Naibə Allahverdiyeva

Vikipediya, açıq ensiklopediya
Keçid et: naviqasiya, axtar
Naibə Allahverdiyeva
Naibə Allahverdiyeva.JPG
İlk adı: Naibə Siyavuş qızı Allahverdiyeva
Doğum tarixi: 28 may 1963 (1963-05-28) (51 yaş)
Doğum yeri: Tbilisi, Flag of Georgian SSR.svg Gürcüstan SSR
Atası: Siyavuş Allahverdiyev
Anası: Bilqeyis Məhərrəmqızı
Peşəsi: aktrisa
Mükafatları: əməkdar artist (2000)

Naibə Siyavuş qızı Allahverdiyeva — Azərbaycan aktrisası, Azərbaycanın əməkdar artisti (2000).

Həyatı[redaktə]

Naibə Allahverdiyeva Tbilisidə anadan olub. Atası Siyavuş ilə anası Bilqeyis ayrılıblar. Doğma qardaş-bacısı olmayıb.

Naibə Allahverdiyeva M.A.Əliyev adına Azərbaycan Dövlət İncəsənət İnstitutunun aktyorluq fakültəsini bitirmişdir. Orada ona aktyor sənətindən və səhnə danışığında dörd il müddətində Fuad və Zəminə Hacıyevlər, Ələmdər Quluzadə, Mikayıl Mirzə kimi tanınmış teatr xadimləri dərs deyib. Ali təhsilli aktrisa təyinatla Naxçıvan Dövlət Musiqili-Dram Teatrına işləməyə göndərilib. Elə ilk gündən cavan aktrisaya etibar edib, Dudarevin "Astana" tamaşasında baş rol olan Alina rolunu veriblər. Sonra "Apardı sellər Saranı" tamaşasında Saranı, "Gülən adam"da Hersoginanı oynayıb. Qısa vaxtda teatrın əsas repertuarına daxil olan aktrisa üç il bu teatrın səhnəsində çoxlu rollar oynayıb.

1994-cü ildən Gənc Tamaşaçılar teatrında aktrisa kimi fəaliyyət göstərir. Teatrda ilk rolu D. Mehdinin "O da mənəm, bu da" (rejissor Ağaxan Salmanlı) tamaşasında Nazlı rolu olmuşdur.

N.Allahverdiyeva maraqlı obrazları ilə teatrsevərlərin rəğbətini qazanmışdır.

Ə.Əmirlinin "Bala bəla sözündəndir" tamaşasında Bibi, T.Kazımovun "Səsin sehri" tamaşasında Səfurə, A.Həsənzadənin "Mağara" tamaşasında Xatun, Ə.Dəmirçizadənin "Dədəm Qorqud" tamaşasında Burla Xatun, T.Vəliyevanın "Mənim ağ göyərçinim" tamaşasında Münəvvər, S.Rüstəmin "Çimnaz xanım yuxudadır" tamaşasında Çimnaz rolları yaddaqalan, maraqlı obrazlardandır.

N.Allahverdiyeva bir kino aktrisası kimi də bir sıra filmlərdə çəkilmişdir. "Qara Volqa" filmində Rita, "Məhəbbətin hökmü" filmində Cevriyyə rolları aktrisaya tamaşaçı rəğbəti qazandırmışdır. Rusiyada rejissor Mixail Xleborodovun quruluşunda "Cənnətin kuryeri" filmində çəkilmişdir.

İstedadlı aktrisanın yaradıcılığı yüksək qiymətləndirilmiş və o, 2000-ci ildə Azərbaycan Respublikasının əməkdar artisti fəxri adı ilə təltif olunmuşdur.

9 may 2012-ci ildə və 30 aprel 2014-cü ildə[1] Prezident Mükafatına layiq görülmüşdür.

Teatr səhnəsindəki rolları[redaktə]

Tamaşanın adı Rol Tarix Rejissor Müəllif
O da mənəm, bu da Nazlı Ağaxan Salmanlı D. Mehdi
Bala bəla sözündəndir Bibi Əli Əmirli
Səsin sehri Səfurə Ağakişi Kazımov Tahir Kazımov
Mağara Xatun 1994 Vaqif Əsədov Aygün Həsənzadə
Dədəm Qorqud Burla Xatun Loğman Kərimov Əbdüləzəl Dəmirçizadə
Mənim ağ göyərçinim Münəvvər 2000 Loğman Kərimov Tamara Vəliyeva
Çimnaz xanım yuxudadır Çimnaz Rafiq Əliyev (II) Süleyman Rüstəm
Pəri Cadu Şamama Cadu Nicat Kazımov Əbdürrəhim bəy Haqverdiyev
Romeo və Cülyetta dayə 2011 Cənnət Səlimova Uilyam Şekspir
Dörd əkizin nağılı Yelena xala 2013 Ağalar İdrisoğlu Panço Pançev
Konnemarada bir kəllə Mericonni Kafferti 2014 Yan Vilem van den Boş
Sərvər Əliyev
Martin Makdonah
Sarıköynəklə Valehin nağılı Simuzər 2014 Bəhram Osmanov İlyas Əfəndiyev

Filmoqrafiya[redaktə]

  1. Adam ol! 2 (film, 2006)(tammetrajlı bədii film)-rol: aşpaz
  2. Adam ol! 3 (film, 2007)(tammetrajlı bədii film)(Lider tv)
  3. Aramızda qalsın (film, 2011)(bədii serial)
  4. Bağdada putyovka var... (film, 2000)
  5. Bəylik dərsi (film, 2007)
  6. Bomba (film, 2005)
  7. Cənnətin kuryeri (Rusiya)
  8. Əlvida, cənub şəhəri (film, 2006)
  9. İnterpapa (film, 2006)
  10. Komediya səhnəsi (veriliş, 2009)
  11. Qara "Volqa" (film, 1994)
  12. Məhəbbətin hökmü (film, 1998)
  13. Mənim ağ şəhərim (film, 1994)
  14. Nigarançılıq (film, 1998)
  15. Olacağa çarə yoxdur (film, 2003)
  16. Sürəyya (film, 1987)
  17. Seans (veriliş, 2007)
  18. Yarımştat (film, 1996)

İstinadlar[redaktə]

  1. İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı

Həmçinin bax[redaktə]

Portalkino.jpg
Azərbaycan kino sənəti portalı