Müqəddəs Şahbazov

MÜQƏDDƏS ŞAHBAZOV
Müqəddəs Bahəddin oğlu Şahbazov
Doğum tarixi:	21 mart, 1962
Doğum yeri:	Lərmərud, Lerik

Ssenari müəllifi. Kino redaktoru.

Şahbazov Müqəddəs Bahəddin oğlu — şair, publisist, 2001-ci ildən Azərbaycan Yazıçılar Birliyinin üzvü.

Həyatı

Müqəddəs Şahbazov 1962-ci il martın 21-də Lerik rayonunun Lərmərud kəndində anadan olmuşdur. Sumqayıt şəhərində 21 saylı orta məktəbi bitirdikdən sonra Tikinti İdarəsində fəhləlik etmişdir (1979-1980). Ordu sıralarında hərbi xidmətdə olmuşdur (1980-1982). Yenidən Tikinti İdarəsində çalışmışdır (1982-1988). Azərbaycan Dövlət Universitetinin jurnalistika fakültəsində təhsil almışdır (1983-1990). "Kimyaçı" qəzeti redaksiyasında tərcüməçi, Kimya Sənayesi İstehsal Birliyi radio verilişləri redaksiyasında redaktor, "Ana sözü" jurnalı redaksiyasında müxbir, "Haray" qəzeti redaksiyasında baş redaktor müavini, Sumqayıt şəhər İcra Hakimiyyəti başçısının köməkçisi, "Azərmətbuatyayımı" İstehsalat Birliyi Sumqayıt şəhər agentliyində rəis müavini vəzifələrində çalışmışdır (1988-1998). 2002-2007-ci illərdə Lider televiziyasının "Azərbaycan" redaksiyasında redaktor olub. 25 sənədli filmin ssenari müəllifidir. Hazırda "Sineman" jurnalının baş redaktorudur.

Filmoqrafiya

1. Ali sevgi-II film (film, 2003)
2. Azərbaycanlılar (veriliş, 2005)
3. Dar günün dostu (film, 2003)
4. Dənizin prelüdiyası (film, 2003)
5. Dövlətin vizit vərəqi. II film (film, 2004)
6. Dünənə ehtiramla, sabaha ümidlə (film, 2003)
7. Hərb tariximizdən. Atropat (film, 2003)
8. Həsrətli gözlərin rəsmi (film, 2003)
9. Hikmət xəzinəsi (film, 2003)
10. İlham Əliyev. Diplomatiyada uğur rəmzi (film, 2002)
11. İlham Əliyev. Ümidlərin gerçəklik məqamı (film, 2003)
12. İnanc yerlərimiz. Diribaba türbəsi (film, 2004)
13. İnanc yerlərimiz. Pir Hüseyn xanəgahı (film, 2003)
14. İnanc yerlərimiz. Piri Mərdəkan (film, 2004)
15. Kamanın ədalət ucalığı (film, 2003)
16. Məhəbbət oratoriyası (film, 2003)
17. Ötən əsrdən gələn adam (film, 2003)

Həmçinin bax

	Azərbaycan kino sənəti portalı