Masonluq

Vikipediya, açıq ensiklopediya - ویکیپدیا ، آچیق انسایکلوپدیا

Jump to: naviqasiya, axtar

Bu məqalə hələlik qaralama halındadır. Məqaləni redaktə edərək Vikipediyanı zənginləşdirin.

بومقاله هله لیک قارالاما حالیندادیر، مقاله نی تکمیل اتمه ایله ویکیپدیا نی زنگینلشدیرین

Lütfən bu şablonu daha dəqiqləri ilə əvəz edin

Masonluğun rəmzləri - bucaqölçən və pərgar.
(Ortasında G hərfi olmadan da təsvir edilir)

Masonluq – dini-etik hərəkat olub XVIII əsrdə gizli beynəlxalq təşkilat şəklində meydana gəlmişdir. İngiliscədən tərcümədə “azad bənna” mənasını verir (freemason). Masonluq müxtəlif formalarda mövcud olub üzvlərinin vahid mənəvi və metafiziki idealları bölüşməsi ilə səciyyələnir. Bunlardan ən birincisi Ali Varlığa inamdır.

Masonluq yerli lojalar şəklində fəaliyyət göstərir. Yerli lojalar Baş Lojaya tabedir. Bir qayda olaraq hər ölkədə yalnız bir Baş Loja fəaliyyət göstərir. Lakin ABŞ-da hər ştatda bir Baş Loja mövcuddur. İlk Mason lojaları XVII əsrdə İngiltərədə meydana gəlir. Lakin bəzi tədqiqatçılar masonluğun daha qədim keçmişə malik olduğunu bildirir. Onların fikrincə masonluq öz əsasını Səlibçilikdən və XIII əsr gildiya bənnaları ittifaqından götürür. Bəziləri isə bunu tarixi Süleyman Məbədinin tikilməsi ilə əlaqələndirir.

[redaktə / تحریر] İdeologiya və simvolikası

Bəzi lojalarda icmaya ateist düşüncəli insanların qəbulu daha məqbul sayılsa da, ümumilikdə, masonluq da dünyanın dini təhlilinə əsaslanır və üzvlüyü dini mənsubiyyətə görə məhdudlaşdırmır. Masonluq fəlsəfəsi özündə xristianlıq və digər dinlərin zahiri elementlərini ehtiva edir. Masonluğun rəmzləri və terminologiyası öz mənşəyini hərəkatın ilk qardaşlarından olan bənnaların əmək alətlərindın alır. Mala, pərgar, şaqul masonlar tərəfindən sözün ən geniş mənasında təhlil edilir və bunlara mistik məna verilir. Masonluğun ümumqəbulolunmuş rəmzi daxilində açıq göz olan üçbucaqdır. Masonluğun digər rəmzlərindən biri də masonların müqəddəs hesab etdiyi akasiya ağacıdır.

Masonluğun əsas dini mənası Allah və insan ruhunun xüsusi enerji halları olmasını iddia etməsindədir. Masonlar bu təlimə əsaslanaraq günah və xəcalət anlayışlarını rədd edir, əvəzində karmaların pozulmasını bəşəriyyət və mason ordeni üçün pis və ya zərərli hesab edirlər. Belə ki, masonların fikrincə ruh şəxssiz substansiya olub başqa bir insan bədəninə ötürülə bilər.

Mason qaydalarını pozmuş mərhumun qəbir daşı üzərində yalnız “Nebe” (yoxluq) sözü yazılır.

[redaktə / تحریر] Masonluq və İslam

Əksər anti-Mason İslam alimlərinın Masonluq haqqında fikirləri Anti-Semitizm və anti-Sionizm ilə bağlıdır. Bəziləri isə masonluğu Dəccalla bağlayırlar. Bəzi müsəlmanlar bu təlimin yəhudilərə xidmət etdiyini bildirirlər. Onların fikrincə bu özünü əl-Əqsa məscidini dağıtdıqdan sonra Süleyman məbədini yenidən bərpa etmək cəhdlərində göstərir. Dünyanın əksər müsəlman dövlətləri öz hüdudları daxilində mason icmalarının fəaliyyətinə qadağa qoyub. Bununla belə, Türkiyə, Malayziya, Mərakeş, Livan, İraq və Misirdə Baş Lojalar fəaliyyət göstərir.

[redaktə / تحریر] Namizədlik tələbləri

Masonluğa namizəd kəs ona zamin duracaq həqiqi üzvdən ilkin təklif almaq şərtilə yaşayış yerində fəaliyyət göstərən Lojaya mürəciət etməlidir. Bəzi yurisdiksiyalarda üzvlüyə 3 dəfə müracət etməldir. Lakin bu tələb indi bir o qədər də geniş yayılmayıb. Namizədin Lojaya təklifi necə almasından asılı olmayaraq onun icmaya daxil olamsı qapalı səsvermə ilə müəyən edilir. Üzvlüyün lehinə olanlar ağ kürəcik, əleyhinə olanlar isə qara kürəcik qaldırır.

[redaktə / تحریر] Ümumi tələblər

Mason olmaq üçün namizəd aşağıdakl şərtləri ödəməlidir:

Cinsi kişi olmalı və mason olmaq qərarını könüllü qəbul etməlidir.
Vahid Tanrı-Yaradana inanmalıdır.
Yaşı minimal yaş həddindən çox olmalıdır (yurisdiksiyadan asılı olaraq 18-25)
Sağlam düşüncə və əxlaqa malik olmalıdır.
Azad doğulmalı (yəni qul olmamaıdır. Lakin indi bu tələb əksər lojalarda ləğv olunub).
1 və ya 2 masondan rekomendasiyası olmalıdır.