Mark Zukerberq

Vikipediya, açıq ensiklopediya
Keçid et: naviqasiya, axtar
Mark Zukerberq
Mark Zuckerberg
Mark Zuckerberg at the 37th G8 Summit in Deauville 018 v1.jpg
Doğum tarixi: 14 may 1984 (1984-05-14) (29 yaş)
Doğum yeri: Nyu-York, ABŞ
Atası: Edvard
Anası: Karen
Fəaliyyəti: İş yeri: Facebook
www.facebook.com

Mark Elliot Zukerberq (14 may 1984) — ictimai paylaşma saytı, sosial şəbəkə olan Facebook-un qurucusu Amerikalı sahibkar.

Zukerberq 2004-cü ildə Harvard Universitetindən olan yoldaşları Dastin Moskovits, Eduardo Sovarın və Kris Hyuces ilə birlikdə ictimai paylaşma saytı Facebooku quraraq dünyanın ən gənc milyarderi olmasıyla tanınır.

Həyatı[redaktə]

Mark Zukerberq 14 may 1984-cü ildə Nyu-York şəhərində doğulmuşdur. Atası Edvard diş həkimi, anası Karen psixiatr olmuşdur.Yəhudi olaraq böyüdülməsinə baxmayaraq ateist olduğunu demişdir.

Universitet illəri və Facebook[redaktə]

Liseydə oxuyarkən elm sahələrində bir çox mükafat alan Mark Zukerberq, ABŞ-ın ən nüfuzlu universitetlərindən biri olan Harvord-a daxil oldu. Universitetin ilk illərində ən yaraşıqlı və ən gözəl tələbələrinin seçildiyi www.facemash.com saytını düzəltdi. Saytda Harvard-ın bütün tələbələrinin şəkilləri vardı. Ancaq fotoşəkilləri tapmaq üçün, universitetin məlumat bölməsinə girmək lazım idi. Məlumat bölməsini hackladığı bilinən Mark, cəza verildiyi üçün təhsilini yarımçıq qoyaraq Harvard universitetini tərk etmişdir. Bundan sonra Harvard-ın tələbələrinin internet üzərində görüşdürmək üçün ikinci saytı olan www.facebook.com saytını düzəltdi. Facebook 18 ayda ABŞ-ın ən böyük ünsiyyət saytlarından biri oldu. Facebook sərmayəçilərin çox böyük marağına səbəb olur və bu gün sahib olduğu 13 milyard 500 milyon dollarlıq büdcəyə malik olur. Mark Zukerberqin Facebook saytı 2011-ci ilin The Brand Finance Global 500 siyahısına görə dünyanın ən dəyərli 281-ci markası olur.

Xarici keçidlər[redaktə]