeyri-adi qaçış (film, 1961)
2. Araq çəkənlər (1961)
3. İş adamları (1963)
4. “I” əməliyyatı və Şurikin başqa macəraları (film, 1965)
5. Qafqaz əsiri və ya Şurikin yeni macəraları (film, 1966)
6. Brilyant əl (film, 1968)
7. 12 stul (film, 1971)
8. İvan Vasilyeviç peşəsini dəyişir (film, 1973)
9. Ola bilməz! (1975)
10. Peterburqdan anonim adam (1977)
11. Kibrit arxasında (1980)
12. İdman lotosu-82 (film, 1982)
13. Həyat üçün təhlükəlidir! (film, 1985)
14. Xüsusi xəfiyyə və ya "Kooperasiya" əməliyyatı (1989)
15. Deribasovskda hava yaxşıdır və ya Brayton-Biçdə yenə yağışlar yağır (film, 1992)

Aktyorluq fəaliyyəti

1. Lyana (1956)
2. Külək (1958)
3. Səfərdə (1961)
4. “I” əməliyyatı və Şurikin başqa macəraları (film, 1965)
5. Brilyant əl (film, 1968)
6. 12 stul (film, 1971)
7. İvan Vasilyeviç peşəsini dəyişir (film, 1973)
8. Risk – alicənab işdir (1977)
9. Deribasovskda hava yaxşıdır və ya Brayton-Biçdə yenə yağışlar yağır (film, 1992)