Mirzəağa Əliyev

Vikipediya, açıq ensiklopediya
Keçid et: naviqasiya, axtar
Mirzəağa Əliyev
Mirzəağa Əli oğlu Əliyev
Mirzəağa Əliyev.jpg
Doğum tarixi: 1883(1883-Şablondakı doğum və ya ölüm tarixində texniki yanlışlıq var!-00)
Doğum yeri: Hövsan, Bakı quberniyası, Rusiya imperiyası
Vəfatı: 25 oktyabr 1954(1954-10-25)
Vəfat yeri: Bakı, Azərbaycan SSR
Peşəsi: Aktyor
Mükafatları: SSRİ dövlət mükafatıStalin mükafatıStalin mükafatıSSRİ Xalq Artisti— 1949 "Qırmızı Əmək Bayrağı" ordeni (SSRİ)
IMDb: ID 1135117

Mirzəağa Əli oğlu Əliyev (1883, Hövsan, Bakı quberniyası, Rusiya imperiyası25 oktyabr 1954, Bakı, Azərbaycan SSR) — Azərbaycan-sovet teatr və kino aktyoru, SSRİ Xalq artisti (1949).

Həyatı[redaktə]

Kəndli ailəsində doğulmuşdur. İlk təhsilini mollaxanada almış, Bakıda rus-müsəlman məktəbini bitirmişdir.

1901-ci ildə Nəcəf bəy Vəzirovun "Müsibəti Fəxrəddin" pyesinin tamaşaya qoyulması zamanı Şahmar bəy rolunda ilk dəfə səhnəyə çıxmışdır. Azərbaycan teatr xadimlərindən Nəcəf bəy Vəzirov və Cahangir Zeynalov onun aktyor kimi yetişməsinə təsir göstərmişdir. Mirzəağa Əliyev 1906-1907-ci illərdə "Həmiyyət" teatr truppasının rəhbəri və aktyoru olmuşdur. Bu truppa, əsasən, fəhlə rayonlarında tamaşalar verirdi. 1907-1912-ci illərdə "Nicat" cəmiyyətinin teatr truppasında çıxış etmişdir. 1912-ci ildə mütərəqqi ictimai fəaliyyətinə görə Həştərxana sürgün edilmişdir. 1912-1916-cı illərdə Volqaboyu şəhərlərində, Tbilisidə, İrəvanda, İranTürkiyənin bir sıra şəhərlərində tamaşalar vermişdi. 1916-cı ildə Bakıda tamaşaya qoyulmuş Cəlil Məmmədquluzadənin "Ölülər" komediyasındakı İsgəndər rolu onun yaratdığı klassik obrazlar silsiləsinə daxildir.

Azərbaycan sovetləşəndən sonra M. Əliyev Bakı Azad Tənqid Təbliğ Teatrının təşkilatçısı olmuş, burada aktual mövzulu kupletlərdə çıxış etmişdir. 1924-cü ildən ömrünün sonuna qədər Azərbaycan Dövlət Dram Teatrında çalışmış, Azərbaycan səhnə realizmi ənənələrini davam etdirmişdir. Mirzəağa Əliyev fitri komediya istedadına, milli koloritə, ifadəli yumor boyaları və zəngin səhnə nüanslarına malik aktyor idi.

M. Əliyev kino aktyoru kimi də məşhur olmuş, "Bismillah", "Hacı Qara", "Məhəbbət Oyunu", "Almaz", "Bakının İşıqları" və s. filmlərdə çəkilmişdir.

Xatirəsi[redaktə]

  • Anadan olduğu Hövsan qəsəbəsində Mirzəağa Əliyev adına Mədəniyyət evi fəaliyyət göstərir.
  • Bakının Yasamal rayonunda küçələrdən biri Mirzəağa Əliyevin adını daşıyır.
Mirzəağa Əliyevin Hövsandakı büstü

Adlar və mükafatlar[redaktə]

  • SSRİ Dövlət Mükafatı Laureatı (1943, 1948)
  • SSRİ Xalq Artisti (1949)
  • "Qırmızı Əmək Bayrağı" Ordeni

Filmoqrafiya[redaktə]

  1. Arşın mal alan (film, 1917) - Süleyman bəy
  2. Bismillah (film, 1925) - Molla Mirzə Əbdürrəhim
  3. Müxtəlif sahillərdə (film, 1926) - Amerikan fəhləsi
  4. Hacı Qara (film, 1929) - Hacı Qara
  5. Məhəbbət oyunu (film, 1935) - VVAQ müdiri
  6. Almaz (film, 1936) - məktəb direktoru Səməndər
  7. Mavi dənizin sahilində (film, 1936) -
  8. Arşın mal alan (film, 1945) -
  9. Bakının işıqları (film, 1950) -

Haqqında çəkilən filmlər[redaktə]

  1. Abbas Mirzə Şərifzadə (film) - qısametrajlı sənədli film

Mənbə[redaktə]

Xarici keçidlər[redaktə]

İzlə