Mahmud Kərimov

Mahmud Kərimov
Mahmud Kərim oğlu Kərimov
Doğum tarixi:	18 oktyabr 1948-ci il (1948-10-18)
Doğum yeri:	İrəvan
Elm sahəsi:	Fizika
Elmi dərəcəsi:	Fizika-riyaziyyat elmləri doktoru
Elmi vəzifəsi:	akademik

Kərimov Mahmud Kərim oğlu — fizika-riyaziyyat elmləri doktoru, akademik, 2001-ci ildən Azərbaycan Milli Elmlər Akademiyasının prezidenti.

Həyatı

Mahmud Kərimov 18 oktyabr 1948-ci ildə Ermənistan Respublikasının İrəvan şəhərində anadan olmuşdur. Azərbaycan Dövlət Universitetinin Fizika fakültəsini bitirmişdir. Yarımkeçicilər və dielektriklər fizikası ixtisası (01.04.10) üzrə doktorluq dissertasiyası müdafiə etmişdir. 2001-ci ildə Azərbaycan Milli Elmlər Akademiyasının həqiqi üzvü seçilmişdir.

Evlidir, oğlu və qızı var.

Əsas elmi nailiyyətləri

Molekulyar informasiya çeviriciləri fizikası sahəsində ilk dəfə olaraq yüksək molekulyar sistemlərdə güclü elektrik sahəsinin təsiri ilə baş verən elementar elektron və molekulyar proseslər tədqiq edilmiş və materialların xassələrinin elektrik sahəsi ilə idarə edilməsi, makromolekulların informasiya yaddaşı və çevrilməsi mexanizmləri aydınlaşdırılmışdır. Şüalanma və elektrik boşalma plazmasının təsirləri ilə oksid dielektriklərdə nöqtəvi deffektlərin yaranma mexanizmi və kinetikasını tədqiq etmiş, suyun radiasiya və plazma katalik parçalanması proseslərində şüalanma enerjisinin kimyəvi enerjiyə çevrilməsi, sudan hidrogenin alınması üçün səmərəli üsullar təklif etmişdir. M. Kərimovun son illirdə apardığı tədqiqatlar nəticəsində molekulyar yarımkeçiricilərdə paramaqnitizm ilə elektrik keçiriciliyinin qarşılıqlı əlaqəsi aşkar edilməsinə həsr olunmuş elektrik keçiriciliyində spin-maqnit effektləri, maqnitorezonans keçiriciliyində isə ifrat incə quruluş aşkar edilmişdir.

Əsas elmi əsərlərin adları

1. "Dark Elektrical Conduction in Plazma-Polymerized Acetonitrile". Thin Solid Films, v. 97, 1991
2. "ESR Studies on Heterogeneous Processes in Irradiated SiO2(B2O3+H2O) Systems". Jour. of Radioanalyt. and Nucl. Chemistry, v. 157, № 2, 1992
3. "Электрополевая зависимость магнитного спинового эффекта фотогенерации носителей заряда в полидиацетилене". Физика Твердого Тела, 1998, т. 40, № 9
4. "Сверхтонкая структура магниторезонансной электрической проводимости легированного полидиацетилена". Письма в ЖТФ, 1999, т. 25, № 23
5. "Спиновый обмен в допированном йодом полидиацетилене". Физика Твердого Тела, 1999, т. 41, № 10

Həmçinin bax

• Azərbaycan Milli Elmlər Akademiyası