Nəsimi (film, 1973)

Film Azərbaycan xalqının görkəmli şair və filosofu, hürufi təriqətinin nəğməkarı, insan zəkasının, istedadının və hisslərinin gözəlliyinin tərənnümçüsü İmadəddin Nəsiminin anadan olmasının 600 illiyinə həsr olunmuşdur.

Film haqqında [redaktə]

Film aktyor Rasim Balayevin kinoda ilk işidir.
Film "Kodak" kinolentinə çəkilən ilk Azərbaycan filmidir.
Filmin çəkilişindən 2 il əvvəl YUNESKO-nun qərarı ilə böyük Azərbaycan şairi İmadəddin Nəsiminin anadan olmasının 600 illiyi qeyd edilmişdi. Kinematoqrafçılar da xalqımızın mədəni həyatında böyük hadisə olan bu yubiley münasibətilə "Nəsimi" bədii filmini çəkdilər.
Həm elmi, həm tarixi, həm də etnoqrafik cəhətdən dəqiqliyi saxlamaq üçün filmin müəllifləri çəkilişlərə görkəmli nəsimişünasları, filoloqları, sənətşünasları dəvət etdilər.
Titr: "Bu film orta əsrlərin zülməti içərisində günəş kimi parlayan böyük Azərbaycan şairi və mütəfəkkiri İmadəddin Nəsiminin mürəkkəb və faciəli taleyindən bəhs edir. XIV əsrin axırı XV əsrin əvvəllərində Azərbaycan xalqı bir tərəfdən yadelli işğalçıların, digər tərəfdən bir-birilə aramsız müharibələr aparan yerli feodallarla irticaçı ruhanilərin zülm və talanlarına məruz qalmışdı. Nəsimi yalnız dövrünün ictimai haqsızlıqlarına qarşı çıxan şair və insan ləyaqətini müdafiə edən humanist filosof olaraq qalmamışdı; onun yaradıcılığında islam qaragüruhu ilə mibarizə aparıb öz dövründə mütərəqqi rol oyanayan, eyni zamanda əsrin mütərəqqi, idealist dünyagörüşü təsirindən tamam azad olmayan hürufilik hərəkatının bir çox ideyaları da öz əksini tapmışdı. Film Nəsimi irsinin bizim üçün daha qiymətli ideyaları zülmə və istibdada qarşı üsyan motivləri əsasında yaradılmışdı".
Film İsa Hüseynovun "Məhşər" romanı əsasında çəkilib.

Festivallar və mükafatlar [redaktə]

1)1974-cü ildə Bakıda VII Ümumittifaq kinofestivalı

Kinolentə Tarixi Mövzuda Ən Yaxşı Filmə görə Mükafat verilmişdir.
Ən Yaxşı Kişi Rolunun İfasına görə aktyor Rasim Balayevə II Mükafat verilmişdir.

Filmin heyəti [redaktə]

Film üzərində işləyənlər [redaktə]

Ssenari müəllifi : İsa Hüseynov

Quruluşçu rejissor : Həsən Seyidbəyli

Quruluşçu operator : Rasim İsmayılov

Quruluşçu rəssam : Məmməd Hüseynov, Mais Ağabəyov

Bəstəkar : Tofiq Quliyev

Səs operatoru : Akif Nuriyev

Rejissor : Əşrəf Mamayev, Akif Rüstəmov

Qrim rəssamı : V. Bereznyakov

Geyim rəssamı : Elçin

Montaj edən : Tamara Nərimanbəyova

Rejissor assistenti : Adil İsmayılov (III), Səməd Lazımov, X. Cəfərov, X. Şirinov, Gülbəniz Əzimzadə

Montaj üzrə assistent : Esmira İsmayılova

Operator assistenti : Yuri Varnovski, V. Tibirov, F. Sekandçed, V. Romanov

Rəssam assistenti : Tamilla Dağıstanlı

Quraşdırılmış səhnələrin operatoru : Həmzə Əhmədoğlu

Quraşdırılmış səhnələrin rəssamı : Mirzə Rəfiyev

Redaktor : İntiqam Qasımzadə, Nataliya Şneyer

Məsləhətçi : Əli Fəhmin (leksika üzrə), M. Quluzadə (Nəsiminin yaradıcılığı üzrə), Z. Quluzadə (fəlsəfə üzrə), T. Musəvi (tarix üzrə), R. Əfəndiyev (etnoqrafiya üzrə)

Çalır : SSRİ Kinematoqrafiya Komitəsinin Orkestri

Dirijor : D. Ştilman

Filmin direktoru : Daniil Yevdayev, Bəşir Quliyev