Mixail Bulqakov

Vikipediya, açıq ensiklopediya
Keçid et: naviqasiya, axtar
MİXAİL BULQAKOV
Bułhakow.jpg
Doğum tarixi 15 may 1891(1891-05-15)
Doğum yeri Flag of Russia.svg Rusiya İmperiyası, Kiyev
Vəfatı 10 mart 1940 (48 yaşında)
Vəfat yeri Flag of the Soviet Union.svg SSRİ, Moskva
Vətəndaşlıq Flag of Russia.svg Rusiya İmperiyası
Flag of the Soviet Union.svg SSRİ
Əsərlərinin dili rus
İstiqamət nəsr
Janr muasir roman
http://www.bulgakov.ru/

Mixail Afanasyeviç Bulqkov (rus. Михаи́л Афана́сьевич Булга́ков 15 may (3 may) 1891, Rusiya İmperiyası, Kiyev — 10 mart 1940, SSRİ, Moskva) — rus yazıçı, dramaturq, teatr rejissoru və aktyor.

Həyatı[redaktə]

Mixail Bulqakov 1891-ci ilin 15 may tarixində Kiyev şəhərində Kiyev Ruhani Akademiyasının dosenti Afanasiy İvanoviç Bulqakov (1859-1907) və onun həyat yoldaşı Varvara Mixaylovna Bulqakovanın (Pokrovskayanın) (1869-1922) ailəsində dünyaya göz açmışdır. Ailədə yeddi uşaq var idi: Mixail (1891-1940), Vera (1892-1972), Nadejda (1893-1971), Varvara (1895-1954), Nikolay (1898-1966), İvan (1900-1969) və Yelena (1902-1954).

1909-cu ildə Mixail Bulqakov Kiyev Birinci Gimnaziyasını bitirib Kiyev Universitetinin tibb fakültəsinə daxil olur. 1916-cı ilin 31 oktyabrında həmin fakültəni əla qiymətlərlə bitirib həkimlik diplomunu əldə edir.

Bulqakov 1910-cu ildə Kiyev Universitetində təhsil alarkən.

Təyinata əsasən Smolensk quberniyasının Nikolskoye kəndinə işləməyə gedir. Daha sonra o, Vyazmada həkim kimi çalışır. 1913-cü ildə Tatyana Nikolayevna Lappa (1892-1982) ilə ailə qurur.

Birinci Dünya müharibəsi dövründə Bulqakov əvvəllər həkim kimi müharibə zonasında, sonralar isə ehtiyatda fəaliyyət göstərir. 1917-ci ildən mütəmadi olaraq morfi işlətməyə başlayır. Bunu kiçik qıza göstərdiyi tibbi yardım nəticəsində yoluxduğu xəstəliyin ağrılarından can qurtarmaq üçün edir. 1917-ci ilin dekabrında ilk dəfə Moskvaya gəlir və tanınmış Moskva həkimi, dayısı N.M.Pokrovskinin mənzilində qalır. Sonralar "İt ürəyi" povestindəki professor Preobrajenski məhz Pokrovskinin timsalında yaradılır. 1918-ci ilin yazında Bulqakov Kiyevə qayıdır və orada özəl praktika açaraq veneroloq kimi fəaliyyət göstərir.

Yaradıcılığı[redaktə]

Öz etirafına əsasən ilk hekayəsini 1919-cu ildə yazıb.

19221923-cü illərdə — "Zapiski na manjetax" nəşr olunur.

1924-cü ildə "Ağ qvardiya" romanı nəşr olunur. Romanda 1918-ci ildə Ukraynada müxtəlif siyasi qüvvələrin hakimiyyət uğrunda apardığları mübarizənin faciəli hadisələri vəsf olunur.

1925-ci ildə "Dyavoliada" (İblisnamə?) adlı satirik hekayələr toplusu işıq üzü görür. Həmin ildə "Rokoviye yaytsa" (Fəlakətli yumurtalar?) adlı povest, (Polad boğaz?) ("Zapiski yunogo vraça" (Gənc həkimin qeydləri?) silsiləsindən birinci hekayə olan) "Stalnoye qorlo" hekayəsi də nəşr olunur. Yazıçı "İt ürəyi" povesti, "Ağ qvardiya" və "Zoykanın mənzili" pyesləri üzərində çalışır.

1926-cı ildə Moskva Bədii Akademik Teatrında "Turbinlər ailəsinin günləri" pyesi səhnəyə qoyulur,

Bulqakovun qəhrəmanlarından ibarət poçt markası, rəssam Y.Arsimenev (1991)
"Cənab de Molyerin həyatı" kitabının titul vərəqi

1927-ci ildə Mixail Bulqakov "Qaçış" faciəsi üzərində işi başa çatdırır.

1926-cı ildən 1929-cu ilədək Yevgeni Vaxtanqovun Teatr-studiyasında Bulqakovun "Zoykanın mənzili", 1928-1929-cu ildə Moskva Kamera teatrında "Tünd qırmızı ada" (1928) səhnəyə qoyulur.

1932-ci ildə Moskva Bədii Akademik Teatrında "Turbinlər ailəsinin günləri" pyesi yenidən səhnəyə qaytarılır.

1934-cü ildə "Ustad və Marqarita" romanının 37 hissədən ibarət ilk tam versiyası hazırlanıb başa çatdırılır.

Filmoqrafiya[redaktə]

  1. Qaçış (film, 1970)
  2. İvan Vasilyeviç peşəsini dəyişir (film, 1973)
  3. İt ürəyi (film, 1976)
  4. Ustad və Marqarita (film, 1994)
  5. Ustad və Marqarita (teleserial, 2005)

Xarici keçidlər[redaktə]

  • Bulqakov Mixail Afanasyeviç. Master və Marqarita /Rus dilindən tərc. S. Budaqlı.- B: Şərq-Qərb, 2006. -376 s