Monika Belluççi

Vikipediya, açıq ensiklopediya
Keçid et: naviqasiya, axtar
Monika Belluççi
it. Monica Anna Maria Bellucci
BELLUCCI Monica-24x30-2008 (2).jpg
Monica Belluççinin 2008-ci ildə çəkilmiş foto portreti
Doğum tarixi: 30 sentyabr 1964 (1964-09-30) (50 yaş)
Doğum yeri: Çita-di-Kastello, Flag of Italy.svg İtaliya
Həyat yoldaşı: Vincent Cassel (1999-2013)
Uşağı: 2
IMDb: ID 0000899

Monika Anna Mariya Belluççi (it. Monica Anna Maria Bellucci) — İtaliya aktrisası.

Həyatı[redaktə]

Monika Belluççi 1964-cü il sentyabrın 30-da Umbriya əyalətinin kiçik Çita-di-Kastello şəhərində anadan olub.

1986-cı ildə Peruci universitetinə qəbul olunan Monika təhsil haqqını ödəmək üçün pitseriyaya ofisiant kimi işə düzəlib. Sonra isə gözəl görünüşü onun karına gəlib – o, dostlarının məsləhəti ilə model agentliyində işləməyə başlayıb.

Monika 1987-ci ildə model kimi karyerasının ən yüksək zirvəsinə çatıb. O, Milandakı ən nüfuzlu model agentliyi olan "Elit"ə dəvət edilib. Təsadüf nəticəsində həmin dövrdə Moda Evinin menecerləri firmanın simvolu olacaq model axtarırlarmış. Monikanın bəxti burada da gətirib. Məhz onu "Dolce and Gabbana"nın rəsmi siması seçiblər. Məşhur modelyerlərlə iş tezliklə öz bəhrəsini verib – Monika Beluççi tez-tez moda jurnallarının üz qabığında peyda olmağa başlayıb.

Paralel olaraq onun kino həyatı başlayıb. Məşhur rejissor Frensis Ford Koppolanın qardaşı 1992-ci ildə onu moda jurnallarından birində görüb və Monika "Brem Stokerin Drakulası" filmində kiçik rol alıb. Bu filmdən sonra onu Amerikada da tanıyıblar.

Monika Beluççi İtaliya filmlərindən başqa, fransız filmlərində də rollar alıb. Bunların arasında "Mənzil", "Doberman" və "Qurd qardaşlığı" filmlərini göstərmək olar.

"Mənzil" filmi ona aktrisa kimi ilk uğuru gətirib. Monika bu filmdəki roluna görə Avropanın nüfuzlu "Sezar" mükafatına nominant kimi irəli sürülüb. Həmin filmdə Monika sonradan ailə həyata qurduğu məşhur aktyor Vensan Kassellə tərəf-müqabili olub. 1997-ci ildə çəkilən "Doberman" filmində Beluççi lal-kar qadın rolunu oynayıb. Bu film onun həyatında ilk ciddi sınağa çevrilib. Vensan Kassellə nikah isə onun əsl böyük kinoya yolunu açıb.

Monika Belluçi Women's World Award 2009-da

2001-ci ildə Monikanın iştirakı ilə ekrana 2 film – "Qurd qardaşlığı" və "Malena" çıxıb. O, "Malena"da növbəti dəfə bütün kişilərin arzuladığı qadın obrazını canlandırıb. Film 14 dəfə müxtəlif mükafatlar, o cümlədən "Qızıl qlobus" almağa namizəd kimi irəli sürülüb.

2002-ci il Kann kinofestivalının sensasiyası isə Qaspar Noenin "Geridönməzlik" filmi olub. Filmdə Monikanın iştirakı ilə 9 dəqiqəlik zorakılıq səhnəsi tamaşaçıların neqativ reaksiyasına səbəb olub. Onların bir hissəsi ilk premyera günü zalı tərk edib.

