Maya Çiburdanidze

Vikipediya, açıq ensiklopediya
Keçid et: naviqasiya, axtar
Maya Çiburdanidze
gürc. მაია ჩიბურდანიძე
Maia Tschiburdanidse 1984 Saloniki.jpg
Maya Çiburdanidze, 1984
Ölkə: Flag of the Soviet Union.svg SSRİ
Flag of Georgia.svg Gürcüstan
Doğum tarixi: 17 yanvar 1961-ci il (53 yaş)
Doğum yeri: Kutaisi, Gürcüstan
Titulu: Qrossmeyster
Dünya çempionluğu: (1978-1991)

Maya Çiburdanidze (gürc. მაია ჩიბურდანიძე ;17 yanvar 1961-ci il )—Gürcüstanlı şahmat qrossmeysteri, qadınlar arasında 7-ci dünya çempionu (17 yaşında).

Həyatı[redaktə]

1961-ci il yanvarın 17-də Kutaisidə anadan olan Maya uşaq yaşlarından şahmatla maraqlanmışdır. 8 yaşında ikən qardaşından bu oyunun sirlərini öyrənmişdi. Maya Kutaisi pionerlər sarayındakı şahmat dərnəyinə gələrkən, onun şahmat bacarığı məşqçi Çiradzenin nəzərindən yayınmadı və onunla ciddi məşğul olmağa başladı.

1972-ci ildə Tbilisiyə köçəndən sonra, Mayanın şahmat yaradıcılığında dönüş mərhələsi başlandı. Bir ildən sonra şahmat aləmi yeni ulduzun parlamasından xəbər tutdu. Həmin il Tbilisidə SSRİ-Yuqoslaviya görüşü keçirilirdi. Ölkənin güclü şahmatçıları başqa yarışlarda çıxış etdiyindən Yoqoslaviya çempionuna qarşı oyuna Maya çıxdı. Beynəlxalq usta, çox təcrübəli V.Kalxbrenner 12 yaşlı Mayaya məğlub olur. Bu yarışda Maya keçirdiyi 4 görüşü qələbə ilə başa vurdu.

Dünya çempionluğu[redaktə]

Maya 1978-ci ildə tac uğrunda mübarizədə Nona Qaprindaşvili ilə qarşılaşır.

Matç ərəfəsində hamı dünya çempionunun qalib gələcəyini gözləyirdi. Lakin gənc Maya daha yaxşı oynayıb beçinci görüşdən sonra üstünlüyü ələ alır və matçda qalib gəlir. Beləliklə, 17 yaşlı Maya Çiburdanidze şahmat tacına yiyələnir.

O, 1981-ci ildə tac uğrunda mübarizədə çempion adını qoruyaraq, Nana Aleksandriyaya qalib gəlmişdir. Maya 1991-ci ilin fevralında dünya çempionluğu uğrunda yarışda çinli Xie Juna məğlub olub.[1]

İstinadlar[redaktə]

  1. Azər Zeynallı, Pərviz Əliyev, şahmat aləminə səyahət, səh.103 Bakı 1986.

Xarici keçidlər[redaktə]

VikiAnbarda Maya Çiburdanidze ilə əlaqəli mediafayllar var.