Mançester Yunayted (Mançester)

Manchester United F.C.
Klubun tam adı
Rəngləri	Qırmızı, Ağ, Qara
Ləqəbi	The Red Devils (Qırmızı Şeytanlar)
Yaranma tarixi	1878
Stadionu	Old Trafford
Tutumu	76212
Prezidenti	Coel və Avram Qleyzer
Baş məşqçisi	Ser Aleks Ferqyuson
Liqa	1
Mövsüm	2010/11
Sıra	1.
Rəsmi vebsaytı
Ev 　 Səfər

Mançester Yunayted (ing.: Manchester United) — titullu ingilis futbol klublarından biridir. Xüsusilə, son on beş ildə nümayiş etdirdiyi mükəmməl oyunla uzun müddət rəqibsiz qalmış və dəfələrlə İngəltərə Premyer-Liqasının (ing. Premier League)qalibi olmuşdur. Ev oyunlarını "Old Trafford" stadionunda keçirir. Stadionun tamaşaçı tutumu 76.212 nəfərdir. Klub mövcud olduğu illər ərzində 19 dəfə İngiltərə çempionu, 3 dəfə UEFA Çempionlar Liqasının qalibi olmuşdur.

Tarixi

Klub Mançester şəhərinin dəmiryol fəhlələri tərəfindən 1878-ci ildə Newton Heath (L & Y.R.) F.C. adı altında yaradılmışdır. Klubun ilk rəngləri yaşıl və qızılı idi. 1892-ci ildə klub Futbol liqasına daxil olur və dəmiryol stansiyasından ayrılaraq müstəqil olur. 1902-ci ildə 2500 funtdan çox borcla iflas həddinə çatır. Klubu iflasdan yerli pivə istehsalçısı Con Henri Deyvis xilas edir. O klubu alır və kluba kapital qoyur. 26 aprel 1902-ci ildə klubun adı dəyişdirilərək rəsmən "Manchester United" olur. Eyni zamanda klubun rəngləri də yaşıl-qızılıdan qırmızı-ağa dəyişdirilir.

1906-cı ildə "United" Birinci diviziona yüksəlir və 1907/08 mövsümündə özünün ilk çempion titulunu qazanır. 1908-ci ildə "Manchester United" öz tarixində ilk dəfə İngiltərə superkubokunu, 1909-cu ildə isə özünün ilk İngiltərə kubokunu əldə edir. 1910/11 mövsümündə "United" ikinci dəfə Birinci divizionun çempionu olur. Bundan sonrakı 41 il ərzində bu onlara müyəssər olmur. Həmin ildə klub özünün yeni "Old Trafford" stadionuna köçür. Növbəti onillikdə klub yeni titullar qazana bilmir və 1922-ci ildə İkinci diviziona düşür. 1925-ci ildə "Manchester United" Birinci diviziona qayıdır, ancaq klub yalnız yerini qorumaq uğrunda mübarizə aparır. 1931-ci ildə yenidən İkinci diviziona yuvarlanır. İkinci Dünya müharibəsindən əvvəlki səkkiz il ərzində "United" divizionlar arasında yerdəyişmələr edir. 1934-cü ildə tarixi ərzində ən zəif nəticəni göstərir və İkinci divizionda 20-ci yeri tutur. Müharibədən əvvəlki son mövsümü (1937/38)isə klub Birinci divizionda 14-cü yerdə bitirir

Basbinin uşaqları

İkinci Dünya Müharibəsindən sonra klubun baş məşqçisi Ser Met Basbi (ing. Sir Matt Busby)təyin olunur. Basbi çox güclü bir komanda düzəldir. Onun rəhbərliyi altında klub iki il dalbadal – 1956 və 1957-ci illərdə İngiltərə çempionu olur. 1958-ci ildə böyük bir faciə baş verir. Fevralın 6-da Almaniyanın Münhen şəhərində klubun təyyarəsi qəzaya uğrayır. Qəza nəticəsində klubun 8 oyunçusu həlak olmuş, digər oyunçular və məşqçi heyəti(o cümlədən Met Basbi) sağ qalmışdır. Çoxları bu hadisədən sonra klubun zəifləyəcəyini söyləyirdi. Lakin Basbi sağ qalmış oyunçulardan və gənclərdən güclü bir komanda düzəltmiş və onu 1965 və 1967-ci illərdə çempion etmişdir.

