Makgill Universiteti

Makgill Universiteti McGill University
Mcgill CoA.jpg
Yaranma tarixi	1821-ci il
Tip	Dövlət
Tələbə sayı	30.000
Şəhər	Monreal şəhəri
Ölkə	Kanada, Kvebek əyaləti,

Makgill universiteti (McGill University) - MakGill Universiteti (McGill University) — Kanadanın ən qədim və nüfuzlu ali təhsil müəssisəsidir. Universitet Kanadanın Kvebek əyalətinin Monreal şəhərində yerləşir. Böyük Britaniyanın həftəlik dərc olunan "Times Higher Education Supplement – QS World Universities Rankings" jurnalının hər il apardığı dünya universitetlərinin reytinqinə əsasən, 2009-cu ildə MakGill Universiteti 100 ən yaxşı ali məktəb arasında 18-ci yerdədir.

Büdcə xərcləri və təhsil haqqı

2007-2008-ci illərin nəticələrinə əsasən MakGill Universitetinin ümumi gəlirlərinin məbləği 1 074 061 000 Kanada dolları təşkil edib. Bu gəlirin 318840000 dolları Kvebek hökumətinin qrantlarından, 19158000 dolları federal hökumətin tədqiqatlara ayırdığı vəsaitdən, 292411000 dolları tədqiqat qrantlarından, 160334000 dolları təhsil haqqından, 105713000 dolları ianə və yardımlardan, 87694000 dolları investisiya və faiz gəlirlərindən, 89881000 dolları isə əlavə gəlirlərdən ibarət olub.

MakGill Universitetində 2009-2010-cu tədris ilində təhsil haqqı Kvebek sakinləri üçün 1868 dollar, Kanadanın müxtəlif bölgələrindən gələn tələbələr üçün 5378, əcnəbilər üçün isə 15000-dən başlayaraq seçilmiş proqram çərçivəsində artır.

MakGill Universiteti dünyanın ən nüfuzlu ali təhsil müəssisələrindən biridir. Qabaqcıl elmi-tədqiqat mərkəzi olaraq bu ali məktəb dünya elminin inkişafında böyük rol oynayır. Xüsusilə tibb elmi üzrə ali təhsil müəssisəsinin əldə etdiyi nailiyyətlər danılmazdır. Universitetin 8 məzunu Nobel mükafatına layiq görülüb.

Hazırda MakGill Universitetində ümumilikdə 35 300 tələbə təhsil alır. Onların 7 975-ni magistr və doktorant, qalanlarını isə bakalavrlar təşkil edirlər. Universitetdə oxuyan əcnəbi tələbələrin sayı 6829 nəfərdir.

Məşhur məzunları

• Vike-Freyberq – Latviya Respublikasının 6-cı prezidenti.
• Daniel Oduber Quiros – Kosta-Rikanın sabiq prezidenti.
• Əhməd Nazif – Misirin Baş naziri.
• Jonn Abbott – Kanadanın üçüncü Baş naziri.
• Uilfrid Laurier – Kanadanın yeddinci Baş naziri.
• Zbiqnev Bjezinski – ABŞ-ın sabiq prezidenti Cimmi Karterin milli təhlükəsizlik üzrə məsləhətçisi.
• Ceyms Neysmit – basketbol oyununun yaradıcısı.
• Ernest Rezerford – kimya üzrə Nobel mükafatı laureatı.
• Frederik Soddi – kimya üzrə Nobel mükafatı laureatı.
• Rudolf Markus – kimya üzrə Nobel mükafatı laureatı.
• Uillard Boyl – fizika üzrə Nobel mükafatı laureatı.
• Robert Mandell – iqtisadiyyat üzrə Nobel mükafatı laureatı.
• Cek Szostak – tibb və fiziologiya üzrə Nobel mükafatı laureatı.
• Endryu Viktor Şalli – tibb və fiziologiya üzrə Nobel mükafatı laureatı.
• Devid Hanter Hyubel – tibb və fiziologiya üzrə Nobel mükafatı laureatı.
• J. Payette – Kanadanın tanınmış astronavtı.
• D. Uilliams – Kanadanın tanınmış astronavtı.
• R. Thirsk – Kanadanın tanınmış astronavtı.