Mehriban Əliyeva
Vikipediya, açıq ensiklopediya - ویکیپدیا ، آچیق انسایکلوپدیا
| MEHRİBAN ƏLİYEVA | ||
 |
||
| Tam adı | Mehriban Arif qızı Əliyeva | |
| Doğum tarixi | 26 avqust, 1964 | |
| Doğum yeri | Bakı | |
|
||
Mehriban Arif qızı Əliyeva - Milli Məclisin deputatı, Azərbaycan prezidenti İlham Əliyevin həyat yoldaşı, UNESCO-nun xoşməramlı səfiri, bir sıra xeyriyyə və mədəni təşkilatların sədri.
Mündəricat |
[redaktə / تحریر] Həyatı
Mehriban Əliyeva 1964-cü il 26 avqustda Bakı şəhərində ziyalı ailəsində anadan olub. Atası Arif Paşayev fizika-riyaziyyat elmlər doktoru və Bakıdakı Milli Aviasiya Akademiyasının rektorudur. Anası Aida İmanquliyeva (1939-1993) görkəmli filoloq və ərəbşünas olub. 1982-ci ildə Bakı şəhəri 23 №-li orta məktəbi qızıl medalla bitirərək N.Nərimanov adına Azərbaycan Dövlət Tibb İnstitutunun müalicə-profilaktika fakültəsinə daxil olmuşdur. 1988-ci ildə M.Seçenov adına 1-ci Moskva Dövlət Tibb İnstitutunu fərqlənmə diplomu ilə bitirmişdir. Fəlsəfə elmləri namizədidir. 1 monoqrafiya, 4 kitab və bir çox elmi məqalələrin müəllifidir. Rus və ingilis dillərini bilir.
1983-cü İldə İlham Əliyevlə ailə həyatı qurub.
[redaktə / تحریر] Fəaliyyəti
- 1988–1995-ci illərdə Moskva şəhərində Dövlət Təhlükəsizliyi Elmi Tədqiqat İnstitutunun poliklinikasında həkim-oftalmoloq vəzifəsində çalışmışdır.
- 1995-ci ildə Azərbaycan Mədəniyyətinin Dostları xeyriyyə fondunu yaradıb ona başçılıq edib.
- 1996-cı ildə Azərbaycan, ingilis və rus dilində çap olunan Azərbaycan İrs mədəniyyət və tarix jurnalını təsis edib və onun redaktoru olub.
- 2002-ci ildə Mehriban Əliyeva Azərbaycan Gimnastika Federasiyasının prezidenti seçilib. Onun fəaliyyəti Beynəlxalq Gimnastika Federasiyasının 2005-ci ilin Dünya bədii gimnastika yarışının Azərbaycanda keçirmək qərarıyla nəticələnib.
- 2004-cü ildə o, Heydər Əliyev irsini tədqiq edən Heydər Əliyev Fondunu təsis edib. Həmin ildə, M.Əliyeva folklor və musiqi ənənələrini təbliğ etdiyinə görə UNESCO-nun xoşməramlı səfiri adına layiq görülməklə yanaşı, Azərbaycan Milli Olimpiya Komitəsinin İcraiyyə Komitəsinə, 2004-cü il dekabrın 28-də isə Azərbaycan Respublikası Milli Olimpiya Komitəsinin IV Baş Məclisində MOK-un İcraiyyə Komitəsinə üzv seçilmişdir. Həmin ildən Yeni Azərbaycan Partiyası Siyasi Şurasının üzvüdür.
- 2005-ci ildə keçirilən sorğunun nəticəsinə əsasən o, İlin qadını tituluna layiq görülüb. Həmçinin o, Yüzilliyin mesenatları Beynəlxalq xeyriyyə fondu tərəfindən ona təltif edilən Yaqut Xaç Ordeninin ilk qadın kavaleridir.
- 2005-ci il noyabrın 6-da 14 saylı Əzizbəyov ikinci seçki dairəsindən deputat seçilmişdir. Milli Məclisin Beynəlxalq münasibətlər və parlamentlərarası əlaqələr daimi komissiyasının üzvüdür. Azərbaycan-Amerika Birləşmiş Ştatları parlamentlərarası əlaqələr üzrə işçi qrupunun rəhbəri, Azərbaycan-Rusiya, Azərbaycan-Türkiyə parlamentlərarası əlaqələr üzrə işçi qruplarının üzvüdür.
- 2006-cı ildə Heydər Əliyev Fondunun prezidenti, Mehriban Əliyeva sivilizasiyaların yaxınlaşmasında xidmətlərinə görə İslam ölkələrinin elm, təhsil və mədəniyyət təşkilatı - ISESKO-nun Xoş Məramlı səfiri adına layiq görülüb.
- Dünya Səhiyyə Təşkilatı (DST) İcraiyyə Komitəsinin 2007-ci il yanvarın 29-da Cenevrədə keçirilən 120-ci sessiyasının yekdil qərarı ilə Mehriban Əliyeva ana, uşaq və ailə sağlamlığının qorunması və möhkəmlənməsi işində müstəsna xidmətlərinə görə bu beynəlxalq təşkilatın mükafatına layiq görülmüşdür.
- Genişmiqyaslı xeyriyyəçilik fəaliyyətinə, bəşəriyyətin ali ideallarına xidmət sahəsində yüksək nailiyyətlərinə görə görə 2007-ci ilin mayında Mehriban Əliyeva "Qızıl ürək" beynəlxalq mükafatına layiq görülmüşdür.
[redaktə / تحریر] Ailəsi
- Yazıçı Mir Cəlal Paşayevin nəvəsidir.
- Azərbaycan prezidenti İlham Əliyevin həyat yoldaşıdır.
- Azərbaycanın eks-prezidenti Heydər Əliyevin gəlinidir.
- Leyla və Arzu Əliyevaların və Heydər Əliyevin anasıdır.
- 2 nəvəsi var.
[redaktə / تحریر] Mənbə
[redaktə / تحریر] Filmoqrafiya
- Azərbaycan Naminə! (2004)-Arxiv kadrlar (Qısametrajlı Sənədli Televiziya Filmi)
- Azərbaycan Naminə (2005)-Arxiv kadrlar (şəkil) (Qısametrajlı Sənədli Televiziya Filmi)
- Əbədiyyət Elçisi (2005)-Arxiv kadrlar (Sənədli Serial)
- Azərbaycana Namus və Sevgiylə (2006)-Arxiv kadrlar (Qısametrajlı Sənədli Televiziya Filmi)
- Böyük Ömrün Davamı (2007)-Arxiv kadrlar (Tammetrajlı Bədii-Sənədli Televiziya Film-Tamaşası)
- Mənə İnanın! (2007)-Arxiv kadrlar (Tammetrajlı Sənədli Televiziya Filmi)
- Mətbuat Fədaisi (2007)-Arxiv kadrlar (şəkil) (Tammetrajlı Sənədli Televiziya Filmi)
- Təbiətin Xilaskarı (2007)-Arxiv kadrlar (Qısametrajlı Sənədli Televiziya Filmi)
- Uğur Formulu (2007)-Arxiv kadrlar (Qısametrajlı Sənədli Televiziya Filmi)
- Zirvəyə Doğru (2007)-Arxiv kadrlar (Tammetrajlı Sənədli Televiziya Filmi)
- Xilaskar-III Film (????)-Arxiv kadrlar (Tammetrajlı Sənədli Televiziya Filmi)