Monika Belluççi artıq 50-dən çox filmə çəkilib. Onun bu filmlərdə tərəf müqabilləri Entoni Hopkins, Cin Hekman, Şon Konneri, Bryus Uills kimi şəxslər olub. O, "Matritsa" filminin ikinci və üçüncü hissələrində isə Kianu Rivzlə bir yerdə çəkilib.

Monika Beluççi "Pirelli" təqvimi üçün 2 dəfə çəkilən azsaylı modellərdən biridir. O, 2001-ci ildən "Cartier" zərgərlik evinin simasıdır.

1999-cu ildə Monika Belluççi və Vensan Kassel evləniblər. Onların tanışlığı isə 1996-cı ilə təsadüf edir. O zaman Beluççi və Kassel "Mənzilcik" (L appartement) filmində çəkiliblər. Evlilikdən 3 il sonra isə onlar "Geridönməzlik" (Irreversible) filmində tərəf müqabili olublar. 2004-cü ildə cütlüyün Deva, 2010-cu ildə isə Leoni adlı qızları doğulub[1]. Cütlük 2013-cü ilin avqustunda boşanıb[2].

Filmoqrafiya[redaktə]

İl Film Rol Qeydlər
1990 Vita coi figli (Oğullarla həyat) Elda
Briganti – Amore e libertà (Quldurlar – Məhəbbət və Azadlıq) Costanza
1991 la riffa Francesca
1992 Dracula Draculanın gəlinlərindən biri
ostinato destino Marina/ Angela
1994 I Mitici Deborah
1995 Pala di Neve Melina
Il cielo é sempre piú blu
Joseph Pharaoh'un arvadı
1996 L'Appartement Lisa Namizəd göstərildi – İkinci planda ən yaxşı aktrisa, César mükafatı
Sorellina e il principe del sogno Princess
1997 Stressati
Dobermann Qaraçı Nat
Mauvais genre Camille
Come mi vuoi Nellina
1998 Le plaisir Qız
Compromis Monique
Ultimo capodanno dell'umanità Giulia Giovannini
A los que aman Valeria
1999 Comme un poisson hors de l'eau Myrtille
Mediterranées Marguerite
2000 Under Suspicion Chantal Hearst
Franck Spadone Laura
Malena Malèna Scordia
2001 Brotherhood of the Wolf Sylvia
2002 Astérix & Obélix: Mission Cléopâtre Cleopatra
Irréversible Alex
2003 Remember Me, My Love Alessia Nastro d'Argento mükafatı ikinci planda ən yaxşı aktrisa kimi
Tears of the Sun Lena Fiore Kendricks
The Matrix Reloaded Persephone
The Matrix Revolutions Persephone
2004 The Passion of the Christ Mary Magdalene
Secret Agents Barbara / Lisa
She Hate Me Simona Bonasera
2005 The Brothers Grimm Güzgüdəki şahzadə
How Much Do You Love Me ? Daniela
2006 Sheitan La belle vampiresse
N (Io e Napoleone) Baronessa Emilia Speziali
The Stone Council Laura Siprien
2007 Manuale d'amore 2
(Capitoli successivi)
Lucia
Shoot 'Em Up Donna Quintano
Le deuxième souffle Manouche
2008 Sanguepazzo Luisa Ferida
L'uomo che ama Alba
2009 Don't Look Back Jeanne
The Private Lives of Pippa Lee Gigi Lee
Baariya bənnanın sevgilisi
Omaggio a Roma Tosca
2010 The Whistleblower Laura Levin
The Sorcerer's Apprentice Veronica
Rose, c'est Paris L'esprit de gala
2011 Manuale d'amore 3 Viola
Guardian of the Harem Turhan Sultan

İstinadlar[redaktə]

  1. Monika Beluççi hamilədir
  2. Моника Беллуччи и Венсан Кассель расстались

Xarici keçidlər[redaktə]

VikiAnbarda Monika Belluççi ilə əlaqəli mediafayllar var.

Mənbə[redaktə]

Şəkilləri[redaktə]