Mirzəyi (rəqs)

Vikipediya, açıq ensiklopediya
Keçid et: naviqasiya, axtar
"Mirzəyi"
Mirzəyi (Rəqs)
Növü Xalq rəqsi
Tempi Asta
Mənşəyi Azərbaycan
Müəllifi Ney ustası Mirzə
Yaranma tarixi 1860-1870

MirzəyiAzərbaycanın qədim rəqslərindən biri. Musiqisi Vağzalı rəsqinə çox oxşayır, fərqli cəhəti daha aram olmağıdır. Təkcə Azərbaycanda məşhur deyil, Cənubi Qafqaz musiqiçilərinin repertuarına daxildir.

Tarixçə[redaktə]

Adından məlum olduğu kimi qarabağlı Ney ustası Mirzə tərəfindən təqribən 1860-1870-ci illərdə yaradılıb. Bir əsrdən də artıq vaxt keçməsinə baxmayaraq bu rəqs hələ də öz təravətini itirməmişdir. Xalq arasında tanınan məşhur rəqqasların repertuarlarında bu rəqs daim öz layiqli yerini almışdır. Müəllifi rəqsin melodiyasını Ney alətində yaratsa da tarkamança ifasında da gözəl səslənir.

Texnikası[redaktə]

Ancaq təntənəli şənliklərdə, toylarda ifa edilir. Çox vaxt əldə dəsmal olmaqla, həm də kişilər, həm qadınlar tərəfindən oynanılır. [1] Üzeyir Hacıbəyovun "O olmasın, bu olsun" operettasında (1911) dördüncü məclisdə toy səhnəsində Meşədi İbad bu rəqsi şabaş (pul) yığa-yığa ifa edir.

Əlibaba Abdullayevin quruluşunda isə onu bir neçə, əllərində çayla doldurulmuş stəkanlı qızlar ifa edib.

İstinadlar[redaktə]

  1. Qəmər Almaszadə. Azərbaycan xalq rəqsləri (metodik vəsait). Bakı: "Birləşmiş nəşriyyat", 1959.

Xarici keçidlər[redaktə]

Həmçinin bax[redaktə]