Mərdəkan

Vikipediya, açıq ensiklopediya - ویکیپدیا ، آچیق انسایکلوپدیا

Jump to: naviqasiya, axtar

Dördkünc Mərdəkan qalasının donjonu

Mərdəkan Bakının Əzizbəyov inzibati rayonunda şəhər tipli qəsəbə və kurort. Əhalisi 15,760 nəfər.

Mündəricat

1 Tarixi
2 Mədəniyyəti
3 Coğrafiyası ve İqlimi
4 Əhalisi
5 İqtisadiyyatı
6 Mənbə
7 Həmçinin Bax
8 Xarici keçidlər

[redaktə / تحریر] Tarixi

Mərdəkanın adı "Mərdlər məkanı" kimi tərcümə olunur, bu da yaşayış məskəninin qədim Mard tayfaları tərəfindən salınmasına işarədir. Mardların adına isə ilk dəfə Qafqaz Albaniyasında yaşayan tayfaların sırasında rast gəlinir. Hələ qədimdən xalq memarlığının mərkəzi sayılan Mərdəkan haqqında müxtəlif xarici səyyahların salnamələrində məlumatlar var. Bakı milyonçularından Hacı Zeynalabdin Tağıyev, Musa Nağıyev, Şəmsi Əsədullayev və başqalarının burada bağları, yaraşıqlı binaları olmuşdur. Məşhur rus şərqşünası İ.N.Berezin "Abşeron yarımadasına səyahət" (1845) adlı əsərində Mərdəkanda olmasından, bu kəndin tarixi-memarlıq abidələrinin qeyri-adiliyindən yazmışdır. Tədqiqatçılar bildirirlər ki, Herodot, Strabon kimi səyyahların da Mərdəkan haqqında yazıları olub. ^[1]

Dördkünc qala Dördkünc qala dördkünc həyətin içərisində tikilib. Həyət yeddi metr hündürlüyündə qala divarları ilə əhatə olunmuşdur. Qalanın hündürlüyü 22m. Kvadrat qalanın üzərindəki yazıda belə məlumat verilir: ?Müdrik İslamın şahı, şirvanşah Ahsitan, II Mənuçöhrün oğlu Kicri ilə 583-cü il = 1187/89 illərdə. -Allahverdi. 50Q CENAT.

[redaktə / تحریر] Mədəniyyəti

Mərdəkanın qədim tikililərinə dördkünc Mərdəkan qalası (1187-11890, Mərdəkan dirəvi qalası (1203), Xanbaba hamamı (1481), Pir-Həsən məqbərəsi (1612), Tağıyevin imarəti (1900-cü illər) və sair daxildir.

Mərdəkanda 4 ümümtəhsil məktəbi, internat, musiqi evi, mədəniyyət sarayı, dendrologiya parkı, bir neçə sanatoriya və pansionat, eləcə də Avtomat Telefon Stansiyası yerləşir.