Mario del Monako

Vikipediya, azad ensiklopediya
Naviqasiyaya keçin Axtarışa keçin
Mario del Monako
Mario del Monaco
it. Mario Del Monaco
Ümumi məlumatlar
Doğum tarixi 27 iyul 1915(1915-07-27)[1][2][…]
Doğum yeri
Vəfat tarixi 16 oktyabr 1982(1982-10-16)[1][2][…] (67 yaşında)
Vəfat yeri
Vəfat səbəbi ürək tutması
Dəfn yeri
Vətəndaşlığı
Milliyyəti İtaliya İtaliya
Musiqiçi məlumatları
Fəaliyyəti opera müğənnisi
Fəaliyyət illəri 1939-1975
Janr opera
Səs tembri tenor
Mükafatları "Lenin" ordeni
mariodelmonaco.net
Vikianbarın loqosu Vikianbarda əlaqəli mediafayllar

Mario del Monako (it. Mario del Monaco; 27 iyul 1915[1][2][…], Florensiya[3][4]16 oktyabr 1982[1][2][…], Mestre[d], Mestre[d][5]) — italyan opera müğənnisi — tenor. Bir çox musiqişünaslar tərəfindən XX əsrin sonuncu və ən mahir dramatik tenorlarından (it. di forza) biri hesab edilir. Cüzeppe di Stefano ilə yanaşı 1950–60-cı illərin ən məşhur italyan tenoru olmuşdur.

Həyatı[redaktə | mənbəni redaktə et]

Oxumağa Pezara konservatoriyasında Arturo Melokkinin yanında başlamışdır. Müxtəlif məlumatlara görə 1939–1941-ci illər arasında səhnəyə çıxmağa başlamışdır. 1943-cü ildən Milanda "La Skala" teatrında çıxış etməyə başlamış, 1946-cı ildən Londonun "Kovent Qarden" teatrında, 1957–1959-cu illərdə isə Nyu-Yorkdakı məşhur "Metropoliten-opera"da çıxış etmişdir. 1959-cu ildə SSRİ-yə qastrola gəlmiş və Böyük Teatrda Jorj Bizenin "Karmen" operasında Xose və Rucero Leonkovallonun "Məzhəkəçilər" ("Paliaççi") operasında Kanio partiyalarını ifa etmişdir. Ona ən böyük uğur qazandıran opera partiyası kimi Cüzeppe Verdinin "Otello" operasındakı Otello obrazını qeyd etmək olar. Del Monako bu partiyanı dünyanın müxtəlif ölkələrində 400 dəfədən artıq ifa etmişdir.

1975-ci ildə 20 gün ərzində NeapolPalermoda 11 konsert verərək karyerasını başa vurmuşdur.

1964-cü ildə avtomobil qəzası keçirmiş və həmin qəzada həyat yoldaşı vəfat etmişdir. Ömrünün son illərini böyrək çatışmazlığından əziyyət çəkən Mario del Monako həmin dövrdə Trevizo yaxınlığında yerləşən Lanseniqodakı villasında yaşamış və 1982-ci il oktyabrın 16-da Mestre şəhərində bu xəstəlikdən vəfat etmişdir.

Mükafatlar[redaktə | mənbəni redaktə et]

  • 1955 — Opera sənətindəki böyük xidmətlərinə görə "Qızıl arena" mükafatı
  • 1957 — "Qızıl Orfey" mükafatı
  • 1959 — "Qızıl yollar" mükafatı
  • 1959 — SSRİ-dəki qastrollarına görə Lenin ordeni

Xarici keçidlər[redaktə | mənbəni redaktə et]

  1. 1,0 1,1 1,2 1,3 Bibliothèque nationale de France BnF identifikatoru (fr.): açıq məlumat platforması. 2011.
  2. 2,0 2,1 2,2 2,3 Meloncelli R. DEL MONACO, Mario // Dizionario Biografico degli Italiani (it.). 1990. Vol. 38.
  3. 3,0 3,1 Дель Монако Марио // Большая советская энциклопедия (rus.): [в 30 т.]. / под ред. А. М. Прохоров 3-е изд. Москва: Советская энциклопедия, 1969.
  4. 4,0 4,1 Archivio Storico Ricordi. 1808.
  5. 5,0 5,1 Deutsche Nationalbibliothek Record #124413668 // Ümumi tənzimləmə nəzarəti (GND) (alm.). 2012—2016.