Lev Yaşin
| Lev Yaşin | |||
 |
|||
| Şəxsi məlumatlar | |||
|---|---|---|---|
| Doğum tarixi: | 22 oktyabr 1929-cu il | ||
| Doğum yeri: | Moskva, , SSRİ | ||
| Ölüm tarixi: | 20 mart 1990-cı il (60 yaşında) | ||
Lev Yaşin — əfsanəvi SSRİ qapıçısı
Həyatı [redaktə]
Sovet futbolunun görkəmli şəxsiyyətlərindən olan Lev İvanoviç Yaşin 22 oktyabr 1929-cu ildə Moskvada doğulub.
Karyerası [redaktə]
O, futbolçu karyerası ərzində yalnız Moskva "Dinamo"sunda çıxış edib. 1949-cu ildən "Dinamo"da oynamağa başlayan qapıçı 5 il sonra SSRİ yığmasına cəlb olunub. O, 1956-cı il Melburn Yay Olimpiya Oyunlarında və 1960-cı il Avropa çempionatında qızıl medal qazanıb. 1954–1959-cu illərdə "Dinamo"da azərbaycanlı futbolçulardan Ələkbər Məmmədovla, 1966-cı il dünya çempionatında isə yığmanın tərkibində Anatoli Banişevski ilə birgə çıxış edib.
1963-cü ildə ona Avropanın ən yaxşı futbolçusu üçün müəyyənləşdirilən "Qızıl top" mükafatı verilib. 1986-cı ildə olimpiya ordeninə və bundan 2 il sonra FİFA-nın qızıl ordeninə layiq görülüb.
1971-ci il mayın 27-də futbolçu karyerasını başa vurduqdan sonra o, bir müddət uşaq və yeniyetmələrdən ibarət komandalarda məşqçi kimi çalışıb. İntensiv siqaret çəkməsi ilə əlaqədar damarlarının tutulması üzündən 50 yaşından sonra onun sol ayağında qanqrena başlayıb. Buna görə də Yaşin 1984-cü ildə bir ayağından məhrum olub. Lakin o, yenə siqareti tərgitməyib. Nəticədə 20 mart 1990-cı ildə 61 yaşında dünyasını dəyişib.
