Məhəmməd İmanlı

Məhəmməd İmanlı
Doğum tarixi	30 iyun 1962(1962-06-30) (61 yaş)
Doğum yeri	Amasiya rayonu, Ermənistan SSR, SSRİ
Təhsili	Bakı Dövlət Universiteti
Fəaliyyəti	alim
Elmi adı	professor
Partiyası	Ədalət, Hüquq, Demokratiya Partiyası, Azərbaycan Xalq Cəbhəsi Partiyası

İmanlı Məhəmməd Nağı oğlu — hüquq elmləri doktoru, professor.

Həyatı

Məhəmməd İmanlı 30 iyun 1962-ci ildə Ermənistanın Amasiya rayonunda anadan olmuşdur. 1969–1979-cu illərdə Amasiya rayonunun Güllücə kənd orta məktəbində oxumuşdur. 1983–1987-ci illərdə Politexnik Universitetində təhsil almışdır. 1988-ci ildə S. M. Kirov adına Azərbaycan Dövlət Universitetinin (BDU) Hüquq fakültəsinin əyani şöbəsinə daxil olmuşdur. 1993–1997-ci illərdə Bakı Dövlət Universiteti hüquq fakültəsinin "Cinayət hüququ və kriminalogiya" kafedrasında müəllim, qiyabi aspirant, 1998-ci ildə baş müəllim, dosent olmuşdur. 2004-cü ildə universitetin hüquq fakültəsinin dekanının 1-ci müavini təyin edilmişdir. 2006-cı ildə hüquq elmləri doktoru və professor adı almışdır. 2006–2009-cu illərdə BDU-nun Müdafiə Şurası yanında seminarın sədri (12.00.09 indeksi üzrə), 2009-cu ildə Azərbaycan Respublikası Prezidenti yanında Ali Attestasiya Komissiyasında hüquq ixtisası üzrə ekspert olmuşdur.

100-dən çox məqalənin, 10 kitabın, 6 monoqrafiyanın müəllifidir.

Ailəlidir 3 övladı var.

Siyasi fəaliyyəti

Bir müddət Azərbaycan Xalq Cəbhəsi Partiyası üzvü olmuşdur. Daha sonra isə Bütöv Azərbaycan Xalq Cəbhəsi Partiyası üzvü olsa da daha sonra siyasətdən uzaqlaşmışdır.

Tədris-metodik işləri

• Cinayət hüququ. (Xüsusi hissə). Dərslik. Digesta nəşriyyatı, Bakı 2001.
• Hüquq fakültəsi qiyabi şöbəsi tələbələri üçün Metodik göstərişlər. BDU, Bakı 2003.
• Cinayət hüququ.(Xösusi hissə) Məsələlər toplusu ilə birgə. Dərslik. Digesta nəşriyyatı. Bakı 2004.
• Cinayət hüququ.(Xüsusi hissə üzrə). Proqram. Bakı, BDU, 2001.
• Cinayət hüququ. Dərs vəsaiti. AR DİN Polis Akademiyası. Bakı 2007.
• Mülkiyyət əleyhinə edilən cinayətlər. Dərslik. Bakı, "Əbilov, Zeynalov və oğulları" 2007.
• Ermənistan-Azərbaycan Dağlıq Qarabağ münaqişəsi beynəlxalq sülh və təhlükəsizliyə təhdiddir: problemə tarixi baxış və bəzi beynəlxalq cinayət hüququ məsələləri. Kitab. Bakı. 'Apostrof.' 2009.
• Cinayət hüququ (Xüsusi hissə) Təcrübi materiallar toplusu ilə birgə dərslik. Bakı 'Zərdabi' Nəşriyyatı.2009.

Xarici keçidlər

• Məhəmməd Nağı oğlu İmanlı
• Bakı Dövlət Universitetinin professoru Məhəmməd İmanlı saxlanılıb. Arxivləşdirilib 2012-05-29 at the Wayback Machine