Leyla Əliyeva (şərhçi)

Vikipediya, açıq ensiklopediya
Keçid et: naviqasiya, axtar
Leyla Əliyeva
Leyla Aliyeva (presenter).jpg
Doğum tarixi: 1986(1986-Şablondakı doğum və ya ölüm tarixində texniki yanlışlıq var!-00)
Doğum yeri: Bakı, Flag of Azerbaijan SSR.svg Azərbaycan SSR

Leyla Əliyeva — İctimai Televiziyanın Musiqili, bədii və əyləncəli verilişlər departamentinin aparıcı simalarından biri, o cümlədən "Eurovision"un Azərbaycan şərhçisi[1]

Həyatı[redaktə]

Eurovision Song Contest 2012, semi-final allocation draw (4).jpg

Leyla Əliyeva 1986-cı ildə Bakı şəhərində anadan olub. Uşaq yaşlarından musiqiyə və ədəbiyyata böyük marağı olub. Skripka alətinə maraq göstərsə də onun bu arzusu ürəyində qalıb və onu piano alətinə yazdırıblar. O, 1993-cü ildə 190 saylı orta məktəbin birinci sinfinə, 1994-cü ildə isə 6 saylı Uşaq musiqi məktəbinin fortepiano şöbəsinin birinci sinfinə qəbul olunub. Hövsələsiz və səbirsiz olduğundan hətta bir müddət musiqini atıb. Amma böyük həvəs onu yenidən musiqiylə məşğul olmağa vadar edib. 2001-ci ildə həmin 7 illik musiqi məktəbini bitirib Şaroyev adına 11 illik uşaq musiqi məktəbinin nəzəriyyə və vokal şöbələrinin 8-ci sinfinə qəbul olunub. Şagird ikən o müxtəlif müsabiqələrdə - "Puşkin- 200", "Qönçə" iştirak edərək laureat adını qazanıb. Məktəb illlərində qazandığı ən böyük uğurlarından biri 2001-ci ildə baş verib. Roma Papası II İohann Pavelin Bakıya səfəri zamanı Prezident sarayında fəxri qonağın şərəfinə böyük konsert təşkil olunmuşdu. Ümummilli liderimiz Heydər Əliyevin iştirak etdiyi tədbirdə Leyla Şubertin "Ave Mariya"-sını ifa edib.

O, bir müddət Bakı Baş Təhsil İdarəsinin nəzdində təşkil olunmuş "EEC" yəni, uşaqların ingilis dili klubunun da prezidenti olub. 2004-cü ildə hər iki məktəbi müvəffəqiyyətlə bitirib Ü.Hacıbəyov adına Bakı Musiqi Akademiyasının vokal və xor-dirijorluğu (fakultativ) fakultələrinə qəbul olunub. Oxumağı nə qədər çox sevsə də, sən demə dirijorluğu ondan da çox sevirmiş. Ona görə də qərarını qətiləşdirib "dirijor" sənətini seçdi. İctimai televiziyanın yaranması onun təhsilinin II kursuna təsadüf etdi. O vaxt Televiziyanın Musiqi departamentinə direktor təyin olunan Aygün Səmədzadə konservatoriyada Leylaya "Musiqi tarixindən" dərs deyirdi. Aygün xanımın təklifi ilə Leyla İctimai televiziyada təşkil olunan müsabiqəyə qatılır. Məlum olduğu kimi müsabiqədən üzüağ çıxan Leyla İctimai Televiziya yarandığı gündən indiyə qədər burada çalışır. Hazırladığı ilk veriliş "İntrada" olsa da, hal-hazırda o, "Yaradıcılıq gecəsi", "Ekspromt", "Ustad dərsi" verilişlərini, televiziyanın bayram konsertlərini aparır. Eurovision Mahnı Müsabiqəsində Azərbaycan nümayəndə heyətinin üzvüdür.

İstinadlar[redaktə]

  1. Leyla Əliyeva: "Yoldaşımla İctimai Televiziyada tanış olmuşuq, o rejissor, mən aparıcıyam"

Filmoqrafiya[redaktə]