Nərmin Kamal
| Nərmin Kamal | |
 |
|
| Doğum tarixi: | 1981-ci il |
|---|---|
| Doğum yeri: | Bakı,  Azərbaycan SSR |
Nərmin Kamal — yazıçı.
Mündəricat |
[redaktə] Həyatı
Nərmin Kamal 1981-ci ildə Bakı şəhərində anadan olub. 2001-ci ildə Bakı Dövlət Universitetinin fəlsəfə fakültəsini bitirib. 2003-cü ildə fəlsəfə tarixi magistri dərəcəsi alıb. 2004-cü ildə Milli Elmlər Akademiyasında aspiranturaya qəbul olunub. 2006-2007 – İspaniyanın Navarra Universitetinin Fəlsəfə bölməsində Postmodernizm fəlsəfəsi üzrə supervisor kursunda təhsil alıb və İtaliyanın Boloniya Universitetində qonaq tədqiqatçı olub. 2007-ci ildə ixtisası üzrə aspiranturanı bitirib.
1998-ci ildən məqalələri (publisistik, analitik, reportaj və s.) Azərbaycanın azərbaycandilli və rusdilli mətbuatında dərc olunub. Fəlsəfə mövzularında məqalələri və bədii əsərləri türk, fars, ingilis, rus, erməni, fransız, alman dillərinə tərcümə olunaraq müvafiq ölkələrin mətbuat və almanaxlarında dərc edilib.
Çağdaş Azərbaycan ədəbiyyatında AYO və "Alatoran" ədəbi qrupunun yaradıcılarındandır. 2008-ci ildə "Umberto Eko və Postmodernizm fəlsəfəsi" adlı kitabı nəşr olunub. 2009-cu ildə Almaniyanın ZDF dövlət kanalının çəkib yayımladığı "Bakı" filminin həmmüəllifidir.[1] 2008-ci ildə Almaniyada keçirilən Young Euro Connect esse yarışmasının Avropa ölkələrinin yazıçıları arasında keçirilən "Avropa qardaşlıq icmasıdırmı?" müsabiqəsində qalib olaraq, Berlin və Münhenə öz essesini alman auditoriyası qarşısında oxumaq üçün dəvət olunub. Sonradan onun bu və digər bir essesi Young Euro Connect müsabiqəsinin 2005-2008-ci illərdə keçirilmiş yarışmalarının qalib esseləri arasında bir daha seçilərək, Almaniyada nəşr olunmuş 40 yaşa qədər avropalı yazıçıların almanax kitabına daxil edilmişdir. [2]
2010-cu ildə Qadın Forumunun (www.women-forum.net) təşkilatçılığı və Britaniyanın Bakıdakı səfirliyinin dəstəyilə keçirilən "Azərbaycan qadınının həyatı və düşüncələri" esse yarışmasında onun "Azərbaycan – ənənələrin insan haqlarından üstün olduğu vətənim" essesi 66 esse arasında 1-ci yer tutub.
2010-cu ilin yekunlarına görə, "Aç, mənəm" romanı Nəsimi adına milli ədəbiyyat mükafatının "ilin romanı" nominasiyasında qalib olub.
2011-ci ildə Vyanada yazıçı rezidensiyası qazanıb.
[redaktə] Əsərləri
- "Aç, mənəm" romanı, Bakı, "Qanun", 2010,
- "Umberto Eko və Postmodernizm fəlsəfəsi", Bakı, "Qanun", 2008
- "Nevrotik", "Stakkatolar" şeir silsilələri...
[redaktə] Xarici keçidlər
- N.Kamalın bloqu
- Biography Narmin Kamal
- Is South Caucasus a part of Europe?
- Creativity
- Germany-book
- Нармин Камал
- Armenia-Iknagir
- Pardonner Dieu de KAMAL Nermin
- Narmin Kamal
- South Caucasus and Europe cultural connections
- film Aspekte by ZDF
