Naomi Uotts

Vikipediya, açıq ensiklopediya
Keçid et: naviqasiya, axtar
Naomi Uotts
ing. Naomi Watts
Naomi Watts.jpg
Doğum tarixi: 28 sentyabr 1968 (1968-09-28) (46 yaş)
Doğum yeri: Shoreham, Kent, İngiltərə
Atası: Peter Watts
Anası: Myfanwy Edwards
Uşağı: 2
Peşəsi: Aktrisa

Naomi Uotts (ing. Naomi Watts, 28 sentyabr 1968) —İngilis-Avstraliya aktrisasıdır.

Həyatı[redaktə]

Naomi Uotts (Naomi Watts) Peter Uotts və Mifannavi Roberts ailəsində Shoreham (Kent, Böyük Britaniya), 28 sentyabr 1968-ci ildə anadan olmuşdur. Onun anası əntiq satıcısı, atası isə məşhur rok qrupu Pink Floydun səs mühəndisi idi. Naomi dörd yaşı olanda olanda valideynləri boşanır və üç il sonra atası vəfat edir. İki övladı (Benjamin adlı qardaşı, ABŞ-da artıq məşhur fotoqrafdı, 2 yaş Uottsdan böyükdü) ilə rahatlıq axtarışında İngiltərəni səyahət edən xanım Uotts nəhayət ana evi yurdu Avstralilyanın Sidney şəhərinə köçür. O vaxt Naominin 14 yaşı var idi. Uşaq vaxtı yerli teatrların birində aktrisalıq edən anasının sayəsində Naomidə də aktrisalığa maraq yarandı. Aktyor məktəbini bitirdikdən sonra isə kastinqlərdə iştirak etməyə başlayır. Elə məhz bu kastinqlərin birində o sonralar ən yaxın rəfiqəsinə çevrilən Nikol Kidmanla tanış olur. Aktrisanın ilk rolu "Məhəbbət naminə" (1986) filmində olur. On səkkiz yaşında Naomi modelliklə məşğul olmağa başlayır və Yaponiyada işləmək üçün bir təşkilat vasitəsilə işə qəbul olunur. Bir il mübarizə aparsada anlayır ki, bu iş onluq deyil və geriyə- evə qayıdır. İndi o özünü model biznesinin digər tərəfində yoxlamaq qərarı vermişdi- moda jurnalında müxbir vəzifəsində. Bir çox peşələr arasında qərarsız olsa da, ürəyinin dərinliyində hiss edirdi ki, o aktrisa olmalıdı. Onun alnına bu yazılıb. Tezliklə Naomi daha bir filmdə- "Əyləncə" (1991) də kiçik bir rol alır. Daha sonra isə Avstraliya mini serialında gələcəyin daha bir ulduz aktyoru- Rassel Krou ilə tərəf müqabili olur. "Əyləncə"-nin rejissoru Con Duiqan aktrisanın özünün növbəti filminə dəvət edir- "Geniş Sarqasso dənizi" (1992). Bundan sonra gənc aktrisa Los Angelesə gəlir. İlk Hollywood təcrübəsi Naomi Uotts üçün - "Gecə sessiyası" (1993) filmi olur. Amma nə bu, nə də 90-cı illərin əvvəlləri çəkildiyi filmlər ("Tankistka", "Qarğıdalı uşaqları-4", "Vicdanlı xanım", "Yad planet" və s.) Naomini ulduz etmədi. Kino karyera-Uotsa şöhrət gətirən film Devid Linçin "Malholland sürücüsü" (2001) oldu. Bu filmı görə o özünün ilk mükafatlarını qazandı. 230 milyon gəlir gətirən "Zəng" filmi aktrisaya ulduz möhürü vurdu. Bununla da onun yüksəliş dövrü başladı. Aktrisanın daha bir uğurlu rolu İnarritunun çəkdiyi "21 qram" (2002) filmində oldu ki, həmin rol aktrisanı "Oskar"a namizəd etdi.

Aktrisa rejissorlar- Daniel Kerbi və Stiven Hoppkinslə, ssenarist- Cef Sminqi və aktyor Hit Ledcerlə görüşüb. Amma onun həyat yoldaşı aktyor Liv Şrayberdi. Onların indi iki oğlu var: Aleksandr və Samuel. Aktrisa ailəsi ilə bərabər Nyu Yorkda yaşayır. Aktrisa bir neçə aktyor və aktrisalarla dostluq edir. Onların içində Benissio Del Toro, Nikol Kidman, Seymon Beyker də var. Nikol Kidman hələ Tom Kruza evli olduğu vaxt Naomi onların Stella adlı uşaqlarına dayəlik edirdi. Təsadüfü deyil ki, Stellanın xaç anası da elə Naomi Uottsdu.

Maraqlı faktlar[redaktə]

  • Naomi deyir ki, ilk dəfə beş yaşında anasını səhnədə görəndə aktrisa olmağa qərar vermişdi.
  • İlk film təcrübəsində aktrisanın 18 yaşı var idi.
  • Naomi Uotts Vegetariandır,
  • Devid Linç "Malholland sürücüsü" filminə aktrisanı kastinqsiz dəvət edib.
  • Həvəslə izlədiyi idman növləri futbol, boks və tenisdir.
  • O 2002-ci ildə "People Magazine" jurnalının tərtib etdiyi dünyanın ən məşhur 50 insanı arasında yer alıb.
  • O "Saturn" film mükafatına iki dəfə "Malholland sürücüsü" və "Üzük" filmindəki rollarına görə namizəd olub.

Filmoqrafiya[redaktə]

İstinadlar[redaktə]

Həmçinin bax[redaktə]

Xarici keçidlər[redaktə]