Bundan sonra klubda bir durğunluq baş vermiş və 30 ilə yaxın bir müddətdə klub İngiltərə çempionluğuna həsrət qalmışdır. Bu uğursuzluq komandanın sükanına ser titullu digər bir şəxsin gələcəyinə qədər davam etmişdir.

II Ser

1986-cı ildə kubun baş məqçisi Ser Aleks Ferqyuson (ing. Sir Alex Ferguson) təyin olunur. Ferqyuson demək olar ki, komandanı yenidən yaratmışdır. Komandanı ayağa qaldırmaq uzun sürmüş və klub 1993-cü ilə qədər çempion olmamışdır, ancaq sonradan klub fantastik sezonları dalbadal sıralamışdır. Klubun həmin dövrlərdə qazandığı uğurların bəziləri; 11 sezonda 8 çempionluq, eyni sezonda Premier League çempionluğu və FA Cup çempionluğu və Avropa çempionu olmuş yeganə klubdur.

Futbol klubları içərisində ən güclü azarkeş dəstəyinə malik olan klubun səhmlərinin böyük bir hissəsinin 2005-ci ildə Amerikalı iş adamı Malkolm Qleyzer (ing. Malcolm Glazer) tərəfindən alınması azarkeşlərin boyük narazılığına səbəb olmuşdur.

Mançester Yunayted cari İngiltərə çempionu titulunu daşıyır.

2007/08 mövsümündə Mançester Yunayted dubla imza atdı. Beləki klub tarixində 17-ci dəfə İngiltərə çempionu titulunu qazandı. Baxmayaraq ki, Mançester mövsümə o qədər də uğurlu başlamamışdı. İkinci böyük zəfərə isə Moskvanın Lujniki stadionunda imza atıldı. Çelsi ilə keçən dramatik oyun Mankuniyanların qələbəsi ilə başa çatdı, bu isə 3-cü Avropa Çempionlar Kubokunun qazanılması demək idi. 2008/09 mövsümündə Mançester Yunayted üçüncü dəfə dalbadal premyer-liqanın qalibi oldu. Klub həmçinin Liqa kubokunu və Klublararası dünya çempionatını qazanır. 2010 ci ildə komanda ardıcıl ikinci dəfə Liqa kubokuna sahib çıxır.

2010/11 mövsümündə isə 19-cu dəfə İngiltərə çempionluğunu bayram edən mankunianlar bu göstəriciyə görə Liverpulu arxada qoyaraq İngiltərə futbolu tarixində ən uğurlu komanda statusunu əldə edirlər.

Uğurlar

• Premier League çempionluğu: 19
  • 1908, 1911, 1952, 1956, 1957, 1965, 1967, 1993, 1994, 1996, 1997, 1999, 2000, 2001, 2003, 2007, 2008, 2009, 2011

• 2.League çempionluğu: 2
  • 1936, 1975

• FA Cup: 11
  • 1909, 1948, 1963, 1977, 1983, 1985, 1990, 1994, 1996, 1999, 2004

• Legue Cup: 4
  • 1992, 2006, 2009, 2010

• UEFA Çempionlar Liqası çempionluğu: 3
  • 1967-68, 4-1 Benfica-ya qarşı
  • 1998-99, 2-1 FC Bayern Munich-ə qarşı
  • 2007-08, 1-1 (pen.:6-5 ) Chelsea FC-ya qarşı

• Kuboklar Kuboku: 1
  • 1991

• Qitələr arası kubok (FIFA Klublararası Dünya Kuboku): 1
  • 1999, 2008

• Avropa Super Kuboku: 1
  • 1991

Məşhur oyunçuları

• Çarli Roberts
• Dennis Viollet
• Corc Best
• Bobbi Çarlton
• Dennis Lou
• Brayan Robson
• Dennis Lou
• Erik Kantona
• Rayan Giqqz
• Devid Bekhem
• Roy Kin
• Piter Şmeyhel
• Pol İns
• Pol Skoulz
• Qari Nevill
• Ole Qunnar Sulşer
• Ruud van Nistelrooy
• Rio Ferdinand
• Ueyn Runi
• Edvin van der Sar
• Kristiano Ronaldo

Xarici keçidlər

• SCN Manchester United Forum
• Manchester United Rəsmi Sayt
• Forever Man Utd
• Manchester United Central
• Redcafe(Manchester United forum)
• Klubun Azərbaycan saytı
• Klubun Azərbaycan facebook fanat səhifəsi