Məşədi Qasım
| MƏŞƏDİ QASIM | |
| Məşədi Qasım Hacı Kərim oğlu | |
 |
|
| Doğum tarixi: | 1863-cü il |
|---|---|
| Doğum yeri: | Göyçə, Daşkənd kəndi |
| Vəfatı: | 1921-ci il |
| Vəfat yeri: | Şuşa |
Məşədi Qasım Hacı Kərim oğlu – erməni daşnaklarına qarşı vuruşan el qəhrəmanı.
Mündəricat |
[redaktə] Həyatı
Məşədi Qasım 1863-cü ildə Göyçə mahalının Daşkənd kəndində anadan olub. O, 1918-ci ildə erməni daşnaklarının hücumlarına qarşı xalqı səfərbər edən el qəhrəmanı olmuşdur. Məşhur gülləatan Məşədi Qasım Göyçədən Qarabağa gəlmiş, Laçınlı Sultan bəylə bərabər ermənilərə qarşı döyüşmüşdür. Bir neçə il Sultan bəy tərəfindən onun adına verilmiş Ağdamın Qasımlı kəndində yaşadıqdan sonra 1921-ci ildə Göyçəyə qayıdarkən Şuşada vəfat etmiş və orada da dəfn olunmuşdur. Məşədi Qasımın qardaşı Kərbəlayi Əmrah qardaşı uşaqlarını doğma ata-baba yurdu olan Göyçəyə aparmışdır. Ermənistanda sovet hakimiyyəti qurulduqdan sonra oğlu Fəzi əmisi Kərbəlayi Əmrahla yenidən dədə-baba yurduna qayıtmışlar.
Məşədi Qasımın nəvələri, nəticələri və digər qohumları hal hazırda Bərdə rayonunun Yeni Daşkənd kəndində yaşayırlar.
- El şairi Xasay Zeynalovun babasıdır.
- Şəhid Yasif Kərimovun babasıdır.
- Jurnalist Sənubər Fəziqızının babasıdır.
- El şairi Qəmgin Fəzinin atasıdır.
- Şəhid Abbas Qasımovun atasının babasıdır.
[redaktə] Həsr olunmuş şeirlər
Xasay Zeynalov
Еl şairi
Ay baba
Haqq səni yaratdı cəsur bir insan
Gecəni gündüzə qatdın, ay baba.
Elinə, obana hey həyan olub
Nə qədər səngərdə yatdın, ay baba.
Şahiddi "Oyuqlu", "Səngər təpəsi",
İdris, Ziyad, Korallarin Vəlisi,
Atını oldürüb topun gülləsi
Dizədək torpağa batdın, ay baba.
Gecə-gündüz köhlən atınla getdin,
Şəhri Xorasana bir səhər yetdin,
İmami Rzanı ziyarət etdin
Arzu, amalına çatdın, ay baba.
Vüqarlı dağlardan ilhamın aldın,
Şücaət göstərdin, eldə ucaldın,
Şərəflə Məşədi adını aldın
Parlaq günəşiydin, batdın, ay baba.
Xasayam, yaxşını pisdən seylədin,
Daşnakları dağa-daşa teylədin,
Soltan bəylə sadiq dostluq eylədin.
Dəyişdin dünyanı, getdin, ay baba.
[redaktə] Mənbə
[redaktə] Xarici keçidlər
[redaktə] Həmçinin bax
- Qəmgin Fəzi
- Səyyad Şairov. "Yaralı Göyçə" Bakı. Nurlan-2006. səh.15-20
