Mişel Kretu

Mişel Kretu
rum. Mihai Creţu
Ümumi məlumatlar
Doğum adı	Mixay Kretsu
Ləqəbləri	Michael Cretu, M. C. Curly
Doğum tarixi	18 may 1957
Doğum yeri	Buxarest, Rumıniya
Vətəndaşlığı	Rumıniya Sosialist Respublikası  Qərbi Almaniya  Almaniya Federativ Respublikası
Həyat yoldaşı	Sandra Kretu (1988–2007)
Uşağı	3
Musiqiçi məlumatları
Fəaliyyəti	müğənni, bəstəkar, musiqiçi
Fəaliyyət illəri	1980-ci ildən
Janr	elektronik musiqi
Musiqi alətləri	piano
Üzvlüyü	Eniqma

Mişel Kretu (fr. Michael Cretu) və ya Mixay Kretsu (rum. Mihai Creţu), Curly M.C. kimi də tanınır (18 may 1957, Buxarest, Rumıniya) — Rumıniya musiqiçisi, Enigma musiqi layihəsinin yaradıcısı və ideyavericisi.

Öz peşəkar karyerası boyu bir çox musiqiçilərlə birgə işləmişdir. "Enigma"nı yaratmamışdan əvvəl Sandra Kretu, Frenk Farian, Boney M, Mirey Matye, Peter Kornelius, Mayk Oldfild və s. müğənni və musiqi qrupları ilə çalışmışdır. Sonralar onun tərəfdaşları Frenk Peterson, Devid Feyrsteyn, Yens Qad, Angel Х, Andre Tanneberger, Jam & Spoon, Peter Ries, Rut-ənn Boyl və Endryu Donalds olmuşlar.

2001-ci ilə onun prodüseri və müəllifi olduğu musiqi albomlarının ümumi tirajı 100 milyon nüsxəni keçmişdir.

Həyatı

Mixay Kretsu Buxarestdə dünyaya gəlib. Onun atası mühəndis, anası iqtisadçı olublar. 1965-1968-ci illərdə doğma şəhərindəki 2N-li musiqi litseyinin fortepiano sinifində oxuyub. 1968-ci ildə Parisə köçüb. Elə həmin dövrdə rumın mənşəli ad və soyadını "fransızlaşdıraraq" Mişel Kretu edib. 1975-1978-ci illərdə AFR-in Frankfurt Musiqi Akademiyasında təhsil alıb və buranı əla qiymətlərlə bitirib.