Mario Püzo

Vikipediya, açıq ensiklopediya
(Mario Pyuzo səhifəsindən istiqamətləndirilmişdir)
Keçid et: naviqasiya, axtar
Mario Püzo
ing. Mario Puzo
Mario Pyuzo.jpg
İlk adı Mario Canluici Püzo
Təxəllüsü Mario Kleri
Doğum tarixi 15 oktyabr 1920(1920-10-15)
Doğum yeri Manhetten, Nyu-York, Flag of the United States.svg ABŞ
Vəfatı 2 iyul 1999 (78 yaşında)
Vəfat yeri Qərbi Bey Şor, Nyu-York, Flag of the United States.svg ABŞ
Vəfat səbəbi ürək çatışmazlığı
Həyat yoldaşı Erika Pyuzo
Peşələri yazıçı
ssenarist
tənqidçi
Təhsili ali
Karyera 1955-1999
Əsərlərinin dili ingilis dili
İstiqamət ssenari
roman
Janr detektiv
IMDb ID 0701374
http://www.mariopuzo.com/

Mario Püzo (ing. Mario Puzo) — italyan əsilli Amerika yazıçısı, ssenaristi və tənqidçisi.

Həyatı[redaktə]

Mario Püzo 15 oktyabr 1920-ci ildə italyan mühacir ailəsində anadan olmuşdur. İkinci Dünya müharibəsi zamanı ABŞ Hərbi Hava Qüvvələrinin tərkibində Şərqi AsiyadaAlmaniyada xidmət etmişdir. Nyu-York Yeni Məktəbində və Kolumbiya Universitetində oxumuşdur.

Təxminən iyirmi il ABŞ-ın Nyu-Yorkda və xaricdəki dövlət idarələrində işləmişdir. 1963-cü ildən o, ştatdankənar jurnalist kimi fəaliyyətə başladı və peşəkar ədəbiyyatçı oldu.

Mario Püzonun ilk kitabı "Zülmət meydanı" 1955-ci ildə işıq üzü görmüşdür. Romandakı hadisələr müharibədən sonrakı Almaniyada baş verir. Hadisələrin mərkəzində Amerika əsgəri ilə alman qızının məhəbbəti dayanır. Yazıçının növbəti romanı "Xoşbəxt mühacir" 1965-ci ildə çap olundu. Roman ABŞ-da Böyük böhran dövründə italyan mühacirlərin ağır həyatından bəhs edirdi. Bu iki kitab Rusiyada ilk dəfə 1990-cı illərdə çap olundu.

Yazıçıya geniş dünya şöhrətini 1969-cu ildə işıq üzü görən "Xaç atası" romanı qazandırdı. Bu əsər italyan mafiyasının dərin köklərindən, qanunlarından, rüşvətxorluqdan, zorakılıqdan və alicənab qanqster don Karleonedən bəhs edirdi. 1970-ci illərdə bu roman bestsellerə çevrildi. 1972-ci ildə Mario Püzonun özünün ssenarisi əsasında kinorejissor Frensis Ford Koppola eyniadlı film çəkdi.

Mario Püzo 2 iyul 1999-cu ildə ürək çatışmazlığından Lonq-Aylenddəki evində vəfat etmişdir.

Mario Püzonun "Omerta" romanı onun ölümündən sonra, 2000-ci ildə çap olundu[1]. "Ailə" adlı sonuncu romanı isə həyat yoldaşı Kerol Cino tərəfindən tamamlanmış və 2001-ci ildə işıq üzü görmüşdür.

Filmoqrafiya[redaktə]

  1. Xaç atası (film, 1972) / The Godfather
  2. Xaç atası-2 (film, 1974) / The Godfather Part II
  3. Zəlzələ (1974) / Earthquake
  4. Supermen (1978) / Superman
  5. Supermen 2 (1980) / Superman 2
  6. Siciliyalı (1987) / The Sicilian
  7. Xoşbəxt səyyah qız (1988)
  8. Xaç atası-3 (film, 1990) / The Godfather Part III
  9. Sonuncu don (1997)

İstinadlar[redaktə]

  1. Omerta (Mario Puzo's Mafia)

Xarici keçidlər[redaktə]