Milli bomba (film, 2004)

MİLLİ BOMBA
Ssenari müəllifi:	Elçin, Vaqif Mustafayev
Rejissor:	Vaqif Mustafayev
Operator:	Lomer Axvlediani, Cimşer Kristesaşvili
Bəstəkar:	Giya Kançeli
Rollarda:	Avtandil Maxaradze-Montajçı Lətifə Əliyeva Arzu Hüseynov-Montajçının oğlu Yaşar Nuri-Prodüser Nuriyyə Əhmədova-Montajçının arvadı
Janr:	Faciəvi komediya
İlk baxış tarixi:	21 İyun, 2004, Moskva (Rusiya)(Moskva Beynəlxalk Kinofestivalı) 10 Fevral, 2007, Bakı, Azərbaycan Kinoteatrı
Dil:	Rus dili
Ölkə:	Azərbaycan Rusiya
İstehsalçı qurum:	"Azərbaycanfilm" Kinostudiyası Skip-Media (Rusiya)
Filmin növü:	Tammetrajlı Bədii Film
Rəng:	Rəngli (ağ-qara kadrlarla)
Vaxt:	104 dəq.
İl:	2004
Film çəkilən yerlər:	Bakı
Texniki məlumatlar:	11 hissə 35 mm
IMDb səhifəsi

Məzmun

Film kino sənətindən bəhs edir. Hadisələr 1991-ci ildə baş verir. Yaşlı montajçı(Avtandil Maxaradze) qocaldığı üçün kinostudiyadakı işindən azad olunur. Ancaq o, işini yarımçıq qoymaq istəmir, pul əldə etmək üçün evini satmağa məcbur olur. Lakin evi satın alan bildirir ki, o pulu yalnız rəhmətə gedəndən sonra ala biləcək...

Film haqqında

• Azərbaycan filmə 300 min dollar ayırmışdır.
• Valeri Kiçin (Rossiyskaya qazeta) "Qafqaz aksentli rus izi – "bomba" partladılana qədər müsabiqə sakit və sönük keçirdi" sərlövhəli məqaləsində Vaqif Mustafayevin peşəkarlıqla çəkdiyi ekran əsərini yüksək qiymətləndirib. Onun fikrincə, Vaqif Mustafayevin müştərək Azərbaycan-Rusiya məhsulu olan "Milli Bomba"sı artıq göstərilmiş filmlər arasında, şübhəsiz, ən yaxşı və sözsüz, mükafatlara layiq filmdir". V.Kiçin filmi təhlil edərək yazır ki, "ümumiyyətlə, bu film ideyalar kəhkəşanıdır, elə ideyalar ki, onların hər biri heç də az istedadı olmayan müəlliflərin ayrıca filmi üçün kifayət edərdi". Məqalədə deyilir: ""Milli Bomba" xalqların keçmiş "qardaşcasına dostluğuna" yasin oxumaqdır: burada sovet psixologiyasının "əlacsız izi" var və şanlı Bakı sakinləri ilə yanaşı, gürcülər, qazaxlar, taciklər, yəhudilər də görünür. Burada zurna-qaval çalır, buynuzdan şərab və stəkandan acqarına araq içirlər. Filmdə vaxtilə sahmanlanmış məişətin hənirtisi nəzərə çarpır. İndi onları yenidən heç cürə birləşdirə bilmirlər".
• Filmin yaradılması ideyası 1991-ci ildə insanların adət etdikləri ənənəvi həyat tərzinin axarının pozulduğu və insanları yeni həyatla ayaqlaşa bilmədikləri bir dövrdə meydana gəlib.

Festivallar və mükafatlar

1)2004-cü ildə Smolenskdə(Rusiya) MDB və Baltikyanı Ölkələrin Beynəlxalq "Yeni Kino – XXI Əsr" Kinofestivalı

• Film baş Mükafat–Qran Pri almışdır.
• Ən yaxşı kişi roluna görə aktyor Avtandil Maxaradzeyə Mükafat verilmişdir.
• Bəstəkar Giya Kançeliyə xüsusi Mükafat verilmişdir.

2)Novqorodda(Rusiya) "Gülümsə, Rusiya" Komediya Filmləri Festivalı

• Filmə baş Mükafat verilmişdir.

3)2007-ci ildə Varnada(Bolqarıstan) XV Beynəlxalq "Məhəbbət Dəlilikdir" kinofestivalı

• Filmə "Acı Piyalə" Mükafatı verilmişdir.

Namizəd

1)2004-cü ildə Moskva(Rusiya) Beynəlxalq Kinofestivalı

• Film "Qızıl Müqəddəs Georgi" Mükafatına namizəd olmuşdur.

Filmin heyəti

Film üzərində işləyənlər

Quruluşçu rejissor : Vaqif Mustafayev

Ssenari müəllifləri : Elçin, Vaqif Mustafayev

Quruluşçu operatorlar : Lomer Axvlediani, Cimşer Kristesaşvili

Quruluşçu rəssam : Ağarəhim Əliyev

Bəstəkar : Giya Kançeli

Prodüser : Valeri Ruzin

Rollarda

Avtandil Maxaradze-montajçı

Yaşar Nuri-prodüser Əbdülqəni

Nuriyyə Əhmədova-montajçının arvadı

Əjdər Həmidov-Məmməd

Arzu Hüseynov-montajçının oğlu

Mənsur Məmmədov-Əbdülqəninin atası

Səidə Quliyeva-Əbdülqəninin qızı

Murad Dadaşov-montajçı (gənc)

Lətifə Əliyeva

Şəfiqə Qasımova

Bəhram Bağırzadə

Oqtay Mirqasımov

Gülşad Baxşıyeva

Arif Qasımov

Kazım Abdullayev

Elnur Kərimov

Həmçinin bax

	Azərbaycan kino sənəti portalı

Xarici keçidlər

Video

İzlə

YouTube

• Filmi izlə (rus dilində) sayt YouTube
• Filmi izlə (rus dilində, azərbaycan dilində altyazılı) sayt YouTube