Mustafa Çəmənli

MUSTAFA ÇƏMƏNLİ
Mustafa Şura oğlu Mustafayev
Doğum tarixi:	10 sentyabr 1947-ci il (1947-09-10)
Doğum yeri:	Çəmənli, Ağdam
Fəaliyyəti:	Ssenari müəllifi

Ssenari müəllifi

Mustafayev Mustafa Şura oğlu (Mustafa Çəmənli) - nasir, publisist, 1988-ci ildən Azərbaycan Yazıçılar Birliyinin üzvü, Jurnalistlər Birliyinin üzvü (1979).

Həyatı

Mustafa Çəmənli 1947-ci il sentyabrın 10-da Ağdam rayonunun Çəmənli kəndində anadan olmuşdur. İlk təhsilini doğma kənd məktəbində almışdır. Əmək fəaliyyətinə Mingəçevir maşın hissələri təmiri zavodunda qəlibçi kimi başlamışdır (1966-1970). Bakıda "Kommunist" nəşriyyatında çapçı köməkçisi, "Paris Kommunası adına gəmi təmiri zavodu"nda qəlibçi olmuşdur (1970-1972). ADU-nun jurnalistika fakültəsində təhsil almışdır (1972-1977). Təyinatla göndərildiyi "Yazıçı" nəşriyyatında redaktor, böyük redaktor, klassik ədəbiyyat və folklor redaksiyasının müdiri (1977-1988), nəşriyyatın nəsr redaksiyasının müdiri vəzifələrində işləmişdir (1988-1992). Hazırda "Gənclik" nəşriyyatında baş redaktor vəzifəsində çalışır (1992-ci ildən). Bədii yaradıcılığa tələbəlik illərindən başlamışdır. İlk hekayəsi "Ləpirlər" 1973-cü ildə "Mingəçevir işıqları" qəzetində çap olunmuşdur. Povest hekayə və radiopyeslər qələmə almışdır. "Layla" (1985) pyessenarisi klublara, xalq teatrlarına göndərilmişdir. "Söz həmişə diridir" (1993) kitabının tərtibçisidir. Milli musiqi ifaçılığı sənətinin təbliğinə görə mətbuat fondunun "Dan ulduzu" (1993) mükafatına, ön cəbhədə çıxışlarına və hərbi vətənpərvərlik ruhlu məqalələrinə görə Yazıçılar Birliyinin diplomuna (1993), "Xallı Gürzə" tarixi romanına görə "Yaddaş" milli mükafatına, Milli Mədəniyyəti Təbliği Mərkəzinin "Uğur-2008" mukafatına layiq görülmüşdür.

Əsərləri

• 1. Mənim dünyamın adamları (hekayələr). Bakı: Yazıçı, 1982, 115 səh.
• 2. İtirilmiş səs (povest və hekayələr). Bakı: Yazıçı, 1985, 152 səh.
• 3. Şövkət Ələkbərova. Bakı: İşıq, 1989, 108 səh.
• 4. Xallı gürzə (tarixi roman). Bakı: Yazıçı, 1991, 2001, 2003, 358 səh.
• 5. Səs qərib olmur. Bakı: Şərq-Qərb nəşriyyatı, 1993, 216 səh.
• 6. Fred Asif (sənədli roman). Bakı: Gənclik, 1996, 2010, 216 səh.
• 7. Nəğməli xatirələr (xatirə povest). Bakı: Gənclik, 1997, 2007, 184 səh.
• 8. Muğam dünyasının Xanı (xatirələr). Bakı: Gənclik, 2001, 272 səh.
• 9. Burdan bir atlı keçdi (bədii publistika). Bakı, Gənclik, 2002 214 səh.
• 10.Səsin ruhu (Səxavət Məmmədov haqqında). Bakı, Gənclik, 2003, 288 səh.
• 11.Oxu, gözəl (Şövkət Ələkbərova haqqında). Bakı, Gənclik, 2005 226 səh.
• 12.Mən olmayanda dostum ol (bədii publistika). Bakı, Gənclik, 2005, 360 səh.
• 13.Sənətkar ömrünün izləri (bədii publistika). Bakı, Adıloğlu, 2006, 128 səh.
• 14.Ruhların üsyanı (povestlər, hekayələr, esselər, müsahibələr). Bakı, Adıloğlu, 2007, 320 səh.
• 15. "Leyli və Məcnun" -100 il səhnədə (Sənədli bədii ensiklopediya). Bakı, El nəşriyyatı, 2008, 432 səh.
• 16. Çahargah (Uşaqlar üçün hekayə). Bakı, Beşik, 2009, 34 səh.
• 17. Şəmsəddin Eldəniz (Uşaqlar üçün hekayə). Bakı, Beşik, 2009, 34 səh.
• 18. Məcnunun Məcnunu (bədii publistika). Bakı, Təhsil, 2010, 256 səh.
• 19. Mübariz (povest). Bakı, Təhsil, 2010, 96 səh.
• 20. Ölüm mələyi (tarixi roman. "Azərbaycan" jurnalı, 2012 №4,5,6

    Heydər Əliyev Fondunun Azərbaycan Respublikasının Xalq artistləri: 
    1. "Arif Babayev -70" 
    2. "Habil Əliyev -80"
    3. "Əlibaba Məmmədov -80"
    4. "Ğanəli Əkbərov -70"
    5. "Ağaxan Abdullayev -60" - Albom kitabların mətn müəllifidir.

Filmoqrafiya

1. Hacı Arif (film, 1995)

Həmçinin bax

	Azərbaycan kino sənəti portalı