Məhəmməd Baqir Məclisi

Vikipediya, açıq ensiklopediya
Keçid et: naviqasiya, axtar
MƏHƏMMƏD BAQİR MƏCLİSİ
fars. علامه مجلسی
Portrait of Allamah Majlisi.jpg
Doğum tarixi: 1627(1627-Şablondakı doğum və ya ölüm tarixində texniki yanlışlıq var!-00)
Doğum yeri: İsfahan, İran
Vəfatı: 29 mart 1699 (72 yaşında)
Vəfat yeri: İsfahan, İran
Elm sahəsi: Hədis
Elmi dərəcəsi: Müctəhid
Tanınmış yetirmələri: Nemətulla Cəzairi
Tanınır: Əllamə Məclisi

Əllamə Məhəmməd Baqir Məclisi (tam adı Məhəmməd Baqir ibn Məhəmməd Təqi ibn Məqsud Əli İsfahani, d.1627 — ö.29 mart 1699) — Azərbaycan Səfəvilər dövləti zamanında yaşamış görkəmli İslam alimi.

Həyatı[redaktə]

Əllamə Məhəmməd Baqir Məclisi 1627-ci ildə o vaxt Azərbaycan Səfəvilər dövlətinin paytaxtı olmuş İsfahan şəhərində dünyaya gəlmişdir. Onun atası Məhəmməd Təqi Məclisi İsfahanın imam-camaatı olmuşdur. Zəmanəsinin 18 böyük aliminin yanında elm aldıqdan sonra, gənc Məhəmməd Baqir Hürr Amili tərəfindən ictihad dərəcəsinə layiq görülür. Bundan sonra o öz elmi yaradıcılığının şah əsəri sayılan 144 cildlik "Biharul Ənvar" ("Nurlar dəryaları") kitabını yazmağa başlayır. Quran təfsiri, tarix, fiqh, kəlam və s. elmi sahələri əhatə edən bu kitab hədisşünaslığa dair ən iri həcmli əsər sayılır.

Məclisi həmçinin ölkənin siyasi həyatında fəal iştirak edirdi. O Şah Süleyman Səfəvi və onun xələfi Şah Sultan Hüseyn Səfəvinin yanında böyük nüfuza malik idi və 1687-ci ildə Şeyxülislam tituluna layiq görülmüşdür.

Böyük alim 1699-cu ildə müqəddəs Ramazan ayının 27-də (29 mart) vəfat etmişdir.

Əsərləri[redaktə]

  • «Biharul-ənvar»
  • «Heylatul müttəqin»
  • «Əynul həyat»
  • «Haqqul yəqin»
  • «Cəlalul uyun»
  • «Töhfətuz ziyər»
  • «Həyatul kulub»
  • «Miratul-uqul»

Tənqidi[redaktə]

"Biharul Ənvar"a bir çox qeyri-səhih və hətta reallıqdan uzaq hədisləri daxil etdiyinə görə Məclisi daima tənqid mərkəzində olmuşdur və bu günə qədər olmaqdadır. Lakin onu nəzərə almaq lazımdır ki, onun əsas hədəfi hədislərin məhv olub aradan getməsinin qarşısını almaq olmuşdur ki, onlar sonrakı nəsillərə nəql oluna bilsin. Təbiidir ki, belə bir böyük və geniş həcmə malik olan işin zəif cəhətləri də ola bilər. Bu əsər də bəşər övladının işi olduğuna görə, insanların digər felləri və əməlləri kimi xəta və səhvdən amanda qala bilməzdi. Məclisinin özü də buna daima işarə edirdi.

Maraqlı faktlar[redaktə]

Məclisinin "Haqqul yəqin" kitabını oxuduqdan sonra 70 minə yaxın insan şiə əqidəsini qəbul etmişdir.

İstinadlar[redaktə]