Mehriban Zəki

MEHRİBAN ZƏKİ
Mehriban Mürvət qızı Zəki
Doğum tarixi:	19 dekabr 1966-cı il (1966-12-19)
Doğum yeri:	Bakı
Peşəsi:	Aktrisa

Mehriban Mürvət qızı Zəki(d. 19 dekabr, 1966). Aktrisa. Azərbaycan Respublikasının Əməkdar Artisti. Prezident mükafatçısıdır.

Həyatı

Mehriban Mürvət qızı Zəki 19 dekabr 1966-cı ildə Bakı şəhərində anadan olmuşdur. 1991-ci ildə Azərbaycan Dövlət İncəsənət Universitetinin "Dram və Kino Aktyorluğu" fakültəsini bitirmişdir. 1990-cı ildən 2005-ci ilədək "Yuğ" Dövlət Teatrında aktrisa işləyib və teatrın səhnəsində bir çox rolları oynayıb.

2000-ci ildən həm də "İbrus" Teatrının aktrisasıdır. 2005-2007-ci illərdə Milli Akademik Dram Teatrında işləmiş Mirmehdi Seyidzadənin əsərləri əsasında hazırlanmış "Füzuli və Əsmər" tamaşasında Əsməri oynamışdır.

1995-ci ildə Bişkəkdə keçirilən Ümümtürk Mədəniyyətinin bayramı olan "Manas-500" yubileyində, 1999-cu ildə Parisdə, Moskvada və Bakıda keçirilən "YUNESKO"-nun tədbiri olan Kitabi-Dədə-Qorqudun 1300 illik yubileyində iştirak etmişdir.

O,"Azərbaycanfilm" kinostudiyasının istehsalı olan bir çox bədii filmlərdə çəkilmişdir: Jurnalist qız ("Ümid"), Lətifə ("Otel Otağı"), Elmira ("Ailə"), Gülya ("Məkanın Melodiyası"), Teybə ("Küçələrə Su Səpmişəm"), Maya ("Əlvida, Cənub Şəhəri"), Nara ("Düyün"), Nərmin ("Yalançılar"). Gözəl səs tembrinə malik olan aktrisa həmçinin filmlərdə mətn oxuyan və vokalçı kimi çıxış etmişdir.

Mehriban Zəki 1998-ci ildə Azərbaycan Respublikasının Əməkdar Artisti fəxri adına layiq görülmüşdür. 9 may 2012-ci ildə Prezident Mükafatına layiq görülmüşdür.

Aldığı adlar və mükafatlar

• 1)1993-cü ildə Aşqabadda keçirilən "Novruz 93" Teatr Festivalı
• "Xatun"mono- tamaşasına görə ," Ən yaxşı teatr rolu"na görə Mükafat almışdır.
• 2)1996-cı ildə Alma-Atada keçirilən Cambul Cabayev Festivalı
• Aktrisa "Ən yaxşı dastançı" Mükafatını almışdır.
• 3)1998-ci ildə
• Azərbaycan Respublikasının Əməkdar Artisti fəxri adına layiq görülmüşdür.
• 4)2005-ci ildə "Şərq-Qərb" Kinofestivalında
• "Küçələrə Su Səpmişəm" filmində "Ən yaxşı qadın" nominasiyası üzrə Mükafat almışdır.

Teatr səhnəsindəki rolları

"Yuğ" Teatrı

• Yaşıl donlu ("Salam" Şəhriyar)
• Banı Çiçək ("Kitabi Dədə Qorqud")
• Tülkü ("Açar")
• ???? ("Sirlər xəzinəsi" Nizami)
• Pəri ("Səma" ("Dəhnamə" Xətai)
• Mim ("Sentimental Vals" Anton Çexov)
• Lavani ("Adam Uşağı" Vaqif İbrahimoğlu)
• Qırmızı Rəng ("Ən Gülməli Ölü" Vaqif Bayatlı)

"İbrus" Teatrı

• Lena ("Şirə bənzər" Rüstəm İbrahimbəyov)
• Qadın("Arabir Görüşməyə Kişi Axtarıram" Rüstəm İbrahimbəyov
• Banin ("İvan Buninin Son Döyüşü" Rüstəm İbrahimbəyov)

Milli Akademik Dram Teatrı

• Əsmər ("Füzuli və Əsmər" Mirmehdi Seyidzadə)

Filmoqrafiya

	Filmin adı	İl	Aktrisa	Mətn oxuyan	Vokal(Mahnı İfa edən)	Bəstələrindən İstifadə edilən Filmlər	Filmin növü
	Ümid	1995	Jurnalist qız	N	N	N	Tammetrajlı Bədii Film
	Oyun	1996		N	N	N	Qısametrajlı Bədii Film
	Ailə	1998	Elmira	N	N	N	Tammetrajlı Bədii Film
	Dədə Qorgud Dünyası	1999		N	N	N	Sənədli Film
	Otel Otağı	1998	Lətifə	N	N	N	Tammetrajlı Bədii Film
	Etimad Telefonu	2001	Lalə	N	Y	Y	Tammetrajlı Bədii Film
	Səhhət Veys 30 İl Sonra	2001	N	Y	N	N	Qısametrajlı Sənədli Film, AzTv
	Bir Anın Həqiqəti	2003	N	N	Y	N	Çoxseriyalı Bədii Film
	Küçələrə Su Səpmişəm	2004	Teybə	N	N	N	Tammetrajlı Bədii Film
	Məkanın Melodiyası	2004	Gülya	N	N	N	Tammetrajlı Bədii Film
	Əlvida, Cənub Şəhəri	2006	Maya	N	Y	Y	Tammetrajlı Bədii Film
	Düyün	2008		N	N	N	Qısametrajlı Bədii Film
	Hökmdarın Taleyi	2008	Cavad xanın arvadı	N	N	N	Tammetrajlı Bədii Film
	Yalançılar	2008	Nərmin	N	N	N	Qısametrajlı bədii film
	Sirr	2012		N	N	N	Teleserial

Həmçinin bax

	Azərbaycan kino sənəti portalı

Xarici keçidlər

Video

Aktrisanın iştirakı ilə filmlərdən fraqmentlər

• "Düyün" filmindən fraqmenti izlə sayt YouTube
• "Yalançılar" filmindən fraqmentləri izlə sayt YouTube
• "Əlvida, Cənub Şəhəri" filmindən fraqmenti izlə sayt YouTube