Milli bomba (film, 2004)

Milli bomba
Janr	Faciəvi komediya
Rejissor	Vaqif Mustafayev
Ssenari müəllifləri	Elçin, Vaqif Mustafayev
Baş rollarda	Avtandil Maxaradze-Montajçı Lətifə Əliyeva Arzu Hüseynov-Montajçının oğlu Yaşar Nuri-Prodüser Nuriyyə Əhmədova-Montajçının arvadı
Operatorlar	Lomer Axvlediani, Cimşer Kristesaşvili
Bəstəkar	Giya Kançeli
İstehsalçılar	"Azərbaycanfilm" Kinostudiyası Skip-Media (Rusiya)
İlk baxış tarixi	21 iyun 2004, Moskva (Rusiya)(Moskva Beynəlxalq Kinofestivalı) 10 fevral 2007, Bakı, Azərbaycan Kinoteatrı
Filmin növü	tammetrajlı bədii film
Müddət	104 dəqiqə
Büdcə	300 min $
Ölkələr	Azərbaycan Rusiya
Dil	Rus dili
İl	2004
Texniki məlumatlar	11 hissə 35 mm
Rəng	rəngli (ağ-qara kadrlarla)
Çəkiliş yeri	Bakı
IMDb	ID0418001

Milli bomba — Rejissor Vaqif Mustafayevin filmi.

Məzmun

Film kino sənətindən bəhs edir. Hadisələr 1991-ci ildə baş verir. Yaşlı montajçı(Avtandil Maxaradze) qocaldığı üçün kinostudiyadakı işindən azad olunur. Ancaq o, işini yarımçıq qoymaq istəmir, pul əldə etmək üçün evini satmağa məcbur olur. Lakin evi satın alan bildirir ki, o pulu yalnız rəhmətə gedəndən sonra ala biləcək...

Film haqqında

• Azərbaycan filmə 300 min dollar ayırmışdır.
• Valeri Kiçin (Rossiyskaya qazeta) "Qafqaz aksentli rus izi – "bomba" partladılana qədər müsabiqə sakit və sönük keçirdi" sərlövhəli məqaləsində Vaqif Mustafayevin peşəkarlıqla çəkdiyi ekran əsərini yüksək qiymətləndirib. Onun fikrincə, Vaqif Mustafayevin müştərək Azərbaycan-Rusiya məhsulu olan "Milli Bomba"sı artıq göstərilmiş filmlər arasında, şübhəsiz, ən yaxşı və sözsüz, mükafatlara layiq filmdir". V.Kiçin filmi təhlil edərək yazır ki, "ümumiyyətlə, bu film ideyalar kəhkəşanıdır, elə ideyalar ki, onların hər biri heç də az istedadı olmayan müəlliflərin ayrıca filmi üçün kifayət edərdi". Məqalədə deyilir: ""Milli Bomba" xalqların keçmiş "qardaşcasına dostluğuna" yasin oxumaqdır: burada sovet psixologiyasının "əlacsız izi" var və şanlı Bakı sakinləri ilə yanaşı, gürcülər, qazaxlar, taciklər, yəhudilər də görünür. Burada zurna-qaval çalır, buynuzdan şərab və stəkandan acqarına araq içirlər. Filmdə vaxtilə sahmanlanmış məişətin hənirtisi nəzərə çarpır. İndi onları yenidən heç cürə birləşdirə bilmirlər".
• Filmin yaradılması ideyası 1991-ci ildə insanların adət etdikləri ənənəvi həyat tərzinin axarının pozulduğu və insanları yeni həyatla ayaqlaşa bilmədikləri bir dövrdə meydana gəlib.
• Film Elçinin "Mənim ərim dəlidir" pyesinin motivləri əsasında çəkilib.
• Məşhur rus aktyoru Leonid Kuravlyovun filmdə rol aldığı səhnələr montaj zamanı kəsilmiş və filmin son versiyasına daxil olmamışdır.

Festivallar və mükafatlar

1)2004-cü ildə Smolenskdə(Rusiya) MDB və Baltikyanı Ölkələrin Beynəlxalq "Yeni Kino – XXI Əsr" Kinofestivalı

• Film baş Mükafat–Qran Pri almışdır.
• Ən yaxşı kişi roluna görə aktyor Avtandil Maxaradzeyə Mükafat verilmişdir.
• Bəstəkar Giya Kançeliyə xüsusi Mükafat verilmişdir.

2)Novqorodda(Rusiya) "Gülümsə, Rusiya" Komediya Filmləri Festivalı

• Filmə baş Mükafat verilmişdir.

3)2007-ci ildə Varnada(Bolqarıstan) XV Beynəlxalq "Məhəbbət Dəlilikdir" kinofestivalı

• Filmə "Acı Piyalə" Mükafatı verilmişdir.

Namizəd

1)2004-cü ildə Moskva(Rusiya) Beynəlxalq Kinofestivalı

• Film "Qızıl Müqəddəs Georgi" Mükafatına namizəd olmuşdur.

Filmin heyəti

Film üzərində işləyənlər

Quruluşçu rejissor : Vaqif Mustafayev

Ssenari müəllifləri : Elçin, Vaqif Mustafayev

Quruluşçu operatorlar : Lomer Axvlediani, Cimşer Kristesaşvili

Quruluşçu rəssam : Ağarəhim Əliyev

Bəstəkar : Giya Kançeli

Prodüser : Valeri Ruzin

Montaj edənlər : Lyubov Xvostova, Nisə Hacıyeva

Səs rejissoru: İqor Muqanov

Səs operatoru Vidadi Samanduyev

Rollarda

Avtandil Maxaradze - montajçı

Yaşar Nuri - prodüser Əbdülqəni

Nuriyyə Əhmədova - montajçının arvadı

Əjdər Həmidov - Məmməd

Arzu Hüseynov - montajçının oğlu

Mənsur Məmmədov - Əbdülqəninin atası

Gülşad Baxşıyeva - Əbdülqəninin arvadı

Səidə Quliyeva - Əbdülqəninin qızı

Murad Dadaşov - montajçı (gənc)

Aysu Əfəndiyeva - montajçının arvadı (gənc)

Şəfiqə Qasımova - katibə

Bəhram Bağırzadə - radio aparıcısı

Arif Qasımov - televiziya işçisi

Arif Kərimov - televiziya işçisi

Yana Nikitina - televiziya işçisi

Kazım Abdullayev - referat

Mir Teymur Məmmədov - qonşu

Rafiq Əliyev - həkim

Atəş Davudov - heykəltaraş

Tamara Hüseynova - montajçının anası

Mirzə Babayev - montajçının atalığı

Əli Məmmədov - montajçı uşaqlıqda

Dünyamin Hüseynov - kinostudiyanın direktoru

Valeh Kərimov - Məmmədin atası

Fatma Mahmudova - Məmmədin anası

Həsən Məmmədov - epizod

Adil Əliyev - epizod

Yuri Rıjkov - epizod

Həmçinin bax

Azərbaycan filmlərinin siyahısı