Macar-Azərbaycan Dostluq Cəmiyyəti
.jpg)
Macar-Azərbaycan Dostluq Cəmiyyəti (MADC) – 1994-cü ildən Macarıstanın paytaxtı Budapeştdə fəaliyyət göstərir,[1] sədri Svetlana Abdullayevadır, cəmiyyət üzvlərinin 90 faizi macarlardan ibarətdir.[2]
Mündəricat |
[redaktə] Məqsədi
Macar-Azərbaycan Dostluq Cəmiyyəti Azərbaycanın tarixi və bu günü, qədim adət-ənənələri, milli bayramları, dövlətimizin qazandığı nailiyyətlər barədə informasiya yaymağı qarşısına məqsəd qoymuşdur.
[redaktə] Fəaliyyəti
Cəmiyyət Macarıstanda fəaliyyət göstərən yeganə diaspora təşkilatıdır.[3] 2010-cu ildə Azərbaycan Respublikasının Diaspora İlə İş üzrə Dövlət Komitəsinin dəstəyi ilə macar dilində çapdan çıxmış üçcildlik topluda Macarıstanda tanınan gənc Azərbaycan müəlliflərinin qələminə məxsus, onların keçmiş və gələcəklə bağlı mülahizələrini, Vətənin ağrılı-acılı və şad günlərini əks etdirən hekayə, povest və esselər, habelə qədim Azərbaycan diyarı olan Qarabağın zəngin mədəniyyəti barədə sənədli materiallar yer almışdır.[4] Bu cəmiyyət Azərbaycan Respublikasının Macarıstandakı Səfirliyi ilə öz üzvləri arasında görüşlər keçirirək iki ölkə arasında yaxınlığa öz töhvəsini verir.[5] Son görüşdə səfir Vilayət Quliyev də iştirak edib.[6] Cəmiyyət həmçinin Macarıstanda yaşayan Azərbaycanlıların ölkəmizin mədəniyyəti, tarixi və s. barədə məlumat yaymasına dəstək verir. Məsələn, MADC 2011-ci ilin yanvarında Mərkəzi Avropa Universitetində keçirilən Beynəlxalq Mədəniyyət Festivalında Azərbaycanın da tələbələr tərəfindən təmsil olunmasına dəstək verib.[7] Təşkilat Azərbaycanın milli bayramları zamanı həm Azərbaycanlı, həm də macar üzvləri ilə birlikdə bayram süfrəsi açır. Təşkilat həmçinin Azərbaycanın problemləri, Dağlıq Qarabağ münaqişəsi barədə macarlara məlumat verir. Matəm günlərində (20 Yanvar, 31 Mart, 26 Fevral) dünyasını dəyişmiş Azərbaycanlıların xatirəsi anılır.[8] [9] Cəmiyyət həmçinin hər il ənənəvi olaraq Azərbaycan və macar dillərində görkəmli Azərbaycanlılara həsr olunmuş təqvimlər hazırlayır. 2011-ci ilin təqvimi Tahir Salahova[10], 2012-ci ilin təqvimi isə Toğrul Nərimanbəyova həsr olunub.[11]
[redaktə] Həmçinin bax
- Azərbaycan Respublikasının Diaspora İlə İş üzrə Dövlət Komitəsi
- Azərbaycan Respublikasının Macarıstandakı Səfirliyi
[redaktə] Xarici keçidlər
[redaktə] İstinadlar
- ↑ Macar-Azərbaycan Dostluq Cəmiyyətinin əlaqə vasitələri
- ↑ Azərbaycanın Macarıstandakı səfirliyinin əməkdaşları ilə görüş keçirilib
- ↑ Macarıstandakı təşkilatlar
- ↑ Macar-Azərbaycan Dostluq Cəmiyyətində görüş keçirilib
- ↑ Macar-Azərbaycan Dostluq Cəmiyyətində səfirliyimizin əməkdaşları ilə görüş olub
- ↑ Rəşad Mehbaliyev, Macar-Azərbaycan Dostluq Cəmiyyətində görüş keçirilib
- ↑ Rəşad Mehbaliyev, Mərkəzi Avropa Universitetində keçirilən Beynəlxalq Mədəniyyət Festivalında azərbaycanlı tələbələr də iştirak ediblər – FOTO
- ↑ Müxtəlif ölkələrdə azərbaycanlıların soyqırımı günü anılır
- ↑ Dünya azərbaycanlıları 20 yanvar şəhidlərini yad edəcək
- ↑ Lent.az - Tahir Salahovun əsərlərindən ibarət divar təqvimi nəşr olunub
- ↑ Azerbaijan.az - Macarıstanda Toğrul Nərimanbəyovun rəsmlərindən ibarət təqvim nəşr olunmuşdur
