Müslüm Maqomayev (bəstəkar)

MÜSLÜM MAQOMAYEV
Ümumi məlumatlar
Doğum tarixi	18 sentyabr 1885-ci il(1885-09-18)
Vəfatı	28 iyul 1937-ci il (51 yaşında)
Peşəsi	Bəstəkar

Müslüm Maqomayev (18 sentyabr 1885 - 28 iyul 1937) — bəstəkar, dirijor, pedaqoq, folklorçu, ictimai xadim. Azərbaycan musiqisində Avropa stilində ilk operanın müəllifi ("Nərgiz", 1935), Azərbaycanın əməkdar incəsənət xadimi (1936).

Həyatı

Azərbaycan peşəkar musiqili teatrının banilərindən biri olmuşdur. Əslən Qax rayonunun İlisu kəndindəndir. Atası Məhəmməd Abdul oğlu gənc yaşlarında İlisu kəndində dəmirçilik etmiş və sonralar Vladiqafqaz şəhərinə köçmüşdür. Burada çeçen qızı ilə evlənərək yaşamını davam etdirmışdir. Ailənin böyük oğlu olan Abdulmüslüm 1912-ci ildən opera dirijorluğu fəaliyyətinə başlamışdır. "Şah İsmayıl" (1916) və "Nərgiz" (1935) operalarının müəllifidir. 1927-ci ildə Maqomayevin redaktəsi ilə "Azərbaycan Türk Xalq Mahnıları"nın ilk məcmuəsi (Üzeyir Hacıbəyov tərəfindən yazılmış və işlənmişdir) nəşr olunmuşdur.

• Müğənni, bəstəkar Müslüm Maqomayevin babasıdır.
• Kinorəssam Məhəmməd Maqomayevin atasıdır.
• Bəstəkar Üzeyir Hacıbəyovla eyni ildə və eyni gündə anadan olmuşdur.

Filmoqrafiya

1. Azərbaycan incəsənəti (film, 1934) (Qısametrajlı sənədli film)
2. Doğma xalqıma (film, 1954)
3. Müslüm Maqomayev (film, 1976)
4. Bəstəkar Müslüm Maqomayev (film, 1977)
5. Üzeyir ömrü (film, 1981)
6. Hər şey olduğu kimi. Beşinci film. Rəşid Behbudov (film, 2000)
7. İlisu (film, 2006)

Mənbə

• Müslüm Maqomayev
• Kövkəb Səfərəliyeva

Həmçinin bax

• Azərbaycan musiqisi
• Müslüm Maqomayev