Nüsrət Kəsəmənli

NÜSRƏT KƏSƏMƏNLİ
Kəsəmənli Nüsrət Yusif oğlu
Doğum tarixi:	1946-cı il(1946-Şablondakı doğum və ya ölüm tarixində texniki yanlışlıq var!-00)
Doğum yeri:	Qazax
Vəfatı:	17 oktyabr 2003-cü il (57 yaşında)
Vəfat yeri:	Təbriz
Peşələri:	Şair, publisist

Kəsəmənli Nüsrət Yusif oğlu (1946-2003) – şair, publisist, 1977-ci ildən Azərbaycan Yazıçılaır Birliyinin üzvü, respublika Lenin komsomolu mükafatı laureatı (1982).

Həyatı

Nüsrət Kəsəmənli 1946-cı ildə Qazax rayonunda anadan olmuşdur. Azərbaycan Dövlət Universitetinin jurnalistika fakültəsinə daxil olmuşdur (1966). Universitetin II kursunda ikən "Bakı" və "Baku" qəzetlərində müxbir, ədəbi işçi vəzifələrinə qəbul edildiyinə görə qiyabi şöbəyə keçirilmişdir (1969-cu ildə). Universiteti bitirdikdən sonra Azərbaycan Yazıçılar İttifaqında referent və ədəbi məsləhətçi olmuşdur (1978-1985).

60-cı illərin əvvəllərindən bədii yaradıcılığa başlamışdır. 150-dək şerinə musiqi bəstələnmişdir. "Boş kəndlərin harayı", "Mövzu üzrə improvizasiya", "Ənbizlərin keşiyində", "Sovet Azərbaycanına səyahət" və s. sənədli filmlərin, "Afroditanın qolları", "Qarabağ əhvalatı" bədii filmlərin ssenari müəllifıdir. Moskvada gənc yazıçıların VI,VII Ümumittifaq müşavirələrində iştirak etmişdir.

Fəal ictimaiyyətçi olmuşdur: Azərbaycan Yazıçılar İttifaqında Həmkarlar Komitəsinin sədri (1981-1984), mədəniyyət işçiləri həmkarlar ittifaqı respublika komitəsi rəyasət heyətinin üzvlüyünə namizəd, Azərbaycan Tarix və Mədəniyyət Abidələri Mühafizə Cəmiyyətinin üzvü, Azərbaycan Yazıçılar İttifaqının VI,VII qurultayında idarə heyətinin üzvü, poeziya şurasının sədri seçilmişdir. C.Cabbarlı adına "Azərbaycanfilm" kinostudiyasında baş redaktor işləmişdir (1985-ci ildən). "Dünyaya pəncərə" sənədli televiziya verilişinin ssenari müəllifı və aparıcısı olmuşdur (1985-ci ildən).17 oktyabr 2003-cü ildə Təbrizdə vəfat etmişdir.

Filmoqrafiya

1. Afroditanın qolları (film, 1987)(qısametrajlı bədii film)
2. Azərbaycana səyahət (film, 1988)
3. Doğma sahillər (film, 1989)
4. Dünyada yeganə (film, 1989)
5. Əmbizlərin keşiyində (film, 1988)
6. Goranboy – oğuz eli (film, 1989)
7. Kəndlərin harayı (film, 1987)
8. Qurultaydan qurultaya (film, 1985)
9. Lətifə (film, 1989)
10. Monoloq (film, 1987)
11. Müsəlmanlar sülh uğrunda mübarizədə (film, 1987)
12. "Neftçi"-87 (film, 1987)
13. Şerəli və Aybərçin (film, 1989)
14. Şeytan göz qabağında (film, 1987)

Əsərləri

1.Sevirsənsə, B., 1971;
2.Gözlərimin qarası,B., 1975;
3.Özümə bənzədiyim günlər, 1979;
4.Gümüş yuxular, B., 1981;
5.Təklikdə danışaq, B., 1983.

Məşhur şeirləri

• Daha nağıllara inanmıram mən
• Biri vardı, biri yox...
• Səni unutsam...
• Vətən alov etsin odunu sənin
• Mənsiz qalacaqdır bu dünya bir gün
• Oğru olmaq istəyirəm
• Ağacın altında kölgə
• Qoyunlar yeyəcək canavarları...
• Məhəbbətdən küsəndə
• Yoxdusa
• Mənim o ağaca yazığım gəlir...
• Mənə inanmırsan bir yuxu kimi
• İnanma əzizim, inan əzizim

Mənbə

• Nüsrət Kəsəmənli

Həmçinin bax

	Azərbaycan kino sənəti portalı