Mirpaşa Miriyev

Vikipediya, azad ensiklopediya
Naviqasiyaya keçin Axtarışa keçin
Mirpaşa Miriyev
azərb. Mirpaşa Mirismayıl oğlu Miriyev
Doğum tarixi
Doğum yeri Bakı
Vəfat tarixi (86 yaşında)
Milliyyəti azərbaycanlı
Fəaliyyəti jurnalist

Mirpaşa Miriyev (Tam adı: Mirpaşa Mirismayıl oğlu Miriyev; 24 iyun 1920, Bakı12 iyun 2007) — İdman jurnalistikasının banilərindən biri. Əməkdar jurnalist, Prezident təqaüdçüsü.[1]

Həyatı[redaktə | mənbəni redaktə et]

Mirpaşa Miriyev 1920-ci il iyunun 24-də Bakıda anadan olub[2]. 132 saylı orta məktəbi bitirdikdən sonra Azərbaycan Dövlət Universitetinin filologiya fakultəsinin qiyabi şö­bəsinə daxil olub. Orada təhsil aldığı müddətdə «Azərnəşr»də korrektor vəzifəsində çalışıb, «Gənc işçi» qəzeti ilə əməkdaşlıq edib, bu qəzetin səhifələrində ilk yazılarını nəşr etdirib. 2007-ci il iyunun 12-də, 87 yaşında vəfat edib. Müxtəlif diplomlarla, tərifnamələrlə təltif olunan M.Miriyev həmçinin respublikanın əməkdar jurnalisti və prezident təqaüdçüsü adlarını daşıyıb.[3]

Fəaliyyəti[redaktə | mənbəni redaktə et]

İkinci Dünya mü­haribəsi başlayanda Azərbaycanda redaksiyaların çoxu bağlandı. ”Gənc işçi” qəzeti də fəaliyyətini dayandırmalı oldu. Redaksiyanın üç işçisi - redaktor İsrafil Nəzərov, redaktor müavini Bö­yü­kağa Həsənov və Mirpaşa Miriyev radio verilişləri komitəsinə, cəbhəyə yollanan işçiləri əvəz etməyə göndərildilər. 1947-ci ildə Mirpaşa müəllim ”Azərbaycan gəncləri” qəzetinin redaktoru, onunla hələ “Gənc işçi” qəzetindən həmkar olan Bö­yü­kağa Həsənovun dəvəti ilə həmin qəzetə redaktor müavini vəzifəsinə keç­di. 1950-ci ildə «Azərbaycan bətən tərbiyəçisi» və «Fizkulturnik Azerbaycana» qəzetlərinə redaktor təyin edilib və 37 il fasiləsiz olaraq bu qəzetlərə rəhbərlik edib. Sonradan bu qəzetlərin adları dəyişdirilərək «İdman» və «Sport» olub. 1987-ci ilədək burada çalışan M.Miriyev həmin il təqaüdə çıxıb və «Neftçi» İdman Sağlamlıq Cəmiyyətində sədr müavini kimi ictimai fəaliyyət göstərib. [4]

Kitabları[redaktə | mənbəni redaktə et]

  • Dəmir qala” (Bakı, 1942-ci il),
  • Bir zavodun idmançıları” (Bakı, 1953-cü il),
  • Kənd idmançıları” (Bakı, 1954-cü il),
  • Çempionlar” (Bakı, 1954-cü il),
  • Birləşən yollar” (Bakı, 1965-ci il).

Xatirəsi[redaktə | mənbəni redaktə et]

Mətbuat Şurasının sədri Əflatun Amaşov onun haqqında fikrini belə bildirib:

" Uzun və mənalı ömür yolu keçmiş M.Miriyevin Azərbaycanda idman jurnalistikasının inkişafında müstəsna xidmətləri olub. Müharibə illərində Dövlət Radio Verilişləri Komitəsində siyasi verilişlər şöbəsinə rəhbərlik etmiş Mirpaşa müəllim 1947-ci ildə «Azərbaycan gəncləri» qəzetində redaktor müavini işləyib. 1950-ci ildən 1987-ci ilədək «İdman» qəzetinin baş redaktoru vəzifəsində çalışıb. Məhz onun rəhbərliyi altında nəşr 120 min tirajla çıxıb: «Bu qəzet bütün dövrlər üçün nümunəvi idman nəşri sayıla bilər. Tərtibatından tutmuş peşəkarlıq xüsusiyyətlərinədək nəşrdə Mirpaşa Miriyev yaradıcılığının, dəst-xəttinin ruhu duyulub. Həmin ruh indi də yaşadılmaqdadır. Nəşr birbaşa onun adı ilə bağlı idi. O, jurnalistikamızda örnək ola biləcək bir nümunə yaratmışdı». "

Mərhumun qızı Ulduz Miriyeva atasının ölümündən sonra onun haqqında "Bizim təmkinli əzizimiz” adlı kitab çap etdirib.[5]

İstinadlar[redaktə | mənbəni redaktə et]

  1. "Azərbaycan Respublikası Prezidentinin fərdi təqaüdlərinin verilməsi haqqında AZƏRBAYCAN RESPUBLİKASI PREZİDENTİNİN SƏRƏNCAMI". 2018-06-05 tarixində arxivləşdirilib. İstifadə tarixi: 2019-11-14.
  2. "Mətbuat Şurasında tanınmış idman jurnalisti Mirpaşa Miriyevə həsr olunmuş kitabın təqdimatı keçirilib". 2018-12-18 tarixində arxivləşdirilib. İstifadə tarixi: 2013-09-22.
  3. "Miriyev Mirpaşa Mirismayıl oğlu - (VƏFAT EDİB)". 2021-08-01 tarixində arxivləşdirilib. İstifadə tarixi: 2019-11-14.
  4. Veteran idman jurnalistləri
  5. ""Mirpaşa Nuriyev peşəkar idman jurnalisti, gözəl insan, yaxşı ata idi"". 2019-11-16 tarixində arxivləşdirilib. İstifadə tarixi: 2019-11-14